Page Text
________________
समासिजति ससमए समासिजइ परसमए समासिजइ ससमयपरसमए समासिज लोए समासिजइ अलोए समासिजइ लोआलोए समासिजइ, समवाए णं एगाइयाणं एगुत्तरियाणं ठाणगसयविचढि. या भावाणं परूवणा आघविजइ० दुवालसविहस्स य गणिपिडगस्स पल्लव (ण्णवण) मग्गे समासिज्जइ, समवायस्स णं परिता वायणा संखिजा० संखिजाओ पडिवत्तीओ, से गं अंगट्टयाए चउत्थे अंगे एगे सुयक्खंधे एगे अज्झयणे एगे उद्देसणकाले एगे समुद्देसणकाले एगे चोआले सयसहस्से पयग्गेणं संखेजा अक्खरा अनंता गमा० निदंसिजंति से एवं आया० आघविजइ० से तं समवाए । ४९ । से किं तं विवाहे १, २ णं जीवा वियाहिजति अजीवा वियाहिज्जति जीवाजीवा वियाहिज्जति ससमए वियाहिज्जति परसमए वियाहिज्जति ससमयपरसमए वियाहिज्जति लोए वियाहिज्जति अलोए वियाहिज्जति लो यालोए वियाहिजति, विवाहस्स णं परित्ता वायणा संखिजा० संखिजाओ पडिवत्तीओ, से णं अंगट्टयाए पंचमे अंगे एगे सुयक्खंधे एगे साइरेगे अज्झयणसए दस उद्देसगसहस्साई दस समुदेसगसहस्साई छत्तीसं पसिणवागरणसहस्साई दो लक्खा अट्ठासीई पयसहस्साइं पयग्गेणं संखिज्जा अक्खरा अणंता० उपदंसिजंति से एवं आया० चरणकरणपरूवणा आघविजइ० से तं विवाहे । ५०। से किं तं नायाधम्मकहाओ ?, नायाधम्मकहासु णं नायाणं नगराई उज्जाणाई चेइयाई समोसरणाई वणसंडाई रायाणो अम्मापियरो धम्मकहाओ धम्मायरिया इहलोइयपारलोइया इडिविसेसा भोगपरिचाया पद्मजाओ परिआया सुयपरिग्गहा तवोवहाणाई संलेहणाओ भत्तपञ्चक्खाणाई पाओवगमणाई देवलोगगमणाई सुकुलपचायाईओ पुणत्रोहिलाभा अंतकिरियाओ य आघविजंति०, दस धम्मकहाणं वग्गा, तत्थ णं एगमेगाए य धम्मकहाए पंच पंच अक्खाइयासयाई एगमेगाए अक्खाइआए पंच पंच उचक्खाइयासयाई एगमेगाए उवक्खाइयाए पंच पंच अक्खाइयाउवक्खाइयासयाई, एवमेव सपुत्रावरेणं अधुट्टाओ कहाणगकोडीओ हवतित्ति समक्खायं, नायाधम्मकहाणं परित्ता वायणा० संखेज्जाओ पडिवत्तीओ, से णं अंगट्टयाए छट्टे अंगे दो सुअक्खंधा एगुणवीसं अज्झयणा एगूणवीस उद्देसणकाला एगुणवीसं समुदेसणकाला संखेजाई पयसहस्साइं पयग्गेणं, संखेजा० उवदंसिजंति से एवं० से तं नायाधम्मकहाओ। ५१। से किं तं उवासगदसाओ ?, उवासगदसासु णं समणोवासयाणं नगराई उज्जाणाई चेहयाई वणसंडाई समोसरणाई रायाणो अम्मापियरो धम्मायरिया धम्मकहाओ इहलोइअपारलोइया इड्रिडविसेसा भोगपरिचाया (पजाओ परिआगा) सुयपरिग्गहा तवोवहाणाई सीलञ्जयगुणवेरमणपचक्खाणपोसहो ववासपडिवजणया पडिमाओ उवसग्गा संलेहणाओ भत्तपचक्खाणाइं० अंतकिरियाओ य आघविज्जति०, उवासगदसाणं परित्ता वायणा संखेजाओ पडिवत्तीओ, से णं अंगट्टयाए सत्तमे अंगे एगे सुयक्खंधे दस अज्झयणा दस उद्देसणकाला दस समुदेसणकाला संखेज्जाई पयसहस्साइं पयग्गेण संखेज्जा अक्खरा अनंता० दंसिज्जति०, से एवं आया० आघविज्जइ० से तं उदासगदसाओ । ५२ से किं तं अंतगडदसाओ ?, अंतगडदसामु णं अंतगडाणं नगराई उज्जाणाइं० पाओ वगमणाई अंतकिरियाओ आपविज्जति०, अंतगडदसासु णं परिता वायणा संखिज्जा० संखेज्जाओ पडिवत्तीओ से णं अंगट्टयाए अट्टमे अंगे एगे सुयक्खंधे अट्ठ वग्गा अट्ठ उद्देसणकाला अट्ठ समुद्देसणकाला संखेज्जा पयसहस्सा पयग्गेणं संखेज्जा अक्खरा अणता उवदंसिज्जंति से एवं आया० आघविज्जइ०, से तं अंतगडदसाओ । ५३ । से किं तं अणुत्तरोववाइ अदसाओ ?, अणुत्तरोववाइअदसासु णं अणुत्तरोववाइयाणं नगराई उज्जाणाइं० पाओवगमणाई अणुत्तरोववाइयत्ते उववत्ती सुकुलपचायाईओ पुणबोहिलाभा अंतकिरियाओ आघविनंति०, अणुत्तरोववाइयदसासु णं परित्ता वायणा संखेजा० पडिवत्तीओ, से णं अंगट्टयाए नवमे अंगे एगे सुयक्खंचे तिनि वग्गा तिनि उद्देसणकाला तिन्नि समुद्देसणकाला संखेज्जाई पयसहस्साई पयग्गेण संखेज्जा अक्खरा अणंता० उपदंसिज्जंति से एवं आया० आपविज्जइ० से तं अणुत्तरोववाइयदसाओ । ५४। से किं तं पण्हावागरणाई ?, पन्हा वागरणेसु णं अद्भुत्तरं पसिणसयं अनुत्तरं अपसिणसयं अनुत्तरं पसिणापसिणसयं तंजहा अंगुट्ठपसिणाई बाहुपसिणाई अद्यागपसिणाई अनेवि विचित्ता विजाइसया नागसुवण्णेहिं सद्धिं दिवं संवाया आघविनंति०, पण्हावागरणाणं परित्ता वायणा० संखेजा परिवत्तीओ, से णं अंगट्टयाए दसमे अंगे एगे सुयक्खंधे पणयालीसं अज्झयणा पणयालीसं उद्देसणकाला पणयालीसं समुद्देसणकाला संखेज्जाई पयसहस्साइं पयग्गेणं संरखेजा अक्खरा अर्णता से एवं आया० सेतं पण्हावागरणाई । ५५। से किं तं विवागसुयं ?, विवागसुए णं सुकडदुकडाणं कम्माणं फलविवागे आघविजइ०, तत्व णं दस दुहविबागा दस सुहविवागा, से किं तं दुहविवागा १. दुहविवागेसु णं दुहविवागाणं नगराई उज्जाणाई वणसंडाई चेइयाइं समोसरणाई रायाणो अम्मापियरो धम्मायरिया धम्मकहाओ इहलोइअपारलोइया इड्रिडविसेसा निरयगमणाई संसारभवपर्वचा दुहपरंपराओ ढुकुलपंचायाईओ दुलहबोहियत्तं आघविज्जइ० से तं दुहविवागा, से किं तं सुविधागा ?, सुविबागेस णं सुहविवागाणं नगराई उज्जाणाइं० भत्तपचक्खाणाई पाओवगमणाई देवलोगगमणाई सुहपरंपराओ सुकुलपचायाईओ अंतकि रियाओ आघविजति०, विवागसुयस्स णं परित्ता वायणा संखिजा० संखिजाओ पडिवत्तीओ, से णं अंगट्टयाए इकारसमे अंगे दो सुयक्त्वंधा वीसं अज्झयणा वीसं उद्देसणकाला वीसं समुद्देसणकाला संखि जाई पयसहस्साइं पयग्गेणं संखेजा अक्खरा अणता० उपदंसिजंति, से एवं आया० आपविजइ० से तं विवागसूर्य । ५६ से किं तं दिट्टिवाए १, २ सहभावपरूवणा आघविजह से समासओ पंचविहे पत्ते, तंजा-परिकम्मे सुत्ताई पुत्रगए अणुओगे चूलिया से किं तं परिकम्मे १ २ सत्तविहे पत्ते, तजहा- सिद्धसेणि आपरिकम्मे मणुस्ससेणि पुढसेणि० ओगाढसेणि उवसंपजणसेणि० (३२६) १३०४ नन्दीसूत्रं
७.
मुनि दीपरत्नसागर
-
०
| SR No. | 003946 |
| Book Title | Aagam Manjusha 44 Chulikasuttam Mool 01 Nandisuyam |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 13 |
| Language | Prakrit |
| Classification | Book_Devnagari, Agam, Canon, & agam_nandisutra |
| File Size | 10 MB |