Page Text
________________
देवी अन्नया कयाई एसिस्स रण्णो अंतरं जाण असणे जात्र साइमे सङ्घवत्थगंधमहालंकारे विसप्पजोगं पउंजइ, पएसिस्स रण्णो व्हायरस जाब पायच्छित्तस्स सुहासणवरगयस्स तं विससंजुत्तं असणं वत्थं जाय अलंकारं निसिरेड. नए नम्स पएसिम्स रणो नं विससंजुत्तं असणं आहारेमाणस्स सरीरगंमि वेयणा पाऊभूषा उनला विउला पगाढा कक्कसा कडुया चंडा तिवा दुक्खा दुग्गा दुरहियासा पित्तजरपरिगयसरीरं दाहवकंलिए यावि विहरइ । ८० ॥ नए से पएसी राया सूरियकंनाए देवीए अत्ताणं संपलद्धं जाणित्ता सूरियकताए देवीए मणसावि अप्पदुस्समाणे जेणेव पोसहसाला तेणेव उवागच्छ ता पोसहसालं पमज्जइ त्ता उच्चारपासवणभूमिं पडिलेड ना दम्भसंधार संथरेइ ना दग्भसंधारगं दुरूह ता पुरत्याभिमुहे संपलियंकनिसन्ने करयलपरिग्गहियं० सिरसावत्तं मत्थए अंजलिं कट्टु एवं व० नमोऽत्यु णं अरहंताणं जाव संपत्ताणं नमोऽत्यु णं केसिस्स कुमारसमणस्स मम धम्मो वदेसगरस धम्मायरियरस वंदामि णं भगवंतं तत्थमयं इहगए पासउ मे भगवं तत्थगए इहगयंतिकट्टु वंदइ नमसइ पुडिपि णं मए के सिस्स कुमारसमणस्स अंतिए थूलगपाणा इवाए पञ्चखाए जाव परिग्गहे तं इयाणिंपिणं तस्सेव भगवतो अति स पाणइवायं पच्चक्खामि जाव परिम्गई सङ्घ कोहं जाव मिच्छादंसणस अकरणिजं जोयं पञ्चक्वामि सवं असणं चउविहंपि आहारं जावजीवाएं पञ्चक्खामि अंपिय मे इमं सरीरं इई जाव फुसंतुतिकट्टु एयंपिय णं चरिमेहिं ऊसासनिस्सासेहिं बोसिरामित्तिकट्टु आलोइयपडिकंते समाहिपत्ते कालमासे कालं किवा सोहम्मे कप्पे सूरियाभे विमाणे उववायसभाए जाव उबवण्णे, तए र्ण से सूरियाभे देवे अहुणोववनए चैव समाणे पंचविहाए पत्तीए पज्जतिभावं गच्छति, तं० आहारपजत्तीए सरीर० इंदिय० आणापाण० भासामणपजत्तीए, तंएवं खलु भो! सूरियाभेणं देवेणं सा दिवा देविड्ढी दिवा देवजुती दिवे देवाणुभावे लद्धे पत्ते अभिसमन्नागए । ८१ । सूरियाभस्स णं भंते! देवस्स केवतियं कालं ठिती पं० ?, गोयमा ! चत्तारि पलिओत्रमाई ठिती पं० से णं सूरिया देवे ताओ देवलोगाओ आउक्खएणं भवक्खएणं ठिइक्खएणं अनंतरं चयं चत्ता कहि गच्छिहिनि कहिं उववज्जि - हिति ?, गोयमा ! महाविदेहे वासे जाणि इमाणि कुलाणि भवंति, वं०- अड्ढाई दित्साई विउलाई विच्छिष्ण विपुलभवणसयणासणजाणवाहणाइण्णाई बहुधण बहुजातरूवरययाई आओगपओगसंपउत्ताइं विच्छडियपउरभन्नपाणाई बहुदासी दासगोमहिसगवेलगप्पभूयाई बहुजणस्स अपरिभूताइं तत्थ अन्नयरेसु कुलेसु पुत्तत्ताए पञ्चाइस्सइ, तए णं तंसि दारगंसि गम्भगयंसि चेत्र समासि अम्मापिऊणं धम्मे दढा पइण्णा भविस्सइ तए णं तस्स दारयस्स नवहं मासाणं बहुपडिपुत्राणं अट्टमाण राइंदियाणं वितिकंताणं सुकुमालपाणिपायं अहीणपडिपुण्णपंचिदियसरीरं लक्खणवंजणगुणोववेयं माणुम्माणपमाणपडिपुन्नसुजायसवंगसुंदरंगं ससिसोमाकारं कंतं पियदसणं सुरुवं दारयं पयाहिसि. नए णं तस्स दारगस्स अम्मापियरो पढमे दिवसे ठितिवडियं करेहितिं ततियदिवसे चंदसूरदंसणिगं करिस्संति छट्टे दिवसे जागरियं जागरिस्संति एकारसमे दिवसे वीइकंते संपत्ते बारसाहे दिवसे णिविते असुइजायकम्मकरणे चोक्खे संमज्जिवलित्ते विउलं असणपाणखाइमसाइमं उबक्खडावेस्संति त्ता मित्तणाइणियगसयणसंबंधिपरिजणं आमंतेत्ता तओ पच्छा व्हाया कयवलिकम्मा जाव अलंकिया भोयणमंडवंसि सुहासणवरगया ते मित्तणाइजाब परिजणेण सद्धिं विउलं असणं आसाएमाणा विसाएमाणा परिभुंजेमाणा परिभाएमाणा एवं चेव णं विहरिस्संति जिमियमुत्तुत्तरागयाविय णं समाणा आयंता चोक्खा परमसुइभूया तं मित्तणाइजावपरिजणं विउलेणं वत्थगंधमलालंकारेणं सकारेस्संति सम्माणिस्संति ता तस्सेव मित्तजावपरिजणस्स पुरतो एवं वइस्संति जम्हा णं देवाणुप्पिया ! इमंसि दारगंसि गन्भगयंसि चैव समार्णसि अम्हं धम्मे दढा पइष्णा जाया तं होउ णं अम्हं एयस्स दारयस्स दढपइण्णे (इ) णामेणं, तए णं तस्स दढपइण्णस्स दारगस्स अम्मापियरो नामधेज करिस्संति दढपइण्णाइ य २, तए णं तस्स अम्मापियरो अणुपुत्रेणं ठितिवडियं च चंदसूरियदरिसणं च धम्मजागरियं च नामधिज्जकरणं च पजेमणगं च पडिवद्धावणगं च पचकमणगं च कन्नवेहणं च संवच्छरपडिलेणगं च चूलोवणयं च अन्नाणि य बहूणि गन्भाहाणजम्मणाइयाई महया इड्ढी सकारसमुद्रएणं करिस्सति । ८२। तए णं दडपतिष्णे दारए पंचधाईपरिक्खित्ते खीरधाईए मनणधाईए अंकधाईए मंडणधाईए किलावणधाईए, अन्नाहि य बहूहिं चिलाइयाहिं वामणियाहिं वडभियाहिं बच्चरीहिं बउसियाहिं जोव्हियाहि पण्णवियाहिं इंसिणियाहिं वारुणियाहिं लासियाहि लाउसियाहिं दमिलीहिं सिंहलीहिं आरवीहिं पुलिंदीहि पकणीहि बहलीहिं मुरंडीहिं पारसीहिं णाणादेसीविदेसपरिमंडियाहिं सदेसणेवत्थगहियवेसाहिं इंगियचिंतियपत्थियचियाणाहिं निउणकुसलाहिं विणीयाहिं चेडियाचक्कवालतरुणिवंदपरियालपरिवुडे वरिसधरकंचुइमहयरवंदपरिक्खित्ते हत्याओ हत्यं साहरिजमाणे उवनचिज्जमाणे अंगेण अंगं परिभुजमाणे उवगिज्जेमाणे २ उक्लालिजमाणे २ अवतासि० २ परिचुंविजमाणे रम्मेसु मणिकोट्टिमतले परंगमाणे २ गिरिकंदरमलीविव चंपगवरपायवे णिवाघायंसि सुहंसुहेणं परिवढिस्सइ, तए णं तं दढपतिष्णं दारगं अम्मापियरो सातिरेगअडवासजायर्ग जाणित्ता सोभणंसि तिहिकरणणक्खत्तमुडुत्तंसि व्हायं कयबलिकम्मं कयको अमंगलपायच्छत्नं सवालंकारविभूसियं करेत्ता महया इड्ढीसकारसमुदएणं कलायरियस्स उवणेहिंति, तए णं से कलायरिए तं दढपतिष्णं दारगं लेहाइयाओ गणियप्पहाणाओ सउणरुयपजवसाणाओ बावर्त्तारं कलाओ सुत्तओ अत्थओ गंथओ ( करणओ) पसिक्खावेहि य सेहावेहि य, तं०- लेहं गणियं रुपं नवं गीयं वाइयं सरगयं पुक्खरगयं समतालं जूयं १० जणवयं पासगं अट्ठावयं पारेकचं दगमट्टियं अन्नविहिं पाणविहिं वत्यविहिं विलेवणविहिं सयणविहिं २० अज्जं पहेलिय मागहियं निहाइयं गा गीइयं सिलोगं हिरण्णजुत्तिं सुवण्णजुत्तिं आभरणविहिं ३० तरुणीपडिकम्मं इत्थिलक्खणं पुरिसलेक्खणं ह्यलक्खणं गयलक्खणं गोणलक्खणं कुक्कुडलक्खणं छत्तलक्खणं चकलक्खणं दंडलक्खणं ४० असिन्टक्खणं मणिलक्खणं कागणिलक्खणं वत्युविजं नगरमाणं खंधवारं माणवारं पडिचारं वृहं पडिवूहं ५० चकवूहं गरुलवूहं सगडवूहं जुद्धं निजुदं जुदाइजुद्धं अद्विजुद्धं मुडिजुद्धं बाहुजुद्धं लयाजुद्धं ६० ईसत्थं उरुप्पवायं धणुवेयं हिरण्णपागं सुवण्णपागं-माणपागं धाउपागं, सुत्तखेडं वट्टखेड्डं णालियखेड्ड पत्तच्छेजं कडगच्छेज सज्जीवनिज्जीवं सउणरुय ७२ मिति, तए णं से कलायरिए तं दढपइण्णं दरगं लेहाइयाओ गणियप्पहाणाओ सउणरुयपजवसाणाओ चावतरं कलाओ सुत्तओ य अत्यओ व गंथओ य करणओ य सिक्खावेत्ता सेहावेत्ता अम्मापिऊणं उवणेहिंति, तए णं तस्स दढपइण्णस्स दारगस्स अम्मापियरो तं कलायरियं विउलेणं असणपाणखाइमसाइमेणं वत्थगंधमहालंकारेण सक्कारिस्संति सम्माणिस्संति ता विउलं जीवियारिहं पीतीदाणं दलइस्संति विउलं जीवियारिहं० दलइत्ता पडिविसजेहिंति । ८३ । तए णं से दढपतिष्णे दारए उम्मुकबालभावे विण्णायपरिणयमित्ते जोवणगमणपत्ते बाबत्तरि- (१५०) ६०० राजमनीयं पसराय मुनि दीपरत्नसागर
| SR No. | 003913 |
| Book Title | Aagam Manjusha 13 Uvangsuttam Mool 02 Rayppaseniy |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 33 |
| Language | Prakrit |
| Classification | Book_Devnagari, Agam, Canon, & agam_rajprashniya |
| File Size | 22 MB |