________________
जम्बूद्वीप प्रज्ञप्ति सूत्र
हे गौतम! इसी कारण यह पद्मद्रह कहलाता है । यावत् इसके अलावा हे गौतम! पद्मद्रह का यह नाम शाश्वत है, जो भूत, भविष्यत् एवं वर्तमान तीनों में ही नष्ट न होने वाला है ।
(29)
२२०
तस्स णं पउमद्दहस्स पुरत्थिमिल्लेणं तोरणेणं गंगा महाणई पवूढा समाणी पुरत्थाभिमुही पंच जोयणसयाई पव्वएणं गंता गंगावत्तणकूडे आवत्ता समाणी पंच तेवीसे जोयणसए तिण्णि य एगूणवीसइभाए जोयणस्स दाहिणाभिमुही पव्वणं गंता महया घड़मुहपवित्तिएणं मुत्तावलिहारसंठिएणं साइरेगजोयणसइएणं पवाएणं पवडइ ।
गंगा महाई जओ पवडइ इत्थ णं महं एगा जिब्भिया पण्णत्ता, साणं जिब्भिया अद्धजोयणं आयामेणं छ सकोसाइं जोयणाइं विक्खंभेणं अद्धंकोसं बाहल्लेणं मगरमुहविउट्ठसंठाणसंठिया सव्ववइरामई अच्छा सण्हा ।
गंगा महाणई जत्थ पवडइ एत्थ णं महं एगे गंगप्पवायकुंडे णामं कुंडे पण्णत्ते सट्ठि जोयणाई आयामविक्खंभेणं णउयं जोयणसयं किंचिविसेसाहियं परिक्खेवेणं दस जोयणाइं उव्वेहेणं अच्छे सण्हे रययामयकूले समतीरे वइरामयपासाणे वइरतले सुवण्ण-सुब्भरययामयवालुयाए वेरुलियमणिफालियपडलपच्चोयडे सुहोयारे सुहोत्तरे णाणामणितित्थसुबद्धे वट्टे अणुपुव्वसुजायवप्पगंभीरसीयलजले संछण्णपत्त-भिसमुणाले बहुउप्पल - कुमुय - - णलिण- सुभग-सोगंधिय-पोंडरीयमहापोंडरीय-सय- पत्त - सहस्सपत्त-सयसहस्सपत्त- पप्फुल्लके सरोवचिए छप्पयमहुयरपरिभुज्जमाणकमले अच्छविमलपत्थसलिले पुण्णे पडिहत्थभमंतमच्छकच्छभ-अणेगसउणगण- मिहुण- पवियरिय - सगुण्णइय - महुरसरणाइए पासाईए० । से णं एगाए पउमवरवेइयाए एगेण य वणसंडेणं सव्वओ समंता संपरिक्खित्ते वेड्यावणसंडगाणं पउमाणं वण्णओ भाणियव्वो, तस्स णं गंगप्पवायकुंडस्स तिदिसिं तओ तिसोवाणपडिरूवगा पण्णत्ता, तंजहा - पुरत्थिमेणं दाहिणेणं पच्चत्थिमेणं, तेसि णं तिसोवाणपडिरूवगाणं अयमेयारूवे वण्णावासे पण्णत्ते,
Jain Education International
******
For Personal & Private Use Only
www.jainelibrary.org
