________________
पंचम वक्षस्कार - रुचकवासिनी दिक्कुमारिकाओं द्वारा उत्सव
३३६
गाहा - समाहारा १, सुप्पइण्णा २, सुप्पबुद्धा ३, जसोहरा ४।
लच्छिमई ५, सेसवई ६, चित्तगुत्ता ७, वसुंधरा ८॥१॥ तहेव जाव तुब्भाहिं ण भाइयव्वंतिकट्ट भगवओ तित्थयरस्स तित्थयरमांऊए य दाहिणेणं भिंगारहत्थगयाओ आगायमाणीओ परिगायमाणीओ चिटुंति।
तेणं कालेणं तेणं समएणं पच्चत्थिमरुयगवत्थव्वाओ अट्ठ दिसाकुमारीमहत्तरियाओ सएहिं २ जाव विहरंति, तंजहा
इलादेवी १, सुरादेवी २, पुहवी ३, पुणावई ४। एगणासा ५, णवमिया ६, भद्दा ७, सीया य ८, अट्ठमा॥१॥
तहेव जाव तुब्भाहिं ण भाइयव्वंतिकटु जाव भगवओ तित्थयरस्स तित्थयरमाऊए य पच्चत्थिमेणं तालियंटहत्थगयाओ आगायमाणीओ परिगायमाणीओ चिट्ठति। .. तेणं कालेणं तेणं समएणं उत्तरिल्लरुयगवत्थव्वाओ जाव विहरंति तंजहा
अलंबुसा १, मिस्सकेसी २, पुण्डरीया य ३, वारुणी ४,
हासा ५, सव्वप्पभा ६, चेव, सिरि ७, हिरि ८, चेव उत्तरओ॥१॥ - तहेव जाव वंदित्ता भगवओ तित्थयरस्स तित्थयरमाऊए य उत्तरेणं चामरहत्थगयाओ आगायमाणीओ परिगायमाणीओ चिटुंति।
तेणं कालेणं तेणं समएणं विदिसि-रुयगवत्थव्वाओ चत्तारि दिसाकुमारीमहत्तरियाओ जाव विहरंति, तंजहा-चित्ता य १ चित्तकणगा २ सतेरा ३ य सोदामिणी ४। तहेव जाव ण भाइयव्वंतिक? भगवओ तित्थयरस्स तित्थयरमाऊए य चउसु विदिसासु दीवियाहत्थगयाओ आगायमाणीओ परिगायमाणीओ चिटुंतित्ति।
तेणं कालेणं तेणं समएणं मज्झिमरुयगवत्थव्वाओ चत्तारि दिसाकुमारीमहत्तरियाओ सएहिं २ कूडेहिं तहेव जाव विहरंति, तंजहा-रूया रूयासिया चेव, सुरूया रूयगावई। तहेव जाव तुब्भाहिं ण भाइयव्वंतिक? भगवओ तित्थयरस्स
Jain Education International
For Personal & Private Use Only
www.jainelibrary.org
