________________
चतुर्थ वक्षस्कार - यमक संज्ञक पर्वत द्वय
२५६
साइरेगाइं अद्धसोलसजोयणाई आयामविक्खंभेणं, बिइयपासायपंती ते णं पासायवडेंसया साइरेगाइं अद्धसोलसजोयणाई उद्धं उच्चत्तेणं साइरेगाइं अट्ठमाई जोयणाई आयामविक्खम्भेणं, तइयपासायपंती ते णं पासायवडेंसया साइरेगा; अट्टमाइं जोयणाई उड्डे उच्चत्तेणं साइरेगाइं अधुट्ठजोयणाई आयाम-विक्खम्भेणं वण्णओ सीहासणा सपरिवारा, तेसि णं मूलपासायवडिंसयाणं उत्तर-पुरत्थिमे दिसीभाए एत्थ णं जमगाणं देवाणं सहाओ सुहम्माओ पण्णत्ताओ अद्धतेरसजोयणाई आयामेणं छस्सकोसाइं जोयणाई विक्खम्भेणं णव जोयणाई उर्ल्ड उच्चत्तेणं अणेगखम्भसयसण्णिविट्ठा सभावण्णओ, तासि णं सभाणं सुहम्माणं तिदिसिं तओ दारा पण्णत्ता, ते णं दारा दो जोयणाई उडे उच्चत्तेणं जोयणं विक्खम्भेणं तावइयं चेव पवेसेणं, सेया वण्णओ जाव वणमाला।
तेसि णं दाराणं पुरओ पत्तेयं पत्तेयं तओ मुहमंडवा पण्णत्ता, ते णं मुहमंडवा अद्धतेरसजोयणाई आयामेणं छस्सकोसाइं जोयणाई विक्खम्भेणं साइरेगाइं दो जोयणाई उद्धं उच्चत्तेणं जाव दारा भूमिभागा य त्ति, पेच्छाघरमंडवाणं तं चेव पमाणं भूमिभागो मणिपेढियाओत्ति, ताओ णं मणिपेढियाओ जोयणं आयामविक्खम्भेणं अद्धजोयणं बाहल्लेणं सव्वमणिमईओ सीहासणा भाणियव्वा।
- तेसि णं पेच्छाघरमंडवाणं पुरओ मणिपेढियाओ पण्णत्ताओ, ताओ णं मणिपेढियाओ दो जोयणाई आयामविक्खम्भेणं जोयणं बाहल्लेणं सव्वमणिमईओ, तासि णं उप्पिं पत्तेयं २ तओ थूभा तेणं थूभा दो जोयणाई उद्धं उच्चत्तेणं दो जोयणाई आयामविक्खम्भेणं सेया संखतल जाव अट्ठट्ठमंगलगा।
तेसि णं थूभाणं चउद्दिसिं चत्तारि मणिपेढियाओ पण्णत्ताओ, ताओ णं मणिपेढियाओ जोयणं आयामविक्खम्भेणं अद्धजोयणं बाहल्लेणं जिणपडिमाओ वत्तव्वाओ, चेइयरुक्खाणं मणिपेढियाओ दो जोयणाई आयामविक्खम्भेणं जोयणं बाहल्लेणं चेइयरुक्ख वण्णओत्ति। तेसि णं चेइयरुक्खाणं पुरओ तओ मणिपेढियाओ पण्णत्ताओ, ताओ णं मणिपेढियाओ जोयणं आयाभविक्खम्भेणं
Jain Education International
For Personal & Private Use Only
www.jainelibrary.org
