Page Text
________________
एक
नक्खत्ता परिवारो पं० केवतिया तारा परिवारो पं० १, ता एगमेगस्स णं चंदस्स देवस्स अट्ठासीनी गहा परिवारो पं० ता अट्ठावीसं णक्खत्ता परिवारों पं० 'छावट्टिसहस्साई णत्र चेत्र सताई पंचसयराई। एगससीपरिवारो तारागणकोडिकोडीणं ॥ ३१ ॥ परिवारो पं० । ९१ ता मंदरस्स णं पञ्चतस्त्र केवतियं अवाधाए जोइसे चारं चरति, ता एक्कारस एकवीसे जोयणसते अबाधाए जोइसे चारं चरति, ता लोअंतातो णं केवतियं अबाधाए जोतिसे पं० १, ता एकारस एकारे जोयणसते अबाधाए जोइसे पं० ।९२। ता जंत्रुदीचे णं दीवे कतरे णक्खते सम्भंतरि चारं चरति कतरे णक्खते सङ्घबाहिरिई चारं चरति कयरे णक्खते समुवरिडं चारं चरति कयरे णक्खते सतहिट्टितं चारं चरइ ? अभीयी णक्खते सङ्घभितरि चारं चरति, मूले णक्खत्ते सङ्घबाहिरिडं चारं चरति, साती णक्खते समुपरि चारं चरति, भरणी णक्खते सबहेडि ं चारं चरति । ९३ । ता चंद्रविमाणे णं किंसंठिते पं०१, ता अद्धकविगठाणसंठिते समफालियामए अन्भुग्गयमूसित पहसिते विविधमणिरयणभत्तिचित्ते तथेव जाव पडिरुवे, एवं सूरविमाणे गहविमाणे णक्खत्तविमाणे ताराविमाणेवि, ता चंदविमाणे णं केवतियं आयामविक्वं भेणं केवतियं परिक्वेवेणं केवतियं बालेणं पं०१, ता छप्पण्णं एगट्टिभागे जोयणस्स आयामविक्खंभेणं तं तिगुणं सविसेसं परिरयेणं अट्ठावीसं एगट्टिभागे जोयणस्स वाहणं पं० ता सूरविमाणे णं केवतियं आयामविवसंभेणं पुच्छा, ता अडयालीस एगट्टिभागे जोयणस्स आयामविक्रवंभेणं तं तिगुणं सविसेसं परिरएणं चउडी एगट्टिभागे जोयणस्स वाले पं० ता गविमाणे णं पुच्छा, ता अद्धजोयणं आयामविक्वं भेणं तं तिगुणियं सविसेसं परिरएणं कोसं वाहणं पं० ता णक्खत्तविमाणे णं केवतियं पुच्छा, ता कोर्स आयामविक्खंभेणं तं तिगुणं सविसेसं परिरतेणं अद्धकोर्स बाइलेणं पं०, ता ताराविमाणे णं केवतियं पुच्छा, ता अद्धको आयामविक्संभेणं तं तिगुणं सविसेसं परिरएणं पंचधणुसयाई बाहणं पं० ता चंदयिमाणं कति देवसाहस्सीओ परिवहति १, सोलस देवसाहस्सीओ परिवहति तं० पुरच्छिमेणं सीहरूषधारीणं चत्तारि देवसाहस्सीओ परिवहति दाहिणेणं गयरू वधारणं चत्तारि ० पचत्थिमेणं वसभरुवधारीणं चत्तारि देव० उत्तरेणं तुरगरूवधारणं चत्तारि देव०, एवं सूरविमार्णपि, ता गहविमाणे णं कति देवसाहस्सीओ परिवहति ?, ता अट्ठ देवसाहस्सीओ परिवहति तं पुरच्छिमेणं सिंहरूवधारणं दो देवसाहस्सीओ परिवहंति एवं जाव उत्तरेणं तुरगरूपधारीणं, ता नक्खत्तविमाणे णं कति देवसाहस्सीओ परिवहति ?, ता चत्तारि देवसाहस्सीओ परिवहति तं पुरच्छिमेणं सीहरूवधारीणं एका देवसाहस्सी परिवहति एवं जाव उत्तरेणं तुरगरूत्रधारीणं देवाणं, ता ताराचिमाणे णं कति ०१, ता दो देवसाहसीओ परिवति, तं० पुरच्छिमेणं सीहरूवधारीणं पंच देवसता परिवहति एवं जावुत्तरेणं तुरगरूवधारीणं । ९४ । एतेसिं णं चंदिमसूरियगणक्खत्ततारारूवाणं कयरे२हिंतो सिधगती वा मंदगती वा १, ता चंदेहिंतो सूरा सिग्धगती सुरेहिंतो गहा सिग्धगती गहेहिंतो णक्खत्ता सिग्धगती णक्खतेहिंतो तारा सिग्धगती सङ्घप्पगती चंदा सवसिग्धगती तारा, ता एएसि णं चंदिमसूरियगगणणक्वत्ततारारूवाणं कयरे २हिंतो अप्पिढिया वा महिडिया वा १, ताराहितो महढिया णक्खत्ता णक्खत्तेहिंतो गहा महिड्डिया गहेहिंतो सूरा महिढिया सूरेहिंतो चंदा महिढिया, सङ्घप्पढिया तारा सक्षमहिडिया चंदा। ९५ । ता जंबुद्दीवे णं दीवे तारारूवस्स २ य एस णं केवतियं अबाधाए अंतरे पं०१, दुविहे अंतरे पं० तं०वाघातिमे य णिवाघातिमे य, तत्थ णं जे से वाघातिमे से जह० दोष्णि छावडे जोयणसते उको बारस जोयणसहस्साई दोण्णि बाताले जोयणसते तारारूवस्स २ य अबाधाए अंतरे पं० तत्थ जे से निवाघातिमे से जह० पंच धणुसताई उको० अद्धजोयणं तारारूवस्स २ य अबाधाए अंतरे पं० । ९६ । ता चंदस्स णं जोतिसिंदस्स जोतिसरण्णो कति अग्गमहिसीओ पं० १, ता चत्तारि अग्गमहिसीओ पं० तं० चंदप्पभा दोसिणाभा अधिमाली पभंकरा, तत्थ णं एगमेगाए देवीए चत्तारि देवीसाहस्सी परियारो पं० पभू णं तातो एगमेगा देवी अण्णाई चत्तारि २ देवीसहस्साई परिवारं विउडित्तए, एवामेव सपुधावरेणं सोलस देवीसहस्सा, सेत्तं तुडिए, ता पभू णं चंदे जोतिसिंदे जोतिसराया चंदवडिंसए विमाणे सभाए सुधम्माए तुडिएवं सद्धिं दिवाई भोगभोगाई भुंजमाणे विहरितए १, णो इणट्टे समड़े, ता कहं ते णी पभू जोतिर्सिदे जोतिसराया चंदवडिंसए विमाणे सभाए सुधम्माए तुडिएणं सद्धिं दिवाई भोगभोगाई भुंजमाणे विहरित्तए ?, ता चंदस्स णं जोतिसिंदस्स जोतिसरण्णो चंदवडिंसए विमाणे सभाए सुधम्माए माणत्रए चेतियखंभे वइरामएस गोलवट्टसमुग्गएस बहवे जिणसकधाओ संगिक्खित्ताओ चिति, ताओ णं चंदस्स जोतिसिंदस्स जोइसरण्णो अण्णेसिं च बहूणं जोतिसियाणं देवाण य देवीण य अबणिजाओ बंदणिजाओ पूयणिजाओ सकारणिजाओ सम्माणणिजाओ कलाणं मंगलं देवयं चेतियं पज्जुवासणिजाओ एवं खलु णो पभू चंदे जोतिसिंदे जोतिसराया चंदवडिसए विमाणे सभाए मुहम्माए तुडिएणं सद्धिं दिवाई भोगभोगाई भुंजमाने विहरितए, पभू णं चंदे जोतिसिंदे जोतिसराया चंदवसिए विमाणे समाए सुधम्माए चंदंसि सीहासणंसि चऊहिं सामाणियसाहस्सीहिं चउहिं अग्गमहिसीहिं सपरिवाराहिं तीहिं परिसाहिं सत्तहिं अणिएहिं सत्तहिं अणियाहिवईहिं सोलसहिं आयरक्खदेवसाहस्सीहिं अमेहि य बहूहिं जोतिसिएहिं देवेहिं देवीहि य सद्धिं संपरिवुडे महताहतण८०७ सूर्यप्रज्ञप्तिः पाहुडे- १८
मुनि दीपरत्नसागर
| SR No. | 003916 |
| Book Title | Aagam Manjusha 16 Uvangsuttam Mool 05 Sooyapannatti |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 38 |
| Language | Prakrit |
| Classification | Book_Devnagari, Agam, Canon, & agam_suryapragnapti |
| File Size | 26 MB |