________________
9. एदे खलु मूलगुणा समणाणं जिणवरेहिं पण्णत्ता।
तेसु पमत्तो समणो छेदोवट्ठावगो होदि।।
10. लिंगग्गहणे तेसिं गुरु त्ति पव्वज्जदायगो होदि।
छेदेसूवठ्ठवगा सेसा णिज्जावगा समणा।।
11. पयदम्हि समारद्धे छेदो. समणस्स कायचे?म्हि।
जायदि जदि तस्स पुणो आलोयणपुब्विया किरिया।। 12. छेदपउत्तो समणो समणं ववहारिणं जिणमदम्हि।
आसेज्जालोचित्ता उवदिटुं तेण कायव्वं।।
13. अधिवासे व विवासे छेदविहूणो भवीय सामण्णे।
समणो विहरदु णिच्वं परिहरमाणो णिबंधाणि।।
14. चरदि णिबद्धो णिच्चं समणो णाणम्मि दंसणमुहम्मि।
पयदो मूलगुणेसु य जो सो पडिपुण्णसामण्णो।।
15. भत्ते वा खमणे वा आवसधे वा पुणो विहारे वा।
उवधिम्हि वा णिबद्धं णेच्छदि समणम्हि विकधम्हि।।
16. अपयत्ता वा चरिया सयणासणठाणचंकमादीसु।
समणस्स सव्वकाले हिंसा सा संतत्तिय त्ति मदा।।
प्रवचनसार (खण्ड-3) चारित्र-अधिकार
(87)
