________________
समवाय २५
Jain Education International
पिंडेसण सिज्जिरिया, भासज्झयणा य वत्थ पाएसा । उग्गहपडिमा सत्तिक्क सत्तया भावण विमुत्ती ॥ णिसीहज्झयणं पंचवीसइमं ।
मिच्छादिट्ठिविगलिंदिए णं अपज्जत्तए णं संकिलिट्ठपरिणामे णामस्स कम्मस्स पणवीसं उत्तरपयडीओ णिबंधइ तंजहा - तिरिय गइणामं विगलिंदिय जाइणामं ओरालिय सरीरणामं तेयग सरीरणामं कम्मग सरीरणामं हुंडंगसंठाणणामं ओरालिय सरीरंगोवंगणामं, छेवट्ट संघयणणामं वण्णणामं गंधणामं रसणामं फासणामं तिरियाणुपुव्विणामं अगुरुलहुणामं उवघायणामं तसणामं बायरणामं अपज्जत्तयणामं पत्तेयसरीरणामं अथिरणामं असुभणामं दुभगणामं अणादेज्ज णामं अजसोकित्तीणामं णिम्माणणामं । गंगासिंधूओं णं महाणईओ पणवीसं गाऊयाणि पुहुत्तेणं दुहओ घडमुह पवित्तिएण मुत्तावली हार संठिएणं पवाएणं पडंति । रत्तारत्तवईओ णं महाणईओ पणवीसं गाउयाणि पुहुत्तेणं मकर मुह पवित्तिएणं मुत्तावली हार संठिएणं पवाएणं पडति । लोगबिंदुसारस्स णं पुव्वस्स पणवीसं वत्थू पण्णत्ता । इमीसे णं. रयणप्पभाए पुढवीए अत्थेगइयाणं णेरइयाणं पणवीसं पलिओवमाई ठिई पण्णत्ता । अहे सत्तमाए पुढवीए अत्थेगइयाणं णेरइयाणं पणवीसं सागरोवमाई ठिंई पण्णत्ता । असुरकुमाराणं देवाणं अत्थेगइयाणं पणवीसं पलिओवमाइं ठिई पण्णत्ता | सोहम्मीसाणेसु कप्पेसु अत्थेगइयाणं देवाणं पणवीसं पलिओवमाइं ठिई पण्णत्ता । मज्झिम हेट्ठिम गेविज्जयाणं देवाणं जहण्णेणं पणवीसं सागरोवमाझं ठिई पण्णत्ता । जे देवा हेट्ठिम उवरिमगेविज्जग विमाणेसु देवत्ताए उववण्णा तेसिणं देवाणं उक्कोसेणं पणवीसं सागरोवमाइं ठिई पण्णत्ता ।
-
नभनननननननननन*fffffffffffननननननन*1*111*1*••••••••••••IF
ते णं देवा पणवीसाए अद्धमासेहिं आणमंति वा पाणमंति वा ऊससंति वा णीससंति वा । तेसिणं देवाणं पणवीसाए वाससहस्सेहिं आहारट्ठे समुप्पज्जइ । संतेगइया भवसिद्धिया जीवा जे पणवीसाए भवग्गहणेहिं सिज्झिस्संति बुज्झिस्संति जाव सव्व दुक्खाणमंतं करिस्सति ॥ २५ ॥
कठिन शब्दार्थ- पुरिमपच्छिमगाणं तित्थयराणं प्रथम तीर्थङ्कर और अंतिम तीर्थङ्कर के शासन में, पंचजामस्स पंचयाम पांच महाव्रतों की, आलोयभायणभोयणं - आलोकित
११९
-
For Personal & Private Use Only
www.jainelibrary.org
