Page Text
________________
Resta
गमत्यएहिं बनी सहबद्धएहिं नाडएहिं वरतरुणी संपउत्तेहि उवणविजमाणा उवगिजमाणा उबलालिज़माणा इहे सदफरिस जाव विहरंति, तए णं से पुरिसे अयभारेण जेणेव सए नगरे तेणेव उवागच्छद्द अयभारगं गहाय अयविकिणणं करेति त्ता तंसि अप्पमोहंसि निट्टियंसि झीणपरिश्ए ते पुरिसे उप्पि पासायवरगए जाव विहरमाणे पासति ता एवं व० अहो णं अहं अधन्नो अपुन्नो अकयत्थो अकयलक्खणो हिरिसिरिवजिए हीणपुण्ण चाउद से दुरंत पंतलक्खणे, जति णं अहं मित्ताण वा णाईण वा नियगाण वा सुनंतओ तो णं अपि एवं चैव उप्पि पासायवरगए जाव विहरंतो से तेणद्वेणं पएसी ! एवं बुच्चइ मा णं तुमं पएसी ! पच्छाणुताविए भविज्जासि जहां व से पुरिसे अब मारिए १९ । ७५ । एत्य णं से पएसी राया संबुद्धे केसिकुमारसमणं बंदइ जाव एवं व० णो खलु भंते! अहं पच्छाणुताविए भविस्सामि जहा व पुरिसे अयभारिए तं इच्छामि णं देवाणुप्पियाणं अंतिए केवलिपनत्तं धम्मं निसा मित्तए, अहासुर्ह देवाणुप्पिया ! मा पडिबंधं०, धम्मकहा जाव चित्तस्स तहेव गिहिधम्मं पडिवजइ त्ता जेणेव सेयविया नगरी तेणेत्र पहारेत्य गमणाए । ७६। तए णं केसी कुमारसमणे पएसि रायं एवं ब० जाणासि तुमं पएसी ! कई आयरिया पं० १. हंता जाणामि, तओ आयरिआ पं० तं० कलायरिए सिप्पायरिए धम्मायरिए, जाणासि णं तुमं पएसी तेसि तिष्हं आयरियाणं कस्स का विणयपडिवत्ती पउंजिया ?, हंता जाणामि कलायरियस्स सिप्पायरियम्स उवलेवणं संमजणं वा करेजा पुरओ पुष्पाणि वा आणवेजा मज्जावेजा मंडावेजा भोयाविजा वा विउलं जीवितारिहं पीइदाणं दलएजा पुत्ताणुपुत्तियं वित्तिं कप्पेजा, जत्थेव धम्मायरियं पासिज्जा तत्थेव वंदेजा णमंसेजा सकारेजा सम्माज्जा काणं मंगलं देवयं चेइयं पज्जुवासेजा फासुएसणिज्जेणं असणपाणखाइमसाइमेणं पडिला भेजा पाडिहारिएणं पीढफलगसिज्जासंधारेण उवनिमंतेजा, एवं च ताव तुमं पएसी एवं जाणासि तहावि णं तुम
वामंत्रामेण जाव वट्टत्ता ममं एयम अक्खामित्ता जेणेव सेयविया नगरी तेणेव पहारेत्थ गमणाए, तए णं से पएसी राया केसि कुमारसमणं एवं व० एवं खलु भंते! मम एयारूवे अज्झत्थिए जाव समुप्यजित्था एवं खलु अहं देवाणुप्पियाणं वामंत्रामेणं जाव वट्टिए तं सेयं खलु मे कई पाउप्पभायाए रयणीए जाब तेयसा जलते अंतेउरपरियाल सद्धिं संपरिवुडस्स देवाणुप्पिए वंदित्तए नमसित्तए एतमहं भुजो २ सम्मं विणएणं खामित्तएनिकटु जामेव दिसिं पाउन्भूते तामेव दिसिं पडिगए, तए णं से पएसी राया कई पाउप्पभायाए रयणीए जाव तेयसा जलते हट्टजावहियए जहेब कूणिए तहेब निम्गच्छइ अंतेउरपरियाल सदि संपरिवुडे पंचविहेणं अभिगमेणं बंद नमसइ एयमहं भुजो २ सम्मं विणएणं खामेइ । ७७ । तए णं केसी कुमारसमणे पएसिस्स रण्णो सूरियकंतप्पमुहाणं देवीणं तीसे य मतिमहालियाए महत्वपरिसाए जाव धम्मं परिकहेइ, तए णं से पएसी राया धम्मं सोचा निसम्म उट्ठाए उट्ठेति ता केसिकुमारसमणं बंदइ नमसइ त्ता जेणेव सेयविया नगरी तेणेव पहारेत्थ गमणाए, तए णं केसी कुमारसमणे पएसिरायं एवं व० मा णं तुमं पएसी ! पुत्रिं रमणिजे भवित्ता पच्छा अरमणिजे भविज्जासि जहा से वणसंडेइ वा हसालाइ वा इक्खुवाडएइ वा खलवाडएइ वा कहं णं? भंते!, वणसंडे पत्तिए पुष्फिए फलिए हरियगरेरिजमाणे सिरीए अतीव उवसोभेमाणे २ चिट्ठइ तया णं वणसंडे रमणिजे भवति, जया णं वणसंडे नो पत्तिए नो पुष्फिए नो फलिए नो हरियगरिरेजमाणे णो सिरीए अईव उवसोभेमाणे २ चिट्ठइ तथा णं जुने झडे परिसडियपंडुपत्ते सुकरुक्खे इव मिलायमाणे चिट्ठइ तया णं वणे णो रमणिजे भवति, जया णं णसालावि गिजइ वाइज नश्चिजइ हसिज्जइ रमिज्जइ तया णं णट्टसाला रमणिजा भवइ जया णं नट्टसाला णो गिज्जइ जाव णो रमिज्जइ तया णं णट्टसाला अरमणिजा भवति, जया णं इक्खुवाडे छिज्जइ भिज्जइ सिज पिज्जा दिजइ तया णं इक्खुवाडे रमणिजे भवइ जया णं इक्खुवाडे णो छिज्जइ जाव तया इक्खुवाडे अरमणिजे भवइ, जया णं खलवाडे उच्छुम्भइ उड्डुइज्जइ मलइजइ पुणिजइ खज्जइ पिजड़ दिजइ तया णं खलवाडे रमणिजे भवति जया णं खलवाडे नो उच्छुभइ जाव अरमणिज्ज्ञे भवति, से तेणद्वेणं पएसी ! एवं वृचइ मा णं तुमं पएसी ! पुत्रिं रमणिजे भवित्ता पच्छा अरमणिजे भविजासि जहा वणसंडे वा०, तए णं पएसी केसिं कुमारसमणं एवं व० णो खलु भंते! अहं पुषि रमणिजे भवित्ता पच्छा अरमणिजे भविस्सामि जहा वणसंडेइ वा जाब खलवाडेड वा, अहं णं सेयवियानगरीपमुक्खाई सत्त गामसहस्साइं चत्तारि भागे करिस्सामि एगं भागं बलवाहणस्स दलइस्सामि एगं भागं कुट्टागारे छुभिस्सामि एगं भागं अंतेउरस्स दलइस्सामि एगेणं भागेणं महतिमहालियं कूडागारसालं करिस्सामि, तत्थ णं बहूहिं पुरिसेहिं दिनभइभत्तत्रेयणेहिं विउलं असणं उवक्खडावेत्ता बहूणं समणमाहणभिक्खुयाणं पंथियपहियाणं परिभाएमाणे २ बहूहिं सीलवयगुणवयवेरमणपचक्खाणपोसहोववासेहिं जाव विहरिस्सामित्तिकट्टु जामेव दिसिं पाउन्भूए तामेव दिसि पडिगए । ७८ । तए णं से पएसी राया क जाब तेयसा जलते सेयवियापामोक्खाई सत्त गामसहस्साई चत्तारि भाए कीरइ, एगं भागं बलवाहणस्स दलइ जाब कूडागारसालं करेइ, तत्थ णं बहूहिं पुरिसेहिं जाव उवक्खडेत्ता बहूणं समण जाय परिभाएमाणे विहरइ । ७९ । तए णं से पएसी राया समणोवासए अभिगयजीवाजीवे० विहरइ, जप्पभिदं च णं पएसी राया समणोवासए जाए तप्पभिई च णं रज्जं च रटुं च बलं च वाहणं च कोर्स च कोट्टागारं च पुरं च अंतेउरं च जणवयं च अणाढायमाणे यावि विहरति, तए णं तीसे सूरियकंताए देवीए इमेयारूवे अज्झत्थिए जाव समुप्पजित्था जप्यभिदं च णं पएसी राया समणोवासए जाए तप्पभिडं च णं रजं च रटुं जाव अंतेउरं च ममं च जणवयं च अणाढायमाणे विहरइ तं सेयं खलु मे पएसिं रायं केणवि सत्यपओएण वा अग्गिपओगेण वा मंतप्पओगेण वा विसप्पओगेण वा उदवेत्ता सूरियकंतं कुमारं रजे ठवित्ता सयमेव रज्जसिरिं कारेमाणीए पालेमाणीए विहरित्तएत्तिकट्टु एवं संपेहेइ ता सूरियकंतं कुमारं सदावेइ ता एवं व० जप्पभिई च णं एसी राया समणोवासए जाए तप्पभिदं च णं रज्जं च जाव अंतेउरं च ममं च जणवयं च माणुस्सए य कामभोगे अणाढायमाणे विहरइ, तं सेयं खलु तव पुत्ता! पएसिं रायं केणइ सत्यप्पयोगेण वा जाव उदवित्ता सयमेव रज्जसिरिं कारेमाणस्स पालेमाणस्स विहरित्तए, तए णं सूरियकंते कुमारे सूरियकंताए देवीए एवं वृत्ते समाणे सूरियकंताए देवीए एयमहं णो आढाइ नो परियाणाइ तुसिणीए संचिट्ठइ. तए णं तीसे सूरियकंताए देवीए इमेयारूवे अज्झथिए जव समुपज्जित्था मा णं सूरियकंते कुमारे पएसिस्स रन्नो इमं रहस्सभेयं करिस्सइत्तिकट्टु पएसिस्स रण्णो छिद्दाणि य मम्माणि य रहस्साणि य वित्रराणि य अंतराणि य पडिजागरमाणी २ विहरइ, तए णं सूरियकंता ५९९ राजमनीयं एसिवाय
मुनि दीपरत्नसागर
44
| SR No. | 003913 |
| Book Title | Aagam Manjusha 13 Uvangsuttam Mool 02 Rayppaseniy |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 33 |
| Language | Prakrit |
| Classification | Book_Devnagari, Agam, Canon, & agam_rajprashniya |
| File Size | 22 MB |