Page Text
________________
एवं एए नव भंगा, एगिदियाणं अभंगतं, नारगादीणं तियभंगो जाव वेमाणियाणं, नवरं मणूसाणं पुच्छा, सविताच होजा सत्तविहगा एगविहगा य अहवा सत्तविहगा य एग. विहगा य छविहगा य अट्ठविहगा अपंधते य, एवं एते सत्तावीसं भंगा माणितवा, एवं जहा वेदणिज तहा आउयं नाम गोयं च भाणितवं, मोहणिजे वेदेमाणे जहा णाणावरणिजं तहा भाणिया।३०२॥ कम्मवेयधपयं २६ ॥ कति णं मंते! कम्मपगडीओ पं०१, गो! अड, तं०- णाणावरणिज जाप गराइयं, एवं नेरइयाण जाव वेमाणियाणं, जीवेणं भंते ! णाणावरणिज कम्मं वेदेमाणे कति कम्मपगडीतो वेदेति !, गो०! सत्तविहवेयए वा अडविहवेयए था, एवं मणूसेवि, अवसेसा एगलेणवि पुहुत्तेणवि णियमा अट्ट कम्मपगडीतो वेदेति जाव वेमाणिए, जीवा गं भंते ! णाणावरणिज वेदेमाणा कति कम्मपगडीवो वेदेति?, गो०! सधेवि ताव होजा अढविहवेदगा अहवा अट्ठ०गा सत्त०गे अहवा अट्टगा य सत्तबिहवेदगा य, एवं मणूसावि, दरिसणावरणिज अंतराइयं च एवं चेव भाणित, वेदणिजं आउयनामगोत्तातिं वेदेमाणे कति कम्मपगडीओ एति, गो०! जहा बंधगवेदगस्स वेय. णिज तहा भाणितत्राणि, जीवे णं मंते ! मोहणिज के.गणे कति कम्मपगडीतो वेदेति', गो०! नियमा अह कम्मपगडीतो वेदेति, एवं नेरतिए जाच वेमाणिते, एवं पुडुत्तेणवि १३.३॥ कम्मवेदवेदपयं २७॥ सचित्ताऽभारड्डी केवति किं वावि सवतो चेव । कतिमार्ग सधे खलु परिणामे चेव पोखरे॥२१८॥ एगिदियसरीरादी लोमाहारो तहेव मणभक्खी। एतेसिंतु पदाणं विभावणा होति कातवा ॥२१९॥ नेरख्या गं भंते ! किं सचित्ताहारा अचित्ताहारा मीसाहारा ?, गो० नो सचित्ताहारा अचित्ताहारा नो मीसाहारा, एवं असुरकुमारा जाव वेमाणिया, ओरालियसरीरा जाच मणूसा सचित्ता० अचित्ता० मीसाहारावि, नेरइया णं भंते! आहारट्ठी?.हंता आहारट्ठी, नेरहयाणं भंते! केवतिकालस्स आहारट्टे समुप्पजति ?, गो०! नेरइयाणं दुविधे आहारे पं०० आभोगनिव्वत्तिते य अणाभोगनिवत्तिते य, तत्य णं जे से अणाभोगनिवत्तिते से णं अणुसमयमविरहिते आहारट्टे समुप्पजति, तत्थ णं जे से आभो
गनिवत्तिते से णं असंखिजसमतिए अंतोमुहुत्तिते आहारट्टे समुप्पजति, नेरइया णं भंते! किमाहारमाहारेंति?, गो०! दवतो अणंतपदेसियातिं खेत्तओ असंखेजपदेसोगाढातिं कालतो S अण्णयरहिइयातिं भावओ वण्ण गंधक रस फासमंताई, जाई भावतो वण्णमंताई आहारेंति ताई किं एगवण्णातिं आहारति जाब किं पंचवण्णाई आहारैति?, गो० ठाणमम्गणं 5 पडुब एगवण्णाईपि आहारति जाव पंचवण्णाइंपि०विहाणमग्गणं पडुच कालवण्णाईपि आहारेंति जाव सुकिल्लाइंपि०,जाति वण्णतो कालवणातिं आहारति ताई किंएगगुणकालाई जाव
सगुणकालाई संखिजा आहा. जाव अर्णतगुणकालाई आ०१, गो०! एगगुणकालाईपि जाव अणंतगुणकालाइंपि आ०,एवं जाव सुकिलाई, एवं गंधतोचि रसतोवि, जाई भावओ फासमंताई ताई नो एगफासाई नो दुफासाई नो तिफासाई चउफासाई आहारति जाव अट्ठफासाईपि आ० विहाणमग्गणं पहुच कक्खडाइपिजाव लुक्साइंपि, जाति फासतो कक्खडाति ताई किंएगगुणकक्खडाई जाव अणंतगुणकक्खडाई आ०१, गो०! एगगुणकक्खडाइंपि जाच अर्णतगुणकक्खडाइपि आ०,एवं अट्ठवि फासा भाणितव्वा जाव अणंतगुणलक्खाइपिआ०, जाति भंते ! अणंतगुणलुक्खाई ताई किं पुट्ठाई अपुट्ठाई आ०?, गो० पुट्ठाई० नो अपुट्ठाई आ०,जहा भासुद्देसए जाव णियमा छदिसिं आ०, ओसणं कारणं पहुच वष्णओ कालनीलातिं गंधओ दुम्भिगंधातिं रसओ तित्तकडुयाई फासओ कक्खडगुरुयसीयलुक्खाई, तेसिं पोराणे वण्णगुणे गंधगुणे रसगुणे फासगुणे विपरिणामइत्ता परिपीलइत्ता परिसाडइत्ता परिविद्धसइत्ता अण्णे अपुग्वे वण्णगुणे जाव फासगुणे उप्पाइत्ता आयसरीरखेत्तोगाढे पोग्गले सबप्पणयाए आहारं आहारैति, नेरइया णं भंते ! सवओ आहारति सपओ परिणामंति सबओ ऊससंति सबओ नीससंति अभिक्खणं आहारेंति अभिक्खणं परिणामंति अभिक्खणं ऊससंति अभिक्खणं नीससंति आहब आहारेंति आहच परिणामेंति आहच ऊससंति आहच नीससंति ?, हंता गो! णेरड्या सवतो आहारैति एवं तं चेव जाव आहच नी०, नेरइया णं भंते! जे पोग्गले आहारत्ताते गिण्हति ते णं तेसिं पोग्गलाणं सयालंसि कतिभागं आहारेंति कतिभागं आसाएंति?, गो० असंखेजतिभागं आ० अर्णतभागं अस्साएंति, नेरडया णं भंते ! जे पोग्गले आहारत्ताते गिण्हति ते किस आहारैति नोसब्बे अपरिसेसए आहारैति, नेरइया णं भंते ! जे पोग्गला आहारत्ताए गिण्हंति ते णं तेसिं पोग्गला कीसत्ताए भुजो २ परिणति ?, गो ! सोतिदियत्ताते जाव फासिंदियत्ताते अणिट्टत्ताते अकंतत्ताए अपियत्ताए असुभत्ताए अमणुण्णत्ताए अमणामत्ताते अणिच्छियत्ताते अ(प्र. अण)भिज्झियत्ताए अहत्ताते नो उडत्ताए दुक्खत्ताते नो सुहत्ताते एतेसिं भुजो २ परिणमंति।३०४॥ असुरकुमारा णं भंते ! आहारही?,हंता आहारट्टी, एवं जहा नेरइयाणं तहा असुरकुमाराणवि माणितव्वं जाव तेसिं भुजो २परिणमंति, तत्थ णं जे से आभोगनिव्वत्तिते से णं जहचउत्थभत्तस्स उको सातिरेगवाससहस्सस्स आहारट्टे समुप्पजइ, ओसण्णं कारणं पडुच वण्णतो हालिहसुकिल्लातिं गंधतो सुब्भिगंधाति रसतो अंबिलमहुरातिं फासओ मउयलहुयनिधण्हाति, तेसि पोराणे वण्णगुणे जाव फासिदियत्ताते जाव मणामत्ताते इच्छियत्ताते मि(म० अभि)ज्झियत्ताते उदत्ताते नो अहत्ताए सुहत्ताए नो दुहत्ताए ७६६ प्रज्ञापना पद-२
मुनि दीपरत्नसागर
| SR No. | 003915 |
| Book Title | Aagam Manjusha 15 Uvangsuttam Mool 04 Pannavanaa |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 107 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 76 MB |