________________
भगवती सूत्र-श. १ उ. ८ मृगघातकादि को लगने वाली क्रिया
मृगघातकादि को लगने वाली क्रिया
२६४ प्रश्न-पुरिसे णं भंते ! कच्छंसि वा, दहंसि वा, उदगंसिवा, दवियंसि वा, वलयंसि वा, मंसि वा, गहणंसि वा, गहणविदुग्गंसि वा, पव्वयंसि वा, पव्वतविदुग्गंसि वा, वर्णसि वा, वणविदुग्गंसि वा मियवितीए, मियसंकप्पे, मियपणिहाणे, मियवहाए गंता ‘एते.मिए' त्ति काउं अण्णयरस्स मियस्स वहाए कूडपासं उद्दाति, तओ णं भंते ! से पुरिसे कतिकिरिए पण्णते ?
२६४ उत्तर-गोयमा ! जावं च णं से पुरिसे कच्छंसि वा, जावकूडपास उद्दाइ, तावं च णं से पुरिसे सिय तिकिरिए, सिय चतुकिरिए, सिय पंचकिरिए।
२६५ प्रश्न-से केणटेणं भंते ! एवं वुच्चइ-सिय तिकिरिए, सिय चतुकिरिए, सिय पंचकिरिए ?' ___ २६५ उत्तर-गोयमा ! जे भविए उद्दवणयाए, णो बंधणयाए, णो मारणयाए, तावं च णं से पुरिसे काइयाए, अहिगरणियाए, पाउसियाए-तिहिं किरिवाहिं पुढे । जे भविए उद्दवणयाए वि, बंधणयाए वि, णो मारणयाए, तावं च णं से पुरिसे काइयाए, अहिंगरणियाए, पाउसियाए, पारितावणियाए चउहि किरियाहिं पुढे । जे भविए उद्दवणयाए वि, बंधणयाए वि, मारणयाए वि, तावं च णं से पुरिसे
Jain Education International
For Personal & Private Use Only
www.jainelibrary.org
