________________
॥ ४९. हणुयपत्थाणपव्वं
तत्तो सो सिरिभूई, संपत्तो सिरिपुरं रयणचित्तं । पविसइ हणुयस्स सभं, तावन्तं पेच्छई दूयं ॥१॥ अत्थाणिसन्निविट्ठो, हणुओ समयं अणङ्गकुसुमाए । गुण-रूवसालिणीए, चन्दणहानन्दिणीए य ॥२॥ काऊण सिरपणाम, चन्दणहासन्तिओ तओ दूओ।साहइ हणुयस्स फुडं, दण्डयरण्णाइयं सव्वं ॥३॥ ते लक्खणेण वहिया, सामिय ! सम्बुक्क-दूसणा दो वि।सीयाहरणनिमित्ते, इह जाओ विग्गहो परमो ॥४॥ सुणिऊण इमं वत्तं, अणङ्गकुसुमा खणं गया मोहं । आसत्था रुयइ तओ, सहोयरं चेव पियरं च ॥५॥ तं पेच्छिऊण एत्तो, खुहियं अन्तेउरं रुयइ सव्वं । जह वीणा-वंसरवो, खणेण ओहामिओ सव्वो ॥६॥ हा ताय ! हा सहोयर !, कत्तो सि गया महं अपुण्णाए ?। चिरकालविमुक्काए कि मज्झ न दंसणं देह ? ॥७॥ एयाणि य अन्नाणि य, दुहिया खरदूसणस्स रोवन्ती । संथावणकुसलेहिं, मन्तीहिं उवसमं नीया ॥८॥ सव्वं च ताण काउं, पवणसुओ पेयकम्मकरणिज्जं । सुग्गीवरायतणयं, सद्दाविय पुच्छई दूयं ॥९॥ अह तत्थ भणइ दूओ, देव ! निसामेहि अवहिओ होउं । कन्ताविओगदुहियं, सुग्गीवं जाणसी चेव ॥१०॥ महिलादुहियमणो सो, सरणं चिय राघवं समल्लीणो । गन्तूण निययनयरं, जुज्झइ समयं चिय रिवूणं ॥११॥
[ ४९. हनुमत्प्रस्थानपर्वम् ।
ततः स श्रीभूतिः संप्राप्तः श्रीपुरं रत्नचित्रम् । प्रविशति हनुमतः सभां तावदायान्तं पश्यति दूतम् ॥१॥ आस्थानसंनिविष्टो हनुमान्समकमनङ्गकुसुमया । गुणरुपशालीन्या चन्द्रणखानन्दिन्या च ॥२॥ कृत्वा शिरः प्रणामं सुग्रीवसत्कस्ततो दूतः । कथयति हनुमतः स्फुटं दण्डकारण्यादिकं सर्वम् ॥३॥ तौ लक्ष्मणेन हतौ स्वामिन् ! शम्बुक दूषणौ द्वावपि । सीताहरणनिमित्त इह जातो विग्रह: परमः ॥४॥ श्रुत्वेदं वृत्तमनङ्गकुसुमा क्षणं गता मोहम् । आश्वस्ता रोदिति ततः सहोदरमेव पितरं च ॥५॥ तदृष्टवेतः क्षुभितमन्तःपुरं रोदिति सर्वम् । यथा वीणावंशरवः क्षणेनावनामितः सर्वः ॥६॥ हा तात ! हा सहोदर ! कुतोऽसि गता ममापुण्यया ? | चिरकालविप्रमुक्ता किं मम न दर्शनं ददत ? ॥७॥ एतानि चान्यानि च दुहिता खरदूषणस्य रुदन्ती । संस्थापनकुशलै मन्त्रिभिरुपशमं नीता ॥८॥ सर्वं च तयोः कृत्वा पवनसुतः प्रेतकर्मकरणीयम् । सुग्रीवराजसत्कं शब्दाय्य पृच्छति दूतम् ॥९॥ अथ तत्र भणति दूतो देव ! निशामयावहितो भूत्वा । कान्तावियोगदुःखितं सुग्रीवं जानास्येव ॥१०॥ महिलादुःखितमनाः स शरणमेव राघवं समालीनः । गत्वा निजनगरं युध्यते समकमेव रिपूणाम् ॥११॥
१. सभं तावन्नं पेच्छई-प्रत्य० ।
Jain Education Intemational
For Personal & Private Use Only
www.jainelibrary.org