________________
श्रीउज्जयन्तमहातीर्थकल्पः नीलरसेण सवंता सहस्सवेही रसो नूणं ॥ १४ ॥ तं गहिऊण निअत्तो हणुवंतं छिवइ वामपाएण। सो ढक्का वरदारं जेण न जाणइ जणो को वि ॥ १५॥ उज्जितसिहरउवरिं कोहंडिहरं खु नाम विकायं । अवरेण तस्स य सिला तदुभयपासेसु ओसं तु ॥ १६ ॥ तं अयसितिल्लमीसं थंभइ पडिवायवंगिअं वंगं । दोगच्चवाहिहरणं परितुट्ठा अंबिआ जस्स ॥१७॥ वेगवई नाम नई मणसिलवण्णाइ तत्थ पाहाणा । तो पिंडि धमिअ संते समसुद्धे होइ वरतारं ॥१८॥ उज्जंते नाणसिला तस्स अहो कणयवणिआ पुढवी । बोकडयमुत्तपिंडी खइरंगारे भवे हेमं ॥ १९ ॥ नाणसिलाकयपुढवी पिंडीबद्धा य पंचगव्वेण । हढपाए वसइ रसो सहस्सवेही हवइ हेमं ॥ २०॥ गिरिवरमासन्नठिअं आणीयं तिलविसारणं नाम । सिलबडगाढपीडे बे लरका तत्थ दम्माणं ॥ २१ ॥ सेणा नामेण नई सुवण्णतित्थंमि लड्डुअपहाणा । पडिवाएण य सुच्चं करिति हेमं न संदेहो ॥ २२ ॥ बिल्लकयंमि नयरे मउहहरं अत्थि सेलगं दिव्वं । तस्स य मज्झंमि ठिओ गणवइरसकुंडओ उवरिं ॥ २३ ॥ उववासी कयपूओ गणवइओ वल्लिऊण पवररसो। षामाषेवी अत्थि अ थंभइ वंगं न संदेहो ॥ २४ ॥ सहसासवं ति तित्थं करंजरुरकेण मणहरं सम्मं । तत्थ य तुरयायारा पाहाणा तेसि दो भाया ॥ २५॥ इक्को पारयभाओ पिट्ठो सुत्तेण अंधमूसाए । धमिओ करेइ तारं उत्तारइ दुककंतारं ॥ २६ ॥ अवलोअणसिहरसिला अवरेणं तत्थ वररसो सवइ । सुअपरकसरिसवण्णो करेइ सुचं वरं हेमं ॥ २७ ॥ गिरिपज्जुन्नवयारे अंबिअआसमपयं च नामेण । तत्थ वि पीआ पुहवी हिमवाए होइ वरहेमं ॥ २८ ॥ नाणसिला उजिंते तस्स य मूलंमि महिआ पीआ।
Jain Education International
For Personal & Private Use Only
www.jainelibrary.org
