________________
आगम
(०६)
“ज्ञाताधर्मकथा” - अंगसूत्र-६ (मूलं+वृत्तिः )
श्रुतस्कन्ध: [१] ----------------- अध्ययनं [१], ----------------- मूलं [२७] मुनि दीपरत्नसागरेण संकलित...........आगमसूत्र - [०६], अंग सूत्र - [६] "ज्ञाताधर्मकथा" मूलं एवं अभयदेवसूरि-रचित वृत्ति:
प्रत
सूत्रांक [२७]
दीप
तते णं तुम मेहा ! गायं कंडुइत्ता पुणरवि पायं पडिनिक्खमिस्सामित्तिकटुतं ससयं अणुपविटु पाससि २ पाणाणुकंपयाए भूपाणुकंपाए जीवाणुकंपाए सत्ताणुकंपयाए सो पाए अंतरा चेव संधारिए, नो चेवण णिक्खित्ते, तते गं तुम मेहा ! ताए पाणाणुकंपयाए जाव सत्ताणुकंपयाए संसारे परित्तीकते माणुस्साउए निबद्धे, तते णं से वणदवे अहातिजाति रातिदियाइं तं वर्ण झामेइ २ निहिए उवरए उवसंते विज्झाए याचि होत्था, तते गं ते बहवे सीहा य जाब चिल्लला य तं वणवं निद्वियं जाव विज्झायं पासंति २त्ता अग्गिभयविप्पमुका तण्हाए य छुहाए य परम्भाहया समाणा मंडलातो पडिनिक्खमंति २सव्वतो समंता विप्पसरित्था, [लए णं ते बहवे हस्थि जाच छुहाए य परम्भाहया समाणा तओ मंडलाओ पडिनिक्खमंति २ दिसो दिसिं विप्पसरित्था,] तए णं तुम मेहा! जुन्ने जराजजरियदेहे सिढिलवलितयापिणिद्धगत्ते दुबले किलंते जॅजिए पिवासिते अत्थामे अबले अपरकमे अचंकमणो वा ठाणुखंडे वेगेण विप्पसरिस्सामित्तिकट्ठ पाए पसारेमाणे विज्जुहते विव रयतगिरिपन्भारे धरणितलंसि सपंगेहि य सन्निवहए, सते णं तव मेहा ! सरीरगंसि वेयणा पाउन्भूता उजला जाव दाहवकंतिए यावि विहरसि, तते णं तुम मेहा! तं उज्जलं जाच दुरहियासं तिन्नि राइंदियाई वेयणं वेएमाणे बिहरित्ता एगं वाससतं परमाउं पालइत्ता इहेव जंबुद्दीवे २ भारहे वासे रायगिहे नयरे सेणितस्स रन्नो धारिणीए देवीए कुञ्छिसि कुमारत्ताए पञ्चायाए । (सूत्र २७)
अनुक्रम [३७]
मेघकुमारस्य पूर्वभवा:
~ 134~
