Page Text
________________
वित्तए, कप्पड़ से० निक्खिवित्ता० उद्दिसावित्तए, नो से कम्पइ अणापुच्छित्ता आयरियं वा जाव गणावच्छेइयं वा अन्नं आयरियउवज्झायं उद्दिसावेत्तए, कप्प से आपुच्छित्ता आयरियं वा जाव गणावच्छेइयं वा अन्नं आयरियउवज्झायं उदिसावेत्तए, ते य से वियरंति एवं से कप्पइ अन्नं आयरियउवज्झायं उद्दिसावेत्तए, ते य से नो वियरंति एवं से नो कप्पइ अन्नं आयरियउवज्झायं उद्दिसावेत्तए, नो से कप्पइ तेसिं कारण अदीवेत्ता अन्नं आयरियउवज्झायं उद्दिसावेत्तए, कप्पड़ से तेसिं कारणं दीवेत्ता अन्नं आयरियउवज्झायं उद्दिसावेत्तए '६२१' | २३ । भिक्खु य राओ वा वियाले वा आहच वीसुम्भेजा, तं च सरीरगं केई वेयावचकरा भिक्खु इच्छेजा एगंतमते बहुफासुए पएसे परिवेत्तए, अस्थि य इत्थ केइ सागारियसंतिए उबगरणजाए अचित्ते परिहरणारि कप्पड़ से सागारकडं गहाय तं सरीरगं एगते बहुफाए पएसे परिद्ववेत्ता तत्थेव उवनिक्खेवियचे सिया ६९० । २४ । भिक्खु य अहिगरणं कट्टु तं अहिगरणं अविओसवेत्ता नो से कप्पर गाहाबद्दकुलं भत्ताए वा पाणाए वा निक्खमित्तए वा पविसित्तए वा, भिक्खु० नो से कप्पइ बहिया विचारभूमिं वा वियारभूमि वा निक्ख० पवि० वा. भिक्खु०गामाणुगामं दुइज्जितए • गणाओ गणं संकमित्तए, व् वासावासं वा वत्थए, जत्थेव अप्पणो आयरियउवज्झायं पासेजा बहुस्सुयं बज्झागामं कप्पड़ से तरसन्तिए आलोएत्तए पडिकमित्तए निन्दित्तए गरिहित्तए विउट्टित्तए विसोहित्तए अकरणाए अम्भुत्तिए अहारिहं पायच्छित्तं तवोकम्मं पडिवजित्तए, से य सुएणं पट्टविए आइयडे सिया से व सुएणं नो पट्टविए नो आइयधे सिया से य सुएणं पद्वविजमाणे नो आइयइ निजूहियत्रे सिया ७१८' । २५ । परिहारकप्पट्ठियस्त णं भिक्खुस्स कप्पइ आयरियउवज्झायाणं तदिवस एगगिहंसि पिंडवायं दवावेत्तए, तेण परं नो से कप्पड़ असणं वा० दाउँ वा अणुप्पदाडं वा, कप्पड़ से अन्नयरं वैयावडियं करेलए, तं० उडावणं वा निसीयावणं वा तुयट्टावणं वा उच्चारपासवणखेलजहसिङ्घाणाण विचिणं वा विसोहणं वा करेत्तए, अह पुण एवं जाणेजा छिन्नावाएस पंथेसु तवस्सी आउरे झिझिए पिवा लिए दुब्बले किलंते मुच्छेज वा पवडेज वा एवं से कप्पइ असणं वा० दाउँ वा अणुप्पदाडं वा '७४१' | २६| नो कप्पड़ निग्गंथाण वा निग्गंधीण वा इमाओ पंच महण्णवाओ महान ईओ उदिद्वाओ गणियाओ जियाओ अंतो मासस्स दुक्खुत्तो वा तिक्खुत्तो वा उत्तरितए वा संतरितए वा वं० गंगा जउणा सरयू कोसिया मही । २७। अह पुण एवं जाणेजाएरावई कुणालाए. जत्थ चक्किया एवं पाये जले किचा एवं पायं थले किया एवं णं कप्पइ अंतो मासस्स दुक्खुत्तो वा तिक्खुत्तो वा उत्तरितए वा संतरित्तए वा जत्थ एवं नो चक्किया एवं णं नो कप्पड़ अंतो मासस्स दुक्खुतो वा तिक्खुतो वा उत्तरितए वा संतरितए वा '७८८' । २८ से तणेसु वा तणपुञ्जेसु वा पलालेसु वा पलालपुञ्जेसु वा अप्पंडेसु अप्पपाणेसु अप्पीएस अप्पहरिए अप्पोसेसु अप्पुत्तिङ्गपणगदगमट्टियमकडसंताणएस अहे सेवणमायाए नो कप्पइ निम्गन्धाण वा निम्ान्धीण वा तहप्पगारे उवस्सए हेमन्तगिम्हासु वत्थए । २९ । सेतणे या जाय संताणएस या उप्पिसेवणमायाए कप्पइ निग्गन्धाण वा निगन्धीण वा तहप्पगारे उवस्सए हेमन्त गिम्हासु वत्थए । ३० से तणेसु वा जाव संताणएस अहेरयणि मुकमउडेसु नो कप्पइ निम्गन्धाण वा निम्गन्धीण या तहप्पगारे उवस्सए वासावासं वत्थए ३१ से तणेसु वा जाच संताणएस उप्पिरयणिमुकम उडेस कप्पट्ट निग्गन्धाण वा निगंधी वा तप्पगारे उपस्सए बत्यएत्ति बेमि ८०५ ॥३२॥ चउत्थो उद्देसओ ४ ॥ देवे य इस्थिरुवं विश्वित्ता निम्मान्यं पडिग्गाहेजा तं च निम्गन्ध साइजेज्जा मेहुणपडिसेवणपत्ते आज चाउम्मासियं परिहारट्ठाणं अणुग्धाइयं । १ । देवे य पुरसरू बिउवित्ता निग्गन्धि पडिग्गाहेजा तं च निग्गंधी साइजेज्जा मेहुणपडिसेवणपत्ता आवज चाउम्मासिय परिहारद्वाणं अणुग्धाइयं । २। देवी व इत्थिरूवं विउष्वित्ता निग्गन्धं पडिग्गाहेज्जा तं च निग्गन्धे साइजेज्जा मेहुणपडिसेवणपत्ते आवज चाउम्मासियं परिहारद्वाणं अणुग्धाइयं । ३ । देवी य परिसरुवं विउषित्ता निग्गन्धि पडिग्गाहेजा तं च निग्गन्धी साइजेजा मेहुणपडिसेबणपत्ता आवज चाउम्मासियं परिहारद्वाणं अणुग्धाइयं '४४' | ४ | भिक्खू य अहिगरणं कटु तं अहिगरणं अविओसवेत्ता इच्छेजा अनं गणं उपसंपजित्ताणं विहरित्तए, कप्पइ तस्स पञ्च राईदियाई छेयं कट्टु परिशिषविय २ दोपि तमेव गणं पडिनिजाएयधे लिया, जहाँ वा तस्स गणस्स पत्तियं सिया १०० १५५ भिक्खू य उग्गयवित्तीए अणत्थमियसंकप्पे संघडिए निविइगिच्छासमावणे अप्पानेणं असणं या पडिग्गाहेता आहारमाहारेमाणे अह पच्छा जाणेज्जा- अणुग्गए सरिए अत्थमिए वा से जं च आसयंसि जं च पाणिसि जं च पडिम्गहे तं विगिनमाणे या विसोहेमाणे या नो अइकमइ, तं अप्पणा मुझेमाणे असं वा दलमाणे राइभोयणपडिसेवणपत्ते आवज चाउम्मासियं परिहारद्वाणं अणुग्धाइयं |६| भिक्खु य उमायवित्तीए अणत्थमियसंकप्पे संथडिए विगिच्छासमावत्रेणं अप्पाणेणं असणं वाः पडिम्गाहेत्ता आहारमाहारेमाणे अह पच्छा जाणेजा- अणुग्गए सूरिए अत्यमिए वा, से जंच आसयंसि जं च पाणिसि जं च पडिम्ाहे तं विगियमाणे वा विसोहेमाणे वा नो अइकमइ, तं अप्पणा भुञ्जमाणे अन्नेसिं वा दलमाणे राइमीयणपडिसेबणपत्ते आयज चाउम्मासियं परिहारद्वाणं अणुग्धाइयं । ७ भिक्खु य उग्गयवित्तीए अणत्थमियसंकप्पे ९६७ बृहत्कल्पः सूत्रं उदो
मुनि दीपरत्नसागर
न्यायम
| SR No. | 003935 |
| Book Title | Aagam Manjusha 35 Chheyasuttam Mool 02 Buhatkappo |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 11 |
| Language | Prakrit |
| Classification | Book_Devnagari, Agam, Canon, & agam_bruhatkalpa |
| File Size | 8 MB |