Page Text
________________
तिसोवाणपडिरूवाणं वण्णओ, तोरणा भाणियश जाव छत्तातिच्छत्ता सभाए णं सुहम्माए छ मणोगुलियासाहस्सीओ पं० नं० पुरच्छिमे णं दो साहस्सीओ पञ्चत्थिमेणं दो साह सीओ दाहिणेणं एगा साहस्सी उत्तरेणं एगा साहस्सी, तासु णं मणोगुलियासु बहवे सुवण्णरुप्पामया फलगा पं० तेसु णं सुवण्णरुप्पामएस फलगेसु बहवे धइरामया नागदंतगा पं०. तेसु णं वइरामएस नागदंतएस बहवे किण्हमुत्तबट्टबग्घारितमलदामकलावा जाव सुकिलववग्धारितमउदामकलावा, ते णं दामा तवणिजलंबूसगा जाव चिट्ठति सभाए णं सुहम्माए छ गोमाणसीसाहस्सीओ पं० सं०. पुरच्छिमेणं दो साहस्सीओ एवं पञ्चत्थिमेणवि. दाहिणेणं सहस्सं एवं उत्तरेणवि, तासु णं गोमाणसीसु वहवे सुवण्णरुपमया फलगा पं० जाव तेसु णं वइरामएस नागदंतएसु बहवे रयतामया सिकता पं० तेसु णं रयतामयेसु सिक्कएस बहवे वेरुलियामईओ धूवघटिताओ पं० ताओ णं धूवपडियाओ कालागुरुपवरकुंदुरुक्कतुरुक्क जाव घाणमणणिव्करेण गंधेणं सङ्घतो समंता आपूरेमाणीओ चिर्द्धति, सभाए णं सुधम्माए अंतो बहुसमरमणिजे भूमिभागे पं० जाव मणीणं फासो उहोया पउमलयभत्तिचित्ता जाव सङ्घतवणिज्जमए अच्छे जान पडिरूवे । १३८ । तस्स णं बहुसमरमणिजस्स भूमिभागस्स बहुमज्झदेसभाए एत्थ णं एगा महं मणिपीढिया पं० साणं मणिपीढिया दो जोयणाई आयामचिक्खंभेण जोयणं पाहणं सङ्घमणिमता, तीसे णं मणिपीढियाए उप्पि एत्थ णं माणवए नाम चेहयखंभे पं० अट्टमाई जोयणाई उढउच्च नेणं अद्धकोर्स उद्देहेणं अद्धकोर्स विक्खभेणं छकोटीए छलंसे छविग्गहिते वइरामयबद्दलद्वसंठिते एवं जहा महिंदज्झयस्स वण्णओ जाव पासातीए, तस्स णं माणवकस्स चेतियखंभस्स उवरिं छकोसे ओगाहिना हेद्वावि छकोसे वजेत्ता मज्झे अद्धपंचमेसु जोयणेसु एत्य णं महवे सुवण्णरुपमया फलगा पं० तेसु णं सुवण्णरुप्पमएस फलएसु बहवे बहरामया णागदंता पं० तेसु णं वइरामएस नागदंताए बहवे रययामता सिक्कगा पं० तेसु णं रययामयसिकएस बहने बहरामगा गोलवट्टसमुग्गका पं० तेसु णं वइरामएस गोलबहसमुग्गएस बहवे जिणसकहाओ संनिक्खित्ताओ चिट्ठति जाओ णं विजयस्स देवस्स अण्णेसिं च बहूणं वाणमंतराण देवाण य देवीण य अचणिजाओ बंदणिजाओ पूयणिजाओ सकारणिजाओ सम्माणणिजाओ कहाणं मंगलं देवयं चेतियं पज्जुवासणिजाओ, माणवगस्स णं चेतियखंमस्स उचरिं अट्टट्टमंगलगा झया छत्तातिच्छत्ता, तस्स णं माणवकस्स चेतियखंभस्स पुरच्छ्रिमेणं एत्थ णं एगा महं मणिपेडिया पं०, साणं मणिपेढिया दो जोयणाई आयामविक्संभेणं जोयणं वाहणं सत्रमणिमई जाव पडिरूवा, तीसे णं मणिपेढियाए उपिं एत्थ णं एगे महं सीहासणे पं०, सीहासणवण्णओ, तस्स णं माणवगस्स चेतियखंभस्स पञ्चत्थिमेणं एत्थ णं एगा महं मणिपेढिया पं० जोयणं आयामविक्वं भेणं अजोयणं वाहणं सप्तमणिमनी अच्छा, तीसे गं मणिपेढियाए उप्पि एत्य णं एगे महं देवसयणिज्जे पं० तस्स णं देवसयणिज्जरस अयमेयारूवे वण्णावासे पं० [सं० नाणामणिमया पडिपादा सोवणिया पादा नाणामणिमया पायसीसा जंबूणयमयाई गत्ताई वहरामया संधी णाणामणिमते वेचे रययामता तुली लोहियक्खमया विब्बोयणा तवणिजमती गंडोवहाणिया, से णं देवसयणिजे उभओबिब्बोयणे दुहओउण्णए मज्मेणयगंभीरे सालिंगणवट्टिए गंगापुलिनवालुउद्दालसालिसए ओतवितकखो मदुगुलपट्टपडिच्छायणे सुविरचितरयत्ताणे रत्तंसुयसंवृते सुरम्मे आहण गरुतचूरणवणीयतूलफासमउए पासाईए०, तस्स णं देवसयणिजस्स उत्तरपुर० एत्थ णं महई एगा मणिपीठिया पं० जोयणमेगं आयामविक्रखंभेणं अजोयणं वाहणं सव्वमणिमई जाव अच्छा, तीसे णं मणिपीढियाए उपि एगे महं खुड्डए महिंदज्झए पं० अट्टमाई जोयणाई उउबत्तेणं अद्धकोसं उब्वेषेणं अदकोसं विकखंभेणं वेरुलियामयवठ्ठलट्टसंठिते तहेव जाब मंगलगा झया उत्तातिच्छत्ता, तस्स णं खुड्डमहिंदज्झयस्स पचत्थिमेणं एत्थ णं विजयस्स देवरस चुप्पालए नाम पहरणकोसे पं० तत्थ णं विजयस्स देवस्स फलिहरयणपामोक्खा बहवे पहरणरयणा संनिक्खित्ता चिति उज्जलमुणिसियमुतिकूखधारा पासाईया०, तीसे णं सभाए सुहम्माए उप्पि बहवे अट्टट्टमंगलगा झया छत्तातिच्छत्ता । १३९। सभाए णं सुधम्माए उत्तरपुरच्छिमेणं एत्य एगे महं सिद्धायत पं० अद्धतेरस जोयणाई आयामेणं छजोयणाई सकोसाइं विकखंभेणं नव जोयणाई उठउच्चतेणं जाव गोमाणसियावत्तब्वया जा चैव सहाए मुहम्माए बत्त व्वया सा चैव निरवसेसा भाणियब्वा तहेब दारा मुहमंडवा पेच्छाघरमंडवा झया धूभा चेइयरुक्खा महिंदज्झया णंदाओ पुक्खरिणीओ, तओ य सुधम्माए जहा पमाणं, मणगुलिया गोमाणसीया धूवपडियाओ तहेब भूमिभागे उल्लोए य जाव मणिफासे, तस्स णं सिद्धायतणस्स बहुमज्झदेसभाए एत्थ णं एगा महं मणिपेढिया पं० दो जोयणाई आयामविक्खंभेणं जोयणं वाहणं सङ्घमणिमया अच्छा०, तीसे णं मणिपेडियाए उप्पि एत्थ णं एगे महं देवच्छंदए पं० दो जोयणाई आयामविक्खंभेणं साइरेगाई दो जोयणाई उउचत्तेणं सवरयनामए अच्छे०, तत्थ णं देवच्छंदए अट्टसतं जिणपडिमाणं जिणुस्सेहप्पमाणमेत्ताणं सष्णिक्खित्तं चिट्ठइ, तासिं णं जिणपडिमाणं अथमेयारूवे वण्णावासे पं० [सं० तवणिजमता हत्य तला अंकामयाई णक्खाई अंतोलोहियक्खपरिसेयाई कणगमया पादा कणगामया गोष्फा कणगामतीओ जंघाओ कणगामया जाणू कणगामया ऊरू कणगामयाओ गायलट्टीओ ६३५ जीवाजीवाभिगमः, पडिवनि-३
मुनि दीपरत्नसागर
| SR No. | 003914 |
| Book Title | Aagam Manjusha 14 Uvangsuttam Mool 03 Jivajivaabhigam |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 76 |
| Language | Prakrit |
| Classification | Book_Devnagari, Agam, Canon, & agam_jivajivabhigam |
| File Size | 54 MB |