________________
जम्बूद्वीप प्रज्ञप्ति सूत्र
सिद्धाययणस्स कूडस्स णं उप्पिं बहुसमरमणिज्जे भूमिभागे पण्णत्ते तस्स णं बहुसमरमणिजस्स भूमिभागस्स बहुमज्झदेसभाए एत्थ णं महं एगे सिद्धाय पण्णत्ते, पण्णासं जोयणाई आयामेणं पणवीसं जोयणाइं विक्खंभेणं छत्तीसं जोयणाई उड्ड उच्चत्तेणं जाव जिणपडिमा वण्णओ भाणियव्वो ।
२२८
कहि णं भंते! चुल्लहिमवंते वासहरपव्वए चुल्लहिमवंतकूडे णामं कूडे पण्णत्ते ?
गोयमा ! भरहकूडस्स पुरत्थिमेणं सिद्धाययण - कूडस्स पच्चत्थिमेणं एत्थ णं चुल्लहिमवंते वासहरपव्वए चुल्लहिमवंतकूडे णामं कूडे पण्णत्ते, एवं जो चेव सिद्धाययणकूडस्स उच्चत्तविक्खंभपरिक्खेवो जाव बहुसमरमणिजस्स भूमिभागस्स बहुमज्झदेसभाए एत्थ णं महं एगे पासायवडेंसए पण्णत्ते बासट्ठि जोयणाई अद्धजोयणं च उच्चत्तेणं इक्कतीस जोयणाई कोसं च विक्खंभेणं अब्भुग्गय - मूसियपहसिए . विव विविहमणिरयणभत्तिचित्ते वाउद्धय-विजयवेजयंती-पडागच्छत्ताइच्छत्तकलिए तुंगे गगणतलमभिलंघमाणसिहरे जालंतर-रयणपंजरुम्मीलिएव्व मणिरयणथ्रुभियाए वियसियसयवत्तपुंडरीयतिलयरयणद्ध चंदचित्ते णाणामणिमयदामालंकिए अंतो बाहिं च सण्हे वइरतवणिज्जरुइल -वालुयापत्थडे सुहफासे सस्सिरीयरूवे पासाईए जाव पडिरूवे, तस्स णं पासायवडेंसगस्स अंतो बहुसमरमणिजे भूमिभागे पण्णत्ते जाव सीहासणं सपरिवारं ।
से केणट्टेणं भंते! एवं वुच्चइ - चुल्लहिमवंतकूडे २?
गोयमा! चुल्लहिमवंते णामं देवे महिड्डिए जाव परिवसइ ।
कहि णं भंते! चुल्लहिमवंतगिरिकुमारस्स देवस्स चुल्लहिमवंता णामं यहाणी पण्णत्ता ?
गोयमा! चुल्लहिमवंतकूडस्स दक्खिणेणं तिरियमसंखेज्जे दीवसमुद्दे वीईवइत्ता अण्णं जंबुद्दीवं २ दक्खिणेणं बारस जोयणसहस्साइं ओगाहित्ता इत्थ णं चुल्लहिमवंतस्स गिरिकुमारस्स देवस्स चुल्लहिमवंता णामं रायहाणी पण्णत्ता,
Jain Education International
For Personal & Private Use Only
www.jainelibrary.org
