________________
दूसरा स्थान पद - वमानिक देवों के स्थान
२४५
**
गोयमा! आणयपाणयाणं कप्पाणं उप्पिं सपक्खि सपडिदिसिं एत्थ णं आरणच्च्या णामं दुवे कप्या पण्णत्ता। पाईण पडीणायया, उदीण दाहिण वित्थिण्णा, अद्धचंद संठाणसंठिया, अच्चिमालीभासरासिवण्णाभा, असंखिज्जाओ जोयणकोडाकोडीओ आयामविक्खंभेणं, असंखिजाओ जोयणकोडाकोडीओ परिक्खेवेणं, सव्व रयणामया। __ अच्छा, सहा, लण्हा, घट्टा, मट्ठा, णीरया, णिम्मला, णिप्पंका, णिक्कंकडच्छाया, सप्पभा, सस्सिरीया, सउज्जोया, पासाईया, दरिसणिज्जा, अभिरूवा, पडिरूवा।
एत्थ णं आरणच्चुयाणं देवाणं तिण्णि विमाणावास सया भवंतीति मक्खायं। ते णं विमाणा सव्व रयणामया, अच्छा, सण्हा, लण्हा, घट्ठा, मट्ठा, णीरया, णिम्मला, णिप्पंका, णिक्कंकडच्छाया, सप्पभा, सस्सिरीया, सउज्जोया, पासाईया, दरिसणिज्जा अभिरूवा, पडिरूवा।
तेसि णं विमाणाणं बहुमज्झदेसभाए पच वडिंसया पण्णत्ता। तंजहा - अंकवडिंसए, फलिहवडिंसए, रयणवडिंसए, जायरूववडिंसए मज्झे एत्थ अच्चुयवडिंसए। ते णं वडिंसया सव्वरयणामया जाव पडिरूवा। एत्थ णं आरणच्चुयाणं देवाणं पजत्तापजत्तगाणं ठाणा पण्णत्ता। तिसु वि लोगस्स असंखिजइभागे। तत्थ णं बहवे आरणच्चुया देवा परिवसंति। अच्चुए इत्थ देविंदे देवराया परिवसइ, जहा पाणए जाव विहरइ। णवरं तिण्हं विमाणावास सयाणं, दसण्हं सामाणिय साहस्सीणं, चत्तालीसाए आयरक्खदेव साहस्सीणं आहेवच्चं कुव्वमाणे जाव विहरइ।
बत्तीस अट्ठवीसा बारस अट्ठ चउरो(य) सयसहस्सा। पण्णा चत्तालीसा छच्च सहस्सा सहस्सारे॥१॥ आणयपाणयकप्पे चत्तारि सयाऽऽरणच्चुए तिण्णि। सत्त विमाणसयाइं चउसु वि एएसु कप्पेसु॥२॥ सामाणिय संगहणी गाहाचउरासीइ असीई बावत्तरि सत्तरी य सट्ठी य। पण्णा चत्तालीसा तीसा वीसा दस सहस्सा॥१॥ एए चेव आयरक्खा चउग्गुणा॥१३१॥
Jain Education International
For Personal & Private Use Only
www.jainelibrary.org
