________________
Jain Education International
समवाय ३०
सीसावेढेण जे केई, आवेढेइ अभिक्खणं । तिव्वासुभसमायारे, महामोहं पकुव्वइ ॥ २ ॥ पाणिणा संपिहित्ता णं, सोयमावरिय पाणिणं । अंतो दंतं मारेइ, महामोहं पकुव्वइ ॥ ३ ॥ जायतेयं समारब्भ, बहुं ओरुंभिया जणं । अंतो धूमेणं मारेइ, महामोहं पकुव्वइ ॥ ४ ॥ सीसम्मि जे पहणइ, उत्तमंगम्मि चेयसा । विभज्ज मत्थयं फाले, महामोहं पकुव्वइ ॥ ५ ॥ पुणो पुणो पणिहिए, हरित्ता उवहसे जणं । फलेणं अदुवा दंडेणं, महामोहं पकुव्वइ ॥ ६ ॥ गूढायारी णिगूहिज्जा, मायं मायाए छायए । असच्चवाई णिण्हाई, महामोहं पकुव्वइ ॥ ७ ॥ धंसेइ जो अभूएणं, अकम्पं अत्तकम्मुणा । अदुवा तुमकासि त्ति, महामोहं पकुव्व ॥ ८ ॥ जाणमाणो परिसओ, सच्चामोसाणि भासइ । अक्खीण झंझे पुरिसे, महामोहं पकुव्वइ ॥ ९ ॥ अणागयस्स णयवं, दारे तस्सेव धंसिया । विठलं विक्खोभइत्ताणं, किच्चाणं पडिबाहिरं ॥ १० ॥ उवगसंतं पि झंपित्ता, पडिलोमाहिं वग्गूहिं । भोगभोगे वियारेइ, महामोहं पकुव्वइ ॥ ११ ॥ अकुमारभूएं जे केइ, कुमारभूए त्तिहं वए । इत्थीहिं गिद्धे वसए, महामोहं पकुव्वइ ॥ १२ ॥ अब भयारी जे केइ, बंभयारीत्ति हं वए । गदहे व्व गवां मज्झे, विस्सरं णयइ णदं ॥ १३ ॥ अप्पणो अहिए बाले, मायामोसं बहुं भसे । इत्थीविसयगेहीए, महामोहं पकुव्वइ ॥ १४ ॥
For Personal & Private Use Only
१३९
www.jainelibrary.org
