________________
PRv
..
APPENDIX VI.
श्रीउजयन्तमहातीर्थकल्पः अत्थि सुरहाविसए उजिंतो नाम पव्वओ रम्मो। तस्सिहरे आरुहिउं भत्तीए नमह नेमिजिणं ॥१॥ अंबाइअं च देविं ण्हवणचणगंधधूवदीवेहिं । पूइयकयप्पणामा ता जोअह जेण अत्थत्थी ॥२॥ गिरिसिहरं कुहरकंदरनिज्झरणकवाडविअडकूवेहिं । जोएह खत्तवायं जह भणियं पुत्वसूरीहिं ॥ ३ ॥ कंदप्पदप्पकप्परणकुगइविद्दवणनेमिनाहस्स । निव्वाणसिला नामेण अत्थि भुवर्णमि विकाया ॥ ४ ॥ तस्स य उत्तरपासे दसधणुहेहिं अहोमुहं विवरं । दारंमि तस्स लिंगं अवयाणे धणुह चत्तारि ॥५॥ तस्स पसुमुत्तगंधो अत्थि रसोपलसएण सयतंबं । विधेहि कुणइ तारं ससिकुंदसमुज्जलं सहसा ॥ ६॥ पुवदिसाए धणुहंतरेसु तस्सेव अत्थि जागवई । पाहाणमया दाहिणदिसागए बारसधणूहिं ॥७॥ दिस्सइ अ तत्थ पयडो हिंगुलवण्णो अ दिव्वपवररसो। विंधेइ सव्वलोहे फरिसेणं अग्गिसंगेणं ॥८॥ उजिंजते अत्थि नई विहला नामेण पवई पडिमा। दावेइ अंगुलीए फरिसरसो पव्वईदारं ॥९॥ सकावयार उज्जितगिरिवरे तस्स उत्तरे पासे । सोवाणपंतिआए पारेवयवणिया पुढवी ॥ १०॥ पंचगव्वेण बडा पिंडीधमिआ करेइ वरतारं । फेडइ रिहवाहिं उत्तारइ दुककंतारं ॥ ११ ॥ सिहरे विसालसिंगे दीसंते पायकुटिमा जत्थ । तस्सासन्ने सिहरे कव्वडहढपासहो तारं ॥ १२ ॥ उज्जितरेवयवणे तत्थ य सुदारवानरो अत्थि । सो वामकण्णछित्तो उग्घाडइ विवरवरदारं ॥ १३ ॥ हत्थसएण पविट्ठो दिकइ सोवण्णवण्णिआ रुका।
Jain Education International
For Personal & Private Use Only
www.jainelibrary.org
