________________
६२८
भगवती सूत्र-श. ३ उ. २ चमरेन्द्र का उत्पात
त्ति कटु उत्तरपुरस्थिमं दिसीभागं अवक्कमेइ,वेउब्वियसमुग्धारणं समोहणइ, जाव-दोच्चं पि वेउव्वियसमुग्धाएणं समोहणइ, एगं, महं, घोरं, घोरागारं, भीमं, भीमागारं, भासुरं, भयाणीयं, गंभीरं, उत्तासणयं, कालड्ढरत्त-मासरासिसंकासं जोयणसयसाहस्सीयं महाबोंदि विउब्बइ विउवित्ता अफोडेइ, अप्फोडित्ता वग्गइ, वग्गित्ता गजइ, गजित्ता हयहेसियं करेइ, करित्ता हत्थिगुलगुलाइयं करेइ, करित्ता, रहघणघणाइयं करेइ, पायदद्दरगं करेइ, भूमिचवेडयं दलयह, सीहणादं नदइ, उच्छोलेइ, पच्छोलेइ तिवई छिदइ, वामं भुअं ऊसवेइ, दाहिणहत्थपदेसिणीए अंगुट्ठणहेण य वितिरिच्छमुहं विडंबेइ, बिडंवित्ता महया महया सद्देण कलकलवं करेइ, एगे, अबीए फलिहरयणमायाय उड्ढं वेहास उप्पइए । खोभंते चेव अहोलोअं, कंपेमाणे च मेइणीयलं, आकड्ढेते व तिरियलोअं, फोडेमाणे व अंबरतलं, कत्थइ गजते, कत्थइ विज्जुयायंते, कत्थइ वासं वासमाणे, कत्थइ रयुग्घायं पकरेमाणे, कत्थइ तमुक्कायं पकरेमाणे, वाणमंतरे देवे वित्तासमाणे, जोइसिए देवे दुहा विभयमाणे, आयरवखे देवे विपलायमाणे, फलिहरयणं अंबरतलंसि वियट्टमाणे, वियट्टमाणे, विउभाएमाणे, विउन्माएमाणे ताए उक्किट्ठाए जाव-तिरियमसंखेजाणं दीव समुदाणं मझमझेणं वीईवयमाणे जेणेव सोहम्मे कप्पे, जेणेव सोहम्मवडेंसए विमाणे, जेणेव सभा सुहम्मा तेणेव
Jain Education International
For Personal & Private Use Only
www.jainelibrary.org
