________________
৭৬
জিনচরিত্তং চণং বহুহিং দেবেহিং দেবীহি য় উবয়ংতেহি য় উপপয়ংতেহি য় উজ্জোবিয়া বি হােথা।] | জং রয়ণিং চ ণং সমণে ভগবং মহাবীরে জাএ, তং রয়ণিং চ ণং বহুহিং দেবেহিং দেবীহি য় উবয়ংতেহিং উপপয়ংতেহিং (দেবুজ্জোএ এগালােএ লােএ দেব-সন্নিয়া) উপ পিংজলমাণ-ভূয়া কহকহগ-ভূয়া য়াবি হােথা ॥ ৯৭। | জং রয়ণিং চ ণং সমণে ভগবং মহাবীরে জাএ, তং রয়ণিং চ ণং ৰহবে বেসমণ-কুংডধারী তিরিয়-জংভগা দেবা সিদ্ধথরায়-ভবণংসি হিরন্নবাসং চ সুন্নবাসং চ বইরবাসং চ বহুবাসং চ আভরণবাসং চ পত্তবাসং চ পুপ ফবাসং চ ফলবাসং চ ৰীয়বাসং চ মল্লবাসং চ গংধবাসং চ বন্নবাসং চ চুন্নবাসং চ বসুহারবাসং চ বাসিং। [ পিয়ঠয়াএ পিয়ং নিবেএমাে, পিয়ং তে ভবউ মউড়বজ্জং জহা মালিয়ং উমােয়ং মখএ ঘােয়ই।] ॥ ৯৮।
তএ ণং সিদ্ধখে খত্তিএ ভবণবই-বাণ-মংতর-জোইস-বেমাণিএহি: দেবেহিং তিথয়র - জম্মণ - অভিসেয়-মহিমএ কয়া সমাণীএ পচ্চস-কাল-সময়ংসি নগরগুত্তিএ সদ্দাবেই। সদ্দাবিত্তা এবং বয়াসী। ৯৯।
খিপপমেব, ভাে দেবাণুপ পিয়া ! কুংডপুরে নগরে চারগসােহণং করেহ। করিত্তা মাণুম্মাণ-বদ্ধণং করেহ। করিত্তা কুংডপুরং নগরং সৰ ভিতর - ৰাহিরিয়ং আসিয় - সংমজ্জিউবলেবিয়ং সংঘাড়গ - তিয়-চউক - চচ্চর-চউন্মুহ-মহাপহ-পহেসু সিত্ত - সুই - সংমঠ - রচ্ছংতরাবণ-বীহিয়ং মংচাই-মংচ-কলিয়ং নাণা - বিহ - রাগ - ভূসিয় - জঝয়পড়াগ-মংডিয়ং লা-উল্লোইয়মহিয়ং গােসীস - সরস - রত্ত-চংদণ-দৰ্দর-দি-পংচংগুলী-তলং উবচিয় - বংদণ - কলসং বংদণ-ঘড়-সুকয়-তােরণ-পড়িদুবার-দেস
Jain Education International
For Personal & Private Use Only
www.jainelibrary.org
