________________
श्रीपरमात्मने नमः |
श्रेष्ठि- देवचन्द्रलालभाई - जैनपुस्तकोद्धार प्रन्थाङ्के
श्रीउमास्वातिवाचकवर्यविरचितम्
तत्त्वार्थाधिगमसूत्रम्
स्वोपज्ञाः सम्बन्धकारिकाः ( श्रीदेव गुप्त सूरि-श्रीसिद्धसेनगणिप्रणीत टीकाद्वययुताः )
सम्यग्दर्शनशुद्धं, यो ज्ञानं विरतिमेव चाप्नोति । दुःखनिमित्तमपीदं तेन सुलब्धं भवति जन्म ॥ १ ॥ आर्या
श्रीदेव गुप्तसूरिकृताटीका -
Jain Education International
वीरं प्रणम्य सर्वज्ञं, तत्त्वार्थस्य विधीयते ।
टीका संक्षेपतः स्पष्टा, मन्दबुद्धि विबोधिनी || अनुष्टुप्
व्याख्या - सम्यगत्प्रवचनमधिगम्य काल संहनन श्रद्धापुरादेः परिहाणिमवलोक्य सवानुकम्पया समासतो मोक्षमार्गमुपदेष्टुकाम आचार्य इदमाह -- सम्यग्दर्शन शुद्धं यो ज्ञानं विरतिमेव चामोति । अत्र सम्यग्दर्शनशुद्धमिति कतरो विग्रह आस्थीयते ? यदि तावत् सम्यग्दर्शनेन शुद्धमिति करोति करणे तृतीया, परश्वादीनामिव प्राङ् निर्वृतिर्वक्तव्या; उत कर्तरि, तदा दर्शनज्ञानयोरभेदाद् आत्मनो, य आप्नोतीत्ययुक्तम् । अथ सम्यग्दर्शनायेति तादयें चतुर्थी, दार्विव यूपाय, प्रागेव दर्शनात् शुद्धं ज्ञानम्, अवाप्तज्ञानस्य च केवलिन इव किं दर्शनेन ? उत सम्यग्दर्शनात् हेतौ पञ्चमी, स्वयंसम्बुद्धादिषु विरुध्यते, तेषां हि झगित्येव ज्ञानं न हेतुक्रममपेक्षते । अथ सम्यग्दर्शने शुद्धमिति निमित्तसप्तमी, चतुर्थीपक्षदोषः । तस्माद् वक्तव्योऽत्र समाधिः । यथेच्छसि तथाऽस्तु । ननूक्तं दोषभूयस्त्वम् । नैते दोषाः । करणे तावद्
१ आर्या - लक्षणम् --
यस्याः पादे प्रथमे, द्वादश मात्रास्तथा तृतीयेऽपि । अष्टादश द्वितीये, चतुर्थके पञ्चदश साऽऽर्या ॥
For Personal & Private Use Only
www.jainelibrary.org
