________________
४८
.. जम्बूद्वीप प्रज्ञप्ति सूत्र
(२८) तीसे णं भंते! समाए भरहे वासे मणुयाणं केरिसए आयारभावपडोयारे पण्णत्ते?
गोयमा! ते णं मणुया सुपइट्ठियकुम्मचारुचलणा जाव लक्खणवंजणगुणोववेया सुजायसुविभत्तसंगयंगा पासादीया जाव पडिरूवा।
तीसे णं भंते! समाए भरहे वासे मणुईणं केरिसए आयारभावपडोयारे पण्णत्ते?
गोयमा! ताओ णं मणुईओ सुजायसव्वंग-सुंदरीओ, पहाणमहिलागुणेहिं जुत्ताओ, अइक्कंत-विसप्प-माणमउयाओ, सुकुमाल-कुम्मसंठियविसिट्टचलणा, उज्जुमउयपीवरसुसाहयंगुलीओ, अब्भुण्णय-रइय-तलिण-तंब-सूइ-णिद्धणक्खाओ, रोमरहिय-वट्ट-ल?-संठियअजहण्ण-पसत्थलक्खणअकोप्पजंघजुयलाओ, सुणिम्मियसुगूढजाणुमंसलसुबद्धसंधीओ, कयलीखंभाइरेग-संठियणिव्वण-सुकुमाल-मस्य-मंसल-अविरल-समसंहिय-सुजाब-वट्ट-पीवरणिरंतरोरुओ, अट्ठावयवीइयपट्ठसंठियपसत्थविच्छिण्णपिहुलसोणीओ ववणायामप्पमाणदुगुणि-अविसाल-मंसलसुबद्धजहणवरधारिणीओ, वजविराइयप्पसत्थलक्खण-णिरोदरतिवलियवलियतणुणयमज्झिमाओ, उज्जुयसमसहियजच्चतणुकसिण-णिद्धआइज्ज-लडहसुजायसुविभत्त-कंतसोभंतरुइलरमणिजरोमराईओ, गंगावत्त-पयाहिणावत्ततरंग-भंगुर-रविकिरण-तरुणबोहिय-अकोसायंतपउमगंभीर-वियडणाभीओ, अणुब्भडपसत्थपीणकुच्छीओ, सण्णयपासाओ, संगयपासाओ, सुजाय-पासाओ, मियमाइयपीणरइयपासाओ, अकरंडुयकणगरुयगणिम्मलसुजायणिरुवहयगायलट्ठीओ, कंचणकलसप्पमाणसमसहियलट्ठचुच्चुयामेलगजमल-जुयलवट्टियअब्भुण्णय-पीणरइय-पीवर-पओहराओ, भुयंगअणुपुव्वतणुय-पुच्छवट्ट-संहियणमियआइजललियबाहाओ, तंबणहाओ, मंसलग्गहत्थाओ, पीवरकोमलवरंगुलियाओ, णिद्धपाणिलेहाओ, रविससिसंख
Jain Education International
For Personal & Private Use Only
www.jainelibrary.org
