Page Text
________________
पडिरूवा महया २ गयदंतसमाणा पं० समणाउसो!, तेसु णं णागर्दतएसु बहवे किण्हसुत्तबद्धववग्धारितमल्लदामकलावा णील० लोहित० हालिह सुकिलसुत्तवट्टवग्धारितमलदामकलावा, ते णं दामा तवणिजलंबूसगा सुवनपयरमंडियगा जाव कन्नमणणिब्युतिकरेणं सहेणं ते पदेसे सचओ समंता आपूरेमाणा सिरीए अईव उवसोमेमाणा चिट्ठति, तेसिं णं णागद
ताणं उवरिं अन्नाओ सोलस २ नागदंतपरिवाडीओ पं०, ते गं णागर्दता तं चेव जाव महता २ गयदंतसमाणा पं० समणाउसो!, तेसुणं णागदंतएसु बहवे श्ययामया सिकगा पं०, तेसु Pणं स्ययामएम सिकाएसुबहवे वेरुलियामईओ धूवघडीओ पं०, ताओ णं धूवघडीओ कालागुरुपवरकुंदुरुकतुरुकधूवमघमघंतगंधुधुयाभिरामाओ सुगंधवरगंधियातो गंधवष्टिभूयाओ 5 ओरालेणं मणुण्णेणं मणहरेणं पाणमणणिकरेणं गंघेणं ते पदेसे सबओ समंता जाब चिट्ठति, तेसिं णं दाराणं उभओ पासे दुहओ णिसीहियाए सोलस २ सालभंजियापरिवाडीओ
पं०, ताओ पं सालभंजियाओ लीलट्ठियाओ सुपट्ठियाओ सुअलंकियाओ णाणाविहरागवसणाओ णाणामाजपिणशाओ मुट्ठिगिजझसुमझाओ आमेलगजमलजुयलवट्टियअम्भुन्नयपीणसयसंठियपीवरपओहराओ रतावंगाओ असियकेसाओ मिउविसयपसत्यलक्खणसंवेलियम्गसिरयाओ ईसिं असोगवरपायवसमुट्ठियाओ वामहत्थम्गहियगासालाओ ईसिं अद्धच्छिकरक्वचिहिएणं लूसमाणीओविय चक्सुडोयणलेसे असमर्थ खेजमाणीओ(विव) पुढवीपरिणामाओ सासयभावमुवगयाओ चन्दाणणाओ चंदविलासिणीओ चंदबसमणिडालाओ
उका(विष उज्जोवेमाणाओविजयणमिरियमरदिपंततेयअहिययरसषिकासाओ सिंगारागारचारवेसाओ पासा० दरसि०(अभि० पडि.)चिट्ठति ।२८। तेर्सि | णं वाराणं उमओ पासे दुहओ णिसीहियाए सोलस २ जालकडगपरिवाडीओ पं०, ते णं जालकढगा सवस्यणामया अच्छा जाव पडिरूवा, तेसिं णं दाराणं उभओ पासे दुहओ निसीहियाए सोलस २ घंटापरिवाडीजओ पं०, तासिं गं घंटाणं इमेयारू वसावासे पं० २०-जंबूणयामईओ घंटाओ वयरामयाओ लालाओ णाणामणिमया घंटापासा तवणिजमइयाओ संखलाओ स्ययामयाजो रजतो, ताओणं घंटाओ ओहस्सराओ मेहस्सराओ सीहस्सराओ वंदहिस्सराओ कंचस्सराओ णंदिस्सराओ णदिघोसाओ मंजस्सराओ मंजघोसाओ सुस्सराओ सुस्सरणिग्घोसाओ उरालेणं मणुशेणं मणहरेणं कममणनिव्वुइकरेणं सहेणं ते पदेसे सबओ समंता आपूरेमाणीओ जाव चिट्ठति, तेसिं णं दाराणं उभओ पासे दुहजो णिसीहियाए सोलस वणमालापरिवाडीओ पं०, ताओ णं वणमालाओ गाणामणिमयदुमलयकिसलयपलवसमाउलाको छप्पयपरिभुज्जमाणा सोहंतसस्सिरीयाओ पासाईयाओ०, तेर्सि णं दाराणं उमओ पासे दुहओ णिसीहियाए सोलस पगंठगा पं०, तेणं पगंठमा अड्ढाइजाई जोयणसयाई आयामविक्खंभेणं पणवीसं जोयणसय बाह्ल्डेणं सववयरामया अच्छा जाव पडिरूवा, तेसिं णं पगंठगाणं उवरि पत्तेयं पासायचडेंसगा पं०, ते णं पासायवडेंसगा अड्ढाइजाई जोयणसयाई उड्ढंउच्चत्तेणं पणवीसं जोयणसयं विक्खंभेणं अम्भुग्णयमूसिअपहसियाइव विवि. हमणिरयणभत्तिचित्ता वाउचुयविजयवेजयंतपडागच्छत्ताइच्छत्तकलिया तुंगा गगणतलमणुलिहंतसिहरा जालंतररयणपंजरुम्मिलियच्च मणिकणगथूमियागा वियसियसयवत्तपोंडरीया तिलगरयणदचंदचित्ता णाणामणिदामालंकिया अंतो बहिं च सण्हा तवणिजवालुयापत्थडा सुहफासा सस्सिरीयरूवा पासादीया दरिसणिज्जा जाव दामा उवरिं पर्गठाणं झया छत्ताइच्छत्ता, तेसिं णं दाराणं उभओ पासे सोलस २ तोरणा पं० णाणामणिमया णाणामणिमएसु खंभेसु उवणिविट्ठससिविट्ठा जाव पउमहत्थगा, तेसिं गं तोरणाणं पुरओ दो दो सालभं. जियाओ पं० जहा हेडा तहेव, तेसिं णं तोरणाणं पुरओ दो दो नागदंता पं० जहा हेट्ठा जाव दामा, तेसिं गं तोरणाणं पुरओ दो दो हयसंघाडा गयसंघाडा नरसंघाडा किन्नरसंघाडा किंपुरिससंघाडा महोरगसंघाडा गंधवसंघाडा उसमसंघाडा सधरयणामया अच्छा जाच पडिरूवा, एवं बीहीओ पंतीओ मिहुणाई, तेसिं गं तोरणाणं पुरओ दो दो पउमलयाओ जाव सामलयाओ णिचं कुसुमियाओ सबरयणामया अच्छा जाय पडिरूवाओ, तेसिं णं तोरणाणं पुरओ दो दो अक्खय(दिसा)सोवस्थिया पं० सवरयणामया अच्छा जाव पडिरूवा, तेसिं गं तोरणाणं पुरओ दो दो चंदणकलसा पं०, तेणं चंदणकलसा वरकमलपाड्डाणा तहेव, तेसिं णं तोरणाणं पुरतो दो दो भिंगारा पं०,ते णं भिंगारा परकमलपइट्ठाणा जाव महया मत्तगयमुहाकितिसमाणा पं० समणाउसो!, तेसिं णं तोरणाणं पुरओ दो दो आयंसा पं०,लेसिणं आयंसाणं इमेयारूचे बचावासे पं० २०. तवणिजमया पगंठगा वेरुलियमया सुस्या बहरामया दोवारंगा णाणामणिमया मंडला अणुग्धसितनिम्मलाते छायाते समणुबद्धा चंदमंडलपडिणिकासा महया अद्धकायसमाणा पं० समणाउसो !, तेसिं णं तोरणाणं पुरजो दो दो वइस्नाभधाला पं० अच्छतिच्छडियसालितंबुलणहसंविद्वपडिपुन्नाइव चिट्ठति सबजंबूणयमया जाव पडिरूवा महया २ रहचकवालसमाणा पं० समणाउसो!, तेसिं णं तोरणाणं पुरओ पातीओ.ताओ णं पाईओ अच्छोदगपरिहत्याओ णाणामणिपंचवमस्स फलहरियगस्स बहुपडिपुत्राओविध चिटुंति सबरयणामईओ अच्छा जाच पडिरूबाओ महया गोकलिंजरचकसमाणीओ पं० समणाउसो!, तेसिं थे तोरणाणं पुरओ दो दो सुपइट्ठा पं०णाणाविहभंडविरहयाइव चिट्ठति सारयणामया अच्छा जाच पडिरूवा, तेसिं णं तोरणाणं पुरओ दो दो मणोगुलियाओ पं०, तासु णं मणगुलियासु बहवे सुवन्नरूपमया फलगा पं०, तेसु णं सुवन्नरूप्पमएसु फलगेसु बहवे वयरामया नागदंतया पं०, तेसु णं वयरामएसु (१४५) ५८० राजपक्षीय सुरिसभनय
मुनि दीपरत्नसागर
| SR No. | 003913 |
| Book Title | Aagam Manjusha 13 Uvangsuttam Mool 02 Rayppaseniy |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 33 |
| Language | Prakrit |
| Classification | Book_Devnagari, Agam, Canon, & agam_rajprashniya |
| File Size | 22 MB |