________________
देवलोक में स्वदेवी भोगैषणा निदान
१३५
तहेव जाव संति उड्डे देवा देवलोगंसि ते णं तत्थ णो अण्णेसिं देवाणं अण्णं देविं अभिजुंजिय अभिमुंजिय परियारेंति, अप्पणो चेव अप्पाणं विउव्वित्ता परियारेंति, अप्पणिज्जियाओवि देवीओ अभिजुंजिय अभिजुंजिय परियारेंति, जइ इमस्स तवणियम तं चेव सव्वं जाव वयमवि आगमेस्साणं इमाइं एयारूवाइं दिव्वाइं भोगभोगाइं भुंजमाणा विहरामो से तं साहु। एवं खलु समणाउसो ! णिग्गंथे णियाणं किच्चा तस्स ठाणस्स अणालोइय अपडिक्कंते कालमासे कालं किच्चा अण्णयरेसु देवलोएसु देवत्ताए उववत्तारो भवइ तंजहा - महिड्डिएसु महज्जुइएसु जाव पभासमाणे णो अण्णेसिंदेवाणं अण्णं देविं अभिजुंजिय अभिमुंजिय परियारेइ, अप्पणो चेव अप्पाणं विउव्वित्ता परियारेइ अप्पणिज्जियाओ देविओ अभिजुंजिय अभिजुंजिय परियारेइ से णं ताओ देवलोगाओ आउक्खएणं भवक्खएणं ठिइक्खएणं तं जेव जाव पुमत्ताए पच्चायाइ जाव किं ते आसगस्स सयइ? तस्स णं तहप्पगारस्स पुरिसा जायस्स समणे वा माहणे वा जाव पडिस्सुणेजा? हंता पडिस्सुणेजा जाव से णं सद्दहेजा पत्तिएज्जा रोएजा? णो इणढे समटे॥२८॥ - अण्णत्थरुई रुइमादाए से य भवइ, से जे इमे ® आरण्णिया आवसहिया गामंतिया कण्हुइ रहस्सिया णो बहुसंजया णो बहुविरया सव्वपाणभूयजीवसत्तेसु अप्पणो सच्चामोसाइं एवं विपडिवदंति - अहं ण हंतव्यो अण्णे हंतव्वा अहं ण अज्जावेयव्वो अण्णे अज्जावेयव्वा अहं ण परियावेयव्वो अण्णे परियावेयव्वा अहं ण परिघेत्तव्वो अण्णे परिवेत्तव्वा अहं ण उद्दवेयव्वो अण्णे उद्दवेयव्वा, एवामेव इत्थिकामेहिं मुच्छिया गढिया गिद्धा अज्झोववण्णा जाव कालमासे कालं किच्चा अण्णयराइं असुराई किब्बिसियाइं ठाणाई उववत्तारो भवंति, तओ वि(प्प )मुच्चमाणा भुज्जो भुजो एलमूयत्ताए पच्चायंति, एवं खलु समणाउसो ! तस्स णियाणस्स जाव णो संचाएइ केवलिपण्णत्तं धम्म सहहित्तए वा पत्तिइत्तए वा रोइत्तए वा ॥२९॥ - कठिन शब्दार्थ - अण्णत्थरुई - अन्यत्र रुचि - अन्य धर्म में रुचि, रुइमादाए -
• विसेसाय सूयगडे २ सु० अ० २ बारसमं किरियट्ठाणं दट्ठव्वं ।
Jain Education International
For Personal & Private Use Only
www.jainelibrary.org
