Page Text
________________
जष्णदेवविस्सामित्तसुमिचादओ मज्झ अंगया! अच्भुट्टाणारिहा ससुरासुरस्सावि णं जगस्स एसा तुम्ह जणणित्ति, भो भो पुरंदरपभितीउ खंडिया ! वियारह णं सोवज्झायभारियाओ (ए) जगत्तयाणंदाओ कसिणकिविसणिद्दुहणसीलाओ वायाओ पसन्नोऽज तुम्ह गुरू आराहणेक्कसीलाणं परमप्पवलं जजणजायणज्झयणाइणा छकम्माभिसंगेणं तुरियं विणिज्जिणेह पंचदियाणि परिचयहणं कोहाइए पावे वियाणेह णं अमेज्झाइजंबालपंकपडिपुण्णासुतीकलेवरपवि (वे) समोवणतं, इच्चेवं अणेगाहिवेरग्गजणणेहिं सुहासिएहिं वागरंतं चोद्दसविज्जाठाणपारगं भो गोयमा ! गोविंदमाहणं सोऊण अचंतं जम्मजरामरणभीरुणो बहवे सप्पुरिले समुत्तमं धम्मं विमरिसिउं समारदे, तत्थ केइ वयन्ति जहा एस धम्मो पवरो, अने भणति जहा एस धम्मो पवरो, जाव णं सवेहिं पमाणीकया गोयमा ! सा जातीसरा माहिणिन्ति, ताहे तीय संपवक्वायमहिंसोलक्खियमसंदिद्धं खंताइदसविहं समणधम्मं दिनंतहेऊहिं च परमपचयं विणीयं तेसिं तु, तओ य ते तं माहणिं सङ्घन्नुमिति काऊणं सुरइयकरकमलंजलिणो सम्मं पणमिऊणं गोयमा! तीए माहणीए सद्धि अदीणमणसे बहवे नरनारीगणे चेचाणं सुहियजणमित्तबंधुपरिवग्गगिहविवसोक्खमप्पकालियं निक्खते सासयसोक्खसुहाहिलासिणो सुनिच्छियमाणसे समणत्तेण सयलगुणोहधारिणो चोहसपुत्रधरस्स चरिमसरीरस्य णं गुणधरथविरम्स सयासेत्ति, एवं च ते गोयमा! अचंतघोरवीरतवसंजमाणुट्टाणसज्झायझाणाईसु णं असेसकम्मक्लयं काऊणं तीए माहणीए समं वियरयमले सिद्धे गोविंदमाहणादओ रणरिंगणे सवेऽवी महायसेत्तिवेमि १ भयत्रं किं पुण काऊणं एरिसा सुलहबोही जाया सा सुगहियनामधिजा माहणी जाए एयावइयाणं भवसत्ताणं अनंतसंसारघोरदुवसंतत्ताणं सद्धम्मदेसणाइएहिं तु सासयसुहपयाणपुवगमच्भुद्धरणं कयंति ?, गोयमा ! जं पुत्रं सवभावभावतरंतरेहिं णं णीसल्ले आजम्मालोयणं दाऊणं सुद्धभावाए जहोवइ पायच्छि कथं, पायच्छित्तसमत्तीए य समाहिए य कालं काऊणं सोहम्मे कप्पे सुरिंदग्गमहिसी जाया तमणुभावेणं, से भयवं किं से णं माहणीजीवे तब्भवंतरंमि समणी निग्गंची अहेसि !, जे णं णीसमालोइत्ताणं जहोवइटुं पायच्छित्तं कयंति, गोयमा ! जे णं से माहणीजीवे से णं तजम्मे बहुलद्धिसिद्धिजुए महिड्ढीपत्ते सयलगुणाहारभूए उत्तमसीलाहिट्टियतणू महातवस्ती जुगप्पहाणे समणे अणगारे गच्छाहिवई अहेसि णो णं समणी से भयवं! ता कयरेणं कम्मविवागेणं तेणं गच्छाहिवइणा होऊणं पुणो इत्थित्तं समजियन्ति ?, गोयमा ! मायापचएणं, से भयवं ! कयरे णं से मायापच्चए जेणं पयणी (णू) कयसंसारेवि सयलपावोयएणावि बहुजणणिंदिए सुरहिबहुदश्वघयखंडचुण्णसुसंकरियसमभावपमाणपागनिष्फलं मोयगमागे इव सङ्घस्स भक्खे सयलदुक्खकेसाणमालए सयलमुहासणस्स परमपवित्तृत्तमस्स णं अहिंसालक्खणसमणधम्मस्स विग्धे सग्गग्गलानिरयदारभूये सयलअयस अकित्तीकलंककलिकलहवेराइपावनिहाणे निम्मलस्स कुलस्स णं दुद्धरिसअकजकजलकण्हमसीसंपणे तेणं गच्छाहिवइणा इत्थीभावे वित्तिएत्ति, गोयमा ! णो तेणं गच्छाहिवइत्तठिएणं अणुमवि माया कया. सेणं तया पुइवई चक्कहरे भवित्ताणं परलोगभीरुए णिनिकामभोगे तिणमिव परिचेचाणं तं तारिसं चोदस रयण नव निहीतो चोसडीसहस नरजुबईण बत्तीसं साहस्सी ओअणादिवरनरिंद छन्नउई गामकोडीओ जाव णं छक्खंडभरहवासस्स णं देवेंदोवमं महारायलच्छि तीयं बहुपुन्नचोइए णीसंगे पवइए अ, योवकालेणं सयलगुणोहधारी महातवस्सी सुयहरे जाए. जोगे णाऊण सुगुरूहिं गच्छाहिवई समणुण्णाए, तहिं च गोयमा! तेणं सुदिद्वसुग्गइपहेण जहोवइ समणधम्मं समणुट्टेमाणेणं उग्गाभिग्गहविहारित्ताए घोरपरीसहोवसग्गाहियासणेणं रागहोसकसायविवजणेणं आगमाणुसारेणं तु विहीए गणपरिचालणेणं आजम्मं समणीकप्पपरिभोगवजणेणं छक्कायसमारंभविवज्जणेणं ईसिंपि दिवोरालियमेहुणपरिणामविप्पमुकेणं इहपरलोगासंसाइणियाणमायाइसविप्पमुक्केणं णीसल्लालोयणनिंदणगरहणेणं जहोवइद्वपायच्छित्तकरणेणं सङ्घस्थापडिबद्धत्तेणं सङ्घपमायालंबणविप्यमुकेणं अणिदइदअवसेसीकए अणेगभवसंचिए कम्मरासी, अण्णभवे तेणं माया कया तप्पचइएणं गोयमा एस विवागो से भयवं! कयरा उण अन्नभवे तेणं महाणुभागेणं माया कया जीए णं एरिसो दारुणो विवागो ?, गोयमा ! तस्स णं महाणुभागस्स गच्छाहिबहणो जीवो अणूणाहिए लक्खइमे भवग्गहणे सामननरिंदस्स णं इत्थीत्ताए धूया अहेसि, अन्नया परिणीयाणतरं मओ भत्ता, तओ नरवइणा भणिया जहा भद्दा ! एते तुम्भं पंचसए सगामाणं, देसु जहिच्छाए अंधाणं विगलाणं अयंगमाणं अणाहाणं बहुबाहिवेयणापरिगयसरीराणं सङ्घलायपरिभूयाणं दारिददुक्खदोहग्गकलंकियाणं जम्मदारिदाणं समणाणं माहणाणं विहलियाणं च संबंधिबंधवाणं जं जस्स इवं भत्तं वा पाणं वा अच्छायणं वा जाव णं धणधन्नसुवनहिरणं वा कुण य सयलसोक्खदायगं संपुष्णं जीवदयंति, जे णं भवंतरेसुंपि ण होसि सयलजणमुहाप्पियगारिया सङ्घपरिभूया गंधमतंबोलसमालहणाइजहिच्छियभोगोवभोगवज्जिया हयासा दुजम्मजाया दिड्ढाणामिया रंडा, ताहे गोयमा ! सा तहत्ति पडिवजिऊण पगलंतलोयणसुजलणिद्धोयकवोलदेसा ऊसरसुभसुमणुघग्घरसरा भणिउमाडत्ता- जहा णं ण याणिमोऽहं पभूयमालवित्ताणं, णिगच्छावेह लहुं कट्ठे रएह महई चियं निद्दहेमि अत्ताणगं, ण किंचि मए जीवमाणीए पावाए, माऽहं कहिंचि कम्मपरिणइवसेणं महापावित्यीचवलसहाव११६९ महानिशीथच्छेदसूत्र, अन्यय-C
मुनि दीपरत्नसागर
| SR No. | 003940 |
| Book Title | Aagam Manjusha 39 Chheyasuttam Mool 06 Mahaanisiham |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 63 |
| Language | Prakrit |
| Classification | Book_Devnagari, Agam, Canon, & agam_mahanishith |
| File Size | 47 MB |