Page Text
________________
पण्णरसमुहुत्ते दिवसे पण्णरसमुडुत्ता राई पण्णरसमुहुत्ताणंतरे दिवसे सातिरंगपण्णरसमुहुत्ता राई भवइ चउदसमुहुत्ते दिवसे सोलसमुहत्ता राई चोदसमुत्ताणंतरे दिवसे सानिरेगसोसमुहुत्ता राई तेरसमुहत्ते दिवसे सत्तरसमुहुत्ता राई, तेरसमुहत्ताणंतरे दिवसे सातिरेगसत्तरसमुडुत्ता राई, जहण्णए दुवालसमुहुत्ते दिवसे भवति उक्कोसिया अहारसमुहुत्ता राई भवइ, एवं भणित, ता जया णं जंबुद्दीवे दीवे दाहिणद्वे वासाणं पढमे समए पडिवजति तदा णं उत्तरदेवि वासाणं पढमे समए पडिवज्जति जता णं उत्तर वासाणं पढमे समए पडिवज्जति तता णं जंबुद्दीये मंदरस्स पवयस्स पुरच्छिमपचत्थिमेणं अनंतरपुर खडकालसमयंसि वासाणं पढने समए पडिवज्जइ, ता जया णं जंबुद्दीवे मंदरस्स पवयस्स पुरच्छिमेणं वासाणं पढमे समए पडिबाइ तता णं पञ्चत्थिमेणवि वासाणं पढमे समए पडिवाइ, जया णं पच्चत्थिमेणं वासाणं पढमे समए पडिवज्जइ तता णं जंबूदीवे मंदरदाहिणेणं अणंतरपच्छाकयकालसमयंसि वासाणं पढमे समए पडिवण्णे भवति, जहा समओ एवं आवलिया आणापाणू धोवे लवे मुहुत्ते अहोरते पक्खे मासे उऊ, एवं दस आलावगा जहा वासाणं एवं हेमंताणं गिम्हाणं च भाणिता, ता जता णं जंबुदीवे दाहिण पढमे अपणे पडिवजति तदा णं उत्तरदेवि पढमे अयणे पडिवज्जइ जता णं उत्तर पढमे अयणे पडिवजति तदा णं दाहिणद्वेवि पढमे अयणे पडिवज्जइ, जता णं उत्तर पढमे अयणे पडिवजति तता णं जंबुद्दीवे मंदरस्स पञ्चयस्स पुरत्थिमपन्चत्थिमेणं अनंतर पुरखडकालसमयंसि पढमे अयणे पडिबजति, ता जया णं जंबुदीवे मंदरस्स पवयस्स पुरत्थिमेणं पढमे अयणे पडिवज्जति तता णं पच्चत्थिमेणवि पढमे अयणे पडिवजइ, जया णं पञ्चत्थिमेणं पढमे अयणे पडिवाइ तदा णं जंबुद्दीवे मंदरस्स पवयस्स उत्तरदाहिणेणं अणतरपच्छाकडकालसमयंसि पढमे अथणे पडिवण्णे भवति, जहां अयणे तहां संवच्छरे जुगे वाससते, एवं वाससहस्से वाससयसहस्से पुगे पुण्ये एवं जाव सीसपहेलिया पलितोवमे सागरोवमे, ता जया णं जंबुद्दीवे दाहिणड्ढे ओसप्पिणी पडिवज्जति तता णं उत्तरदेवि ओसप्पिणी पडिवजति जता णं उत्तरदे ओसप्पिणी पडिवज्जति तता णं जंबुद्दीचे मंदरम्स पश्यस्स पुरत्थिमपञ्चत्थिमेणं णवत्थि ओसप्पिणी व अस्थि उस्सप्पिणी अवद्विते णं तत्थ काले पं० समणाउसो, एवं उस्सप्पिणीत्रि, ता जया णं लवणे समुद्दे दाहिणद्धे दिवसे भवति तता णं लवणसमुद्दे उत्तरदे दिवसे भवति जता णं उत्तरद्धे दिवसे भवति तता णं लवणसमुद्दे पुरच्छिमपच्चत्थिमेणं राई भवति, जहा जंबुद्दीचे तब जाव उस्सप्पिणी तहा धायइसंडे णं दीवे सूरिया ओदीण तहेब, ता जता णं धायइसंडे दीवे दाहिणद्धे दिवसे भवति तता णं उत्तरदेवि दिवसे भवति, जता णं उत्तरदे दिवसे भवति तता णं धायइसंडे दीवे मंदराणं पव्वताणं पुरत्थिमपच्चत्थिमेणं राई भवति, एवं जंबुद्दीवे जहा तहेब जाव उस्सप्पिणी, कालोए णं जहा लवणे समुद्दे तहेब, ता अभंतरपुक्खरदे णं सूरिया उदीणपाईणमुमाच्छ तहेब ता जया णं अम्मंतरपुक्खरदेणं दाहिण दिवसे भवति तदा णं उत्तरदेवि दिवसे भवति, जता णं उत्तरद्धे दिवसे भवति तता णं अभि तरपुक्खरद्धे मंदराणं पव्वताणं पुरत्थिमपच्चत्थिमे णं राई भवति, सेसं जहा जंबुद्दीवे तहेब जाब ओस्सप्पिणीउसप्पिणीओ । २९ ॥ अट्टमं पाहुडं ८ ॥ ता कतिकडं ते सूरिए पोरिसीइच्छायं णिवतेति आहिते ०?, तत्थ खलु इमाओ तिष्णि पडिवत्तीओ पं० तत्थेगे एवमाहंसु-जे णं पोग्गला सूरियस्स लेसं फुसंति ते णं पोग्गला संतप्पंति, ते णं पोग्गला संतप्पमाणा तदणंतराई बाहिराई पोग्गलाई संतावतीति एस णं से समिते तावक्खेत्ते एगे, एगे पुण० ता जे गं पोग्गला सूरियस्स लेसं फुर्सति ते णं पोग्गला नो संतप्पंति, ते णं पोग्गला असंतप्पमाणा तदतराई बाहिराई पोग्गलाई णो संतार्वेतीति एस णं से समिते तावक्रखेत्ते एगे एव०, एगे पुण० ता जेणं पोग्गला सूरियस्स लेर्स फुसंति ते णं पोग्गला अत्थेगतिया संतप्पंति अत्येगतिया णो संतति, तत्थ अत्येगइआ संतप्पमाणा तदणंतराई बाहिराई पोग्गालाई अत्येगतियाई संतावेंति अत्येगतियाई णो संतावति, एस णं से समिते तावखेने एगे एवः, वयं पुण एवं वदामो-ता जाओ इमाओ चंदिमसूरियाणं देवाणं विमाणेहिंतो लेसाओ बहित्ता उच्छूढा अभिणिसट्टाओ एतावति एतासि णं लेसाणं अंतरेसु अण्णतरीओ छिण्णलेसाओ संमुच्छति, तते णं ताओ छिण्णलेस्साओ समुच्छियाओ समाणीओ तदांतराई बाहिराई पोग्गलाई संतावेंतीति एस णं से समिते तावक्खत्ते । ३० । ता कतिकडे ते सूरिए पोरिसीच्छार्य णिवत्तेत आहितेति वदेज्जा ?, तत्थ खलु इमाओ पणवीसं पडिवत्ताओ पं० तत्येंगे एवं ता अणुसमयमेव सूरिए पोरिसिच्छायं णिडत्ते आहिते एगे एव एगे पुणता अणुमुहुत्तमेव सूरिए पोरिसिच्छायं णिडत्तेति आहिते, एतेणं अभिलावेणं णेतनं, ता जाओ चैव ओयसंठितीए पणुवीस पडिवत्तीओ ताओ चैव ताओ जाव अणुउस्सप्पिणीमेव सूरिए पोरिसीए च्छायं णिवत्तेत आहिता एगे एवं० वयं पुण एवं वदामो-ता सूरियस्स णं उच्चतं च लेस च पहुच छाउदेसे उबत्तं च छायं च पडुच लेसुद्देसे लेसं च छायं च पडुच उच्चत्तोडेसे, तत्थ खलु इमाओ दुवे पडिवत्तीओ पं० तत्येंगे एवं० ता अस्थि णं से दिवसे जंसि णं दिवसंसि सूरिए चउपोरिसीच्छायं निवत्ते, अस्थि णं से दिवसे जंसि णं दिवसंसि सूरिए दुपोरिसीच्छायं निवत्तेइ - एगे, एगे पुण० अस्थि णं से दिवसे जंसि णं दिवसंसि सूरिए दुपोरिसीच्छायं णिडत्तेति एगे एवं एगे पुण० ता अस्थि गं से दिवसे जंसि णं दिवसंसि ७०० सूर्यप्रज्ञप्तिः, पाडु - 05
मुनि दीपरत्नसागर
| SR No. | 003916 |
| Book Title | Aagam Manjusha 16 Uvangsuttam Mool 05 Sooyapannatti |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 38 |
| Language | Prakrit |
| Classification | Book_Devnagari, Agam, Canon, & agam_suryapragnapti |
| File Size | 26 MB |