Page Text
________________
वगुराकूडळे लिहत्या (दीविया पा० ) हरिएसा साउनिया य वीदंसगपासहत्था वणचरगा लुद्धयमदुघातपोतघाया एणीयारा पएणियारा सरदहदीहि अतलागपाडलपरिगालणमलणसोतबंधणसलिलसपसोसगा विसगरस्स य दायगा उत्तणवहरदवग्गिणिहयपलीवका कूरकम्मकारी इमे य बहवे मिलक्खुजाती, के ते१, सकजवणसवर बच्चरगायमुरुडोद भडगतित्तियपकणियकुलक्खगोडसीहलपारसकचंधदविलबिलपुलिंद अरोस डोंब पोकणगंधहारगवहलीय जहरोममासबउसमलया चुंचुया य चूलिया कोंकणगा मेतपण्हवमालवमहुर (प्र० मग्घर ) आभासिया अणकचीणल्हासियखसखासिया नेदुरमरहट्ठमुट्ठिअआरबडोबिलगकुणकेकयहूणरोमगरु (प्र० भ) स्मरुगा चिलायविसयवासी य पावमतिणो जलयस्थलयरसणष्फतोरगखहसंडास तोंडजीवोवघायजीवी सण्णी य असण्णिणो य पजत्ता असुभलेस्सपरिणामा एते अण्णे य एवमादी करेंति पाणातिवायकरणं पावा पावाभिगमा पावरुद्धं पाणवहकयरतीया पाणवहरूवाणुट्टाणा पाणवहकहासु अभिरमंता तुट्ठा पावं करेत्तु होंति य बहुष्पगार, तस्स य पावस्स फलविवागं अयाणमाणा वति महन्भयं अविस्सामवेयणं दीहकालबहुदुक्खसंकई नरयतिरिक्खजोणिं, इओ आउक्खए चुया असुभकम्मबहुला उववजंति नरएस हुलितं महालएसु वयरामयकुड्डरुद निस्संधिदार विरहिय निम्मदवभूमितलखरामरिसविसमणिस्यपरचारएसुं महोसिणसयावतत्तदुग्गंध विस्सउब्वेय जणगेसु बीभच्छदरिसणिज्जेसु निचं हिमपडलसीयले कालोभासेसु य भीमगंभीरलोमहरिसणेसु णिरभिरामेसु निप्पडियारवा हिरोगजरापी लिए अतीव निबंधकारतमिस्सेसु पतिभएस ववगयगहचंदसूरणकखत्तजोइसेस मेयवसामंसपडलपोचडपूयरुहि रुकिण्णविलीणचिकणरसिया वावण्ण कुहियचिक्खाडकहमेसु कुकूलानलपलित्तजालमुम्मुर असिक्खुर करवत्तधारासु निसितविच्छुयडंकनिवातोत्रम्म फरिस अतिदुस्सहेसु य अत्ताणासरणकडूयदुक्खपरितावणेसु अणुबद्धनिरंतरवेयणेसु जमपुरिससंकुलेख, तत्थ य अन्तोमुहुत्तलद्धिभवपचएणं निवर्त्तेति उ ते सरीरं हुई बीभच्छदरिसणिज्जं बीहणगं अडिण्हारुणहरोमवज्जियं असुभगंधदुक्स्यविसहं, ततो य पज्जत्तिमुवगया इंदि एहिं पंचहिं वेदेति असुभाए वेयणाए उज्जलबलविउल (प्र० तिउल) उक्कडखरफरूसपयंडघोरवी हणगदारुणाए, किं ते?, कंदुमहाकुंभियपयण पउलणतवगतलणभडभजणाणि य लोहकडाहुकढणाणि य कोट्टबलिकरणकोट्टणाणि य सामलितिक्खग्गलो हकंटक अभिसरणपसारणाणि फाळणविदालणाणि य अवकोडकबंधणाणि लडिसयतालणाणि य गलगलाबजाणि सूलग्गभयणाणि य आएसपर्वचणाणि खिसणचिमाणणाणि विघुट्टपणिज्जणाणि वज्झसयमातिकाति य एवं ते पुढकम्मकयसंचयोक्तत्ता निरयग्गिमहग्गिसंपलिता गाढदुक्खं महम्भयं ककसं असायं सारीरं मानसं च तिष्यं दुद्विसहं वेदेति वेयणं पावकम्मकारी बहूणि पलिओक्मसागरोत्रमाणि कलणं पालेन्ति ते अहाउयं जमकातियतासिता य सदं करेंति भीया, किं तं ?, अवि भायसामिमायवप्पताय जितवं मुय में मरामि दुब्बलो वाहिपीलिओऽहं किं दाणि सि ? एवं दारुणो विद्दय! मा देहि मे पहारे उस्सासेवं मुहुत्तयं मे देहि पसायं करेहि मा रुस वीसमामि गेविज्जं मुग्रह में मरामि, गाढं तहातिओ अहं देह पाणीयं हंता पिय इमं जलं विमलं सीयलंति घेत्तूण य नरयपाला तवियं तयं से देति कलसेण अंजलीस दट्टूण य तं पवेवियंगोवंगा अंसुपगलंतपप्पुयच्छा छिण्णा तन्हाइयम्ह कलणाणि जंपमाणा विप्पेक्खन्ता दिसोदिसिं अत्ताणा असरणा अणाहा अबंधवा बंधुविप्पहूणा विपलायति य मिगा इव वेगेण भयुविग्गा, घेत्तूण वला पलायमाणाणं निरणुकंपा मुहं विहाडेत्तुं लोहडंडेहिं कलकलं हं वयांसि छुभंति केई जमकाइया पासंता, तेण दड्ढा संतो रसंति य भीमाई विस्सराई रुवंतिय कलुगाई पारेवतगाव, एवं पलवितविलावकलणाकंदिय बहुरुन्नरुदियसको परिदेवितरुद्धबुद्धयनारकारवसंकुलो णीसट्टो रसियभणियकुविउकूइयनिरयपाललज्जिय गेष्हकम पहर छिंद भिंद उप्पाडेहुक्खणाहि कत्ताहि विकत्ताहि य भुजो हण विहण विच्छुभोच्छुन् आकड्ढ विकट, किं ण जंपसि ? सराहि पावकम्माई दुक्कयाई एवं वयणमहापगन्भो पडिसुयासहसंकुलो तासओ सया निरयगोयराण महाणगरडज्झमाणसरिसो निग्घोसो मुषए अणिट्टो तहियं नेरइयाणं जाइजंताणं जायणाहिं, किं ते?, असिवणदन्भवणजंतपत्थरमुइतलक्खास्वाविकलकलन्तवेयरणिकलंबवालुयाजलियगृहनिरंभणउसिणोसिणकंट इदुग्गम रहजोयणतत्तलोहमग्गगमणवाहणाणि इमेहिं विविहेहिं आयुहेहिं किं ते?, मोग्गरमुसुंढिकरकयसत्तिहलगयमुसलचक कोंततोमरसूललउलभिडिमालसद्द (द) लपट्टिसचम्मेदृदुहणमुट्टियअसिखेडगखग्गचावनारायकणककप्पणिवासिपर सुटंक तिक्खनिम्मल अण्णेहि य एवमादिएहिं असुमेहिं वेउब्जिएहिं पहरणसतेहिं अणुबद्धतिङ्घवेरा परोप्परवेयणं उदीरंति अभिहणंता, तत्थ य मोग्गरपहारचुष्णियमुसुंढिसंभग्गमहितदेहा जंतोवपीलणफुरंतकप्पिया केइत्थ सचम्मका विगत्ता णिम्मूलकण्णो णासिका छिष्णहत्थपादा असिकरकयतिक्खकतपरसुप्पहारफालियवासीसंतच्छितंगमंगा कलकलमाणखारपरिसित्तगाढडज्झतगत्तकुंतग्गभिण्णजजरियसङ्घदेहा विलोलति महीतले विसृणियंगमंगा (निग्गयंगजीवा पा० ) तत्थ य विगसुणगसियालकाकमज्जारसरभदीवियवियग्घवगसद्दूलसीहदप्पियसुहाभिभूतेहिं णिञ्चकालमणसिएहिं घोरा रसमाणभीमरूवेहिं अकमित्ता दढदाढागाढडककढियमुतिक्खनहफालियउद्धदेहा विच्छिष्पंते समंतओ विमुकसंधिबंधणा वियंगमंगा कंककुररगिद्धघोरकट्टवायसगणेहि य पुणो ५१९ प्रश्नव्याकरणांगं, अस्यणे- १
मुनि दीपरत्नसागर
| SR No. | 003910 |
| Book Title | Aagam Manjusha 10 Angsuttam Mool 10 Panhavagaranam |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 22 |
| Language | Prakrit |
| Classification | Book_Devnagari, Agam, Canon, & agam_prashnavyakaran |
| File Size | 15 MB |