Page Text
________________
पउमचरियं दिट्ठो य संजयन्तो, तेण भमन्तेण जोगमारूढो । घेत्तूण पावगुरुणा, इहाणिओ पञ्चसंगमयं ॥२१॥ ठविऊण गिरिवरिन्दे, पत्थरपहरेहि खेयरसमग्गो । आहणइ निरणुकम्पो, तह वि य जोगं न छड्डेइ ॥२२॥ उवसग्गम्मि बहुविहे, तस्स सहन्तस्स जोगजुत्तस्स । समचित्तस्स भगवओ, उप्पन्नं केवलं नाणं ॥२३॥ एयम्मि देसकाले, धरणिन्दो आगओ मुणिसयासं । नमिउण तस्स चलणे, विज्जाकोसं तओ हरड़ ॥२४॥ जिणभवण-मुणिवराणं, उवरिंगच्छेज्ज जो बलुम्मत्तो । सो विज्जापरिभट्ठो, होही विज्जाहरो नियमा ॥२५॥ काउण समयमेयं, विज्जाओ समप्पिऊण धरणिन्दो । पुच्छइ मुणिवरवसहं, घोरुवसग्गस्स संबन्धं ॥२६॥ अह भणई संजयन्तो, चउगइवित्थिण्णदीहसंसारे । गामे उसयडनामे, कह वि भमन्तो समुप्पन्नो ॥२७॥ वणियकुलम्मि हियकरो, नामेण अहं सुसाहुपडिसेवी । अज्जव-मद्दवजुत्तो, जाओ परिणामजोगेणं ॥२८॥ कालं काऊण तओ, कुसुमावइसामिओ समुप्पन्नो । सिरिवद्धणो त्ति नामं, जाओ हं नरवई तइया ॥२९॥ तत्थेव आसि गामे, विप्पो सो कुच्छियं तवं काउं। कालगओ सुरलोए, देवो अप्पिड्डिओ जाओ ॥३०॥ तत्तो चुओ समाणो, जलणसिहो बम्भणो समुप्पन्नो । सिरिवद्धणस्स तइया, पुरोहिओ सच्चवाई सो ॥३१॥ वणियस्स तेण दव्वं.अवलत्तं तत्थ नियमदत्तस्स । गणियाए तओ विप्पो.नामामहं जिओ जए॥ ३२॥ गन्तूण तस्स गेहं, नामामुद्दच्छलेण रयणाई । चेडीए आणिऊणं, समप्पियाइं च वणियस्स ॥३३॥ घेत्तूण य सव्वस्सं, विप्पो निव्वासिओ पुरवराओ । वेरग्गसमावन्नो, काऊण तवं समाढत्तो ॥३४॥ दृष्टश्च संजयन्तस्तेन भ्रमता योगमारुढः । गृहीत्वा पापगुरुणेहानितः पञ्च संगमकम् ॥२१॥ स्थाप्य गिरिवरेन्द्र प्रस्तरप्रहारैः खेचरसमग्रः । आहन्ति निरनुकम्पस्तथापि च योगं न मुञ्चति ॥२२॥ उपसर्गान् बहुविधान् तस्य सहतो योगयुक्तस्य । समचित्तस्य भगवत उत्पन्नं केवलं ज्ञानम् ॥२३॥ एतस्मिन्देशकाले धरणेन्द्र आगतो मुनिसकाशम् । नत्वा तस्य चरणयो विद्याकोशं ततो हरति ॥२४|| जिनभवन-मुनिवराणामुपरि गच्छेद्यो बलोन्मत्तः । स विद्यापरिभ्रष्टो भविष्यति विद्याधरो नियमा ॥२५॥ कृत्वा समयमेनं विद्याः समर्प्य धरणेन्द्रः । पृच्छति मुनिवरवृषभं घोरोपसर्गस्य सम्बन्धम् ॥२६॥ अथ भणति संजयन्तो चतुर्गतिविस्तीर्णदीर्घसंसारे । ग्रामे तु शकटनाम्नि कथमपि भ्रमन् समुत्पन्नः ॥२७॥ वणिक् कुले हितकरो नाम्नाहं सुसाधुप्रतिसेवी । आर्जव-मार्दवयुक्तो जातः परिणामयोगेन ॥२८॥ कालं कृत्वा ततः कुसुमावती स्वामी समुत्पन्नः । श्रीवर्धन इति नाम, जातोऽहं नरपति स्तदा ।।२९।। तत्रैवासीद्ग्रामे विप्रः स कुत्सितं तपः कृत्वा । कालगतः सुरलोके देवोऽल्पद्धिको जातः ॥३०॥ ततश्च्युतः सन् ज्वलनसिंहो ब्राह्मणः समुत्पन्नः । श्रीवर्धनस्य तदा पुरोहितः सत्यवादी स ॥३१॥ वणिजस्तेन द्रव्यमपलपितं तत्र नियमदत्तस्य । गणिकया ततो विप्रो नाममुद्रं जितो छुते ॥३२॥ गत्वा तस्य गृहे नाममुद्राच्छलेन रत्नानि । चेट्याऽऽनयित्वा समर्पितानि च वणिजः ॥३३॥ गृहीत्वा च सर्वस्वं विप्रो निर्वासितः पुरवरात् । वैराग्यसमापन्नः कर्तुं तपः समारब्धः ॥३४॥
Jain Education Intemational
For Personal & Private Use Only
www.jainelibrary.org
| SR No. | 004024 |
| Book Title | Paumchariyam Part 01 |
| Original Sutra Author | N/A |
| Author | Parshvaratnavijay |
| Publisher | Omkarsuri Aradhana Bhavan |
| Publication Year | 2012 |
| Total Pages | 226 |
| Language | Hindi, Sanskrit |
| Classification | Book_Devnagari |
| File Size | 5 MB |