________________
186
सम्मइसुत्तं, ३ जं काविलं दरिसणं एवं 1 दव्वट्टियस्स वत्तव्वं । सुद्धोयणतणयस्स उ परिसुद्धो पज्जवविगप्पो ॥४८॥ दोहि वि णीयं सत्थमुलूएण तह वि मिच्छत्तं । जं सविसयप्पहाणत्तणेण अण्णोण्णणिरवेक्खा ॥ ४९ ॥ जे संतवायदोसे सक्कोलूया भणंति ' संखाणं । संखा य असव्वाए तेसि सव्वे वि ते सच्चा ॥५०॥ ते उ भयणोवणीया 4 सम्मसणमणुत्तरं होंति । जं भवदुक्खविमोक्खं 5 दो वि ण पूरेंति पाडिक्कं ॥५१॥ णत्थि पुढवीविसिट्ठो घडो त्ति जं तेण जुज्जइ अणण्णो । जं पुण घडो त्ति पुव्वं ण आसि पुढवी तओ अण्णो ॥५२॥ कालो सहाव णियई पुवकयं 7 पुरिस कारणेगंता । मिच्छत्तं ते चेवा समासओ होंति सम्मत्तं ॥५३ । णत्थि ण णिच्चो ण कुणइ कयं ण वेएइ णत्थि णिव्वाणं । णत्यि य मोक्खोवाओ छम्मिच्छत्तस्स ठाणाई ॥५४॥ अत्थि अविणासधम्मी 10 करेइ वेएइ अस्थि णिव्वाणं । अस्थि य मोक्खोवाओ 11 छस्सम्मत्तस्स ठाणाइं ॥५५॥ साहम्मउ व्व अत्थं साहेज्ज परो विहम्मओ वा वि । अण्णोण्णं पडिकुट्ठा दोण्णि वि 12 एए असव्वाया ॥५६॥ दव्वट्ठियवत्तव्वं सामण्णं पज्जवस्स य विसेसो । एए समोवणीया विभज्जवायं विसेसेंति 13 ॥ ५७॥ हेउविसओवणीयं जह वयणिज्ज परो णियत्तेइ । जइ तं तहा पुरिल्लो दाइंतो केण जिव्वंतो 14 ॥ ५८॥ एगंता 15 ऽसब्भूयं सब्भूयमणिच्छियं च वयमाणो।
लोइयपरिच्छियाणं वयणिज्जपहे पडइ वादी 16 ॥ ५९॥ 1) B एवं. 2) A विअप्पो. 3) B वयंति (?). 4) B भयणावणीआ. 5) B भविदोस विमुक्खं. 6) B पूरंति. 7) B पुव्वगयं. 8) B तं चेव उ. 9) B मोक्खोवाओ नत्थित्थ छ. 10) B धम्मा. 11) B मोक्खोवाओ अत्थि उ छ. 12) A दोण्णवि. 13) B विसेसंति. 14) B दायंतो केण जिप्पंतो. 15) A एयंता. 16) B वाई.
Jain Education International
For Personal & Private Use Only
www.jainelibrary.org
