Page Text
________________
हाभिभूयसा मेहुणमूलं च सुइए तत्य २ वत्तपुद्दा संगामा जणक्खयकरा सीयाए दोबईए कए रुपिणीए पउमावईए ताराए कंचणाए रत्तसुभद्दाए अहिलियाए सुवनगुलियाए किजरीए सुरुबविजुमतीए रोहिणीए य असु य एवमादिएस बहवो महिलाकएस सुशंति अइकंता संगामा गामधम्ममूला इहलोए ताव नहा परलोएवि य णट्टा महया मोहतिमि संधकारे घोरे तसथावरसुदुमबादरेसु पज्जत्तमपज्जत्तसाहारणसरीरपत्तेयसरीरेषु य अंडजपोतजजराउयरसजससे मसंमुच्छिम उच्भियउववादिएस य नरगतिरियदेवमाणुसेस जरामरणरोगसोगले पलिओमसागरोवमाई अणादीयं अणवदग्गं दीहमदं चाउरंतसंसारकंतारं अणुपरियइति जीवा मोहवससंनिविट्ठा, एसो सो अचंभस्स फलविवागो इहलोइओ पारलोइओ य अप्पसुहो बहुदुक्खो महम्भओ बहुरयप्पगाढो दारुणी ककसी असाओ वाससहस्सेहिं मुच्चती, न य अवेदइत्ता अस्थि हु मोक्खोति एवमाहंसु, नायकुलनंदणो महप्पा जिणो उ वीरवरनामजो कहेसी य अचंभस्स फलविवागं एयं तं अर्थमंपि चउत्यं सदेवमणुयासुरस्त लोगस्स पत्थणिजं एवं चिरपरिचियमणुगयं दुरंतं चउत्थं अधम्मदारं समतिषेमि ॥ १६ ॥ दारं ४ ॥ जंबू ! इत्तो परिग्गहो पंचमो उ नियमा णाणामणिकणगरयण महरिहपरिमलसपुत्तदारपरिजणदासीदासभयगपेसहयगयगोमहिस उट्टखर अय गवेलगसीयासगडरह जाण जुगसंदणसयणासणवाहणकुचियधणधन्नपाणभोयणाच्छायणगंधमल भायणभवणविहिं चैव बहुविहीयं भरहं णगणगरणियमजणवयपुरवरदोणमुहखेडकम्वडमवसंवाहपट्टणसहस्स परिमंडियं थिमियमेहणीयं एगच्छत्तं ससागरं भुंजिऊण वसुहं अपरिमियमणंततन्ह मणुगयमहिच्छसारनिरयमूलो लोभकलिकसायमहखंधी चिंतासयनिचियविपुलसालो गारवपविरयिग्गविडवो नियडितयापत्तपलबधरो पुप्फफलं जस्स कामभोगा आयासविस्ररणाकलह पकंपियग्गसिह नरवतिसंपूजितो बहुजणस्स हिययदइओ इमस्स मोक्यवरमोनिमग्गस्स फलिभूओ चरिमं अहम्मदारं । १७। तस्स य नामाणि इमाणि गोण्णाणि हाँति तीसं तं० परिग्गहो संचयो चयो उपचओ निहाणं संभारो संकरी आयरो पिंडो दवसारो १० तहा महिच्छा पडिबंधी लोहप्पा मह (प्र० परिवआ ) इ ( दी पा०) उवकरणं संरक्खणा य भारो संपाउप्पायको कलिकरंडो पवित्थरो २० अणत्थो संथवो अगुत्ती आयासो अवियोगो अमुत्ती तन्हा अणत्यको आसत्ती असंतोसोत्तिविय ३०, तस्स एयाणि एवमादीणि नामभेजाणि हाँति तीसं । १८। तं च पुण परिग्गहं ममायंति लोभघत्था भवणवरविमाणवासिणो परिग्गहस्ती परिग्गहे विधिहकरणबुद्धी देवनिकाया य असुरभुयगगरुलसुवण्णविज्जुजलणदीव उदहिदिसिपवणथणिय अणवंनियपण वंनियइसिवातियभूतवाइयकंदियमहाकंदियकुडपतंगदेवा पिसाय भूयजक्खरक्वसकिंनरकिंपुरिसमहोरगगंधवा य तिरियवासी पंचविहा जोइसिया य देवा बहस्सतीचंदसूरसुक्कसनिच्छरा राहुधूमके उबुधा य अंगारका य तत्ततवणिजकणयवण्णा जे य गहा जोइसम्मि चारं चरंति केऊ य गतिरतीया अट्ठावीसतिविहा य नक्खत्तदेवगणा नाणासंठाणसंठियाओ य तारगाओ ठियलेस्सा चारिणो य अविस्साममंडलगती उपरिचरा उढलोगवासी दुविहा वैमाणिया य देवा सोहम्मीसाणसणकुमारमाहिंदबंभलोगलंतगमहासुकसहस्सारआणयपाणयआरणअबुया कप्पवरविमाणवासिणो सुरगणा गेवेजा अणुत्तरा दुविहा कप्पातीया विमाणवासी महिढिका उत्तमा सुरखरा एवं च ते चउविहा सपरिसावि देवा ममायंति भवणवाणजाणविमाणसयणासणाणि य नाणाविवत्थभूसणा पत्ररपहरणाणि य नाणामणिपंचवनदियं च भायणविहिं नाणाविहकामरुवे वेचित अच्छरगणसंघाते दीवसमुद्दे दिसाओ विदिसाओ चेतियाणि वणसंडे पड़ते य गामनगराणि य आरामुजाणकाणणाणि य कूवसरतलागवाविदीहियदेवकुलसभप्पवावसहिमाइयाई बहुकाई कित्तणाणि य परिगेष्टित्ता परिग्गहं विपुलदवसारं देवावि सइंदगा न तित्तिं न तुहिं उबलभति अच्चतविपुललोभाभिभूतसत्ता वासहरइक्खुगारवट्टपश्य कुंडलरुचगवरमाणुसोत्तरकालोदधिलवणसलिलदहपतिरतिकर अंजणकसेल हिमुहऽवपातुप्पायकंचणकचित्तविचिनजमकवरसिहरकूडवासी वक्खारअकम्मभूमिसु सुविभत्तभागदेसासु कम्मभूमिसु, जेऽवि य नरा चाउरंतचकबट्टी वासुदेवा चलदेवा मंडलीया इस्सरा तलवरा सेणावती इन्भा सेट्टी रडिया पुरोहिया कुमारा दंडणायगा माडंचिया मत्थवाहा कोचिया अमचा एए अने य एवमाती परिग्गहं संचिणंति अनंतं असरणं दुरंतं अधुवमणिचं असासयं पावकम्म नेम्मं अवकिरियां विणासमूलं वह बंधपरिकिलेस बहुलं अनंतसकिलेसकारणं, ते तं धणकणगरयणनिचयं पिंडिंता वेष लोभघत्था संसारं अतिवयंति सङ्घदुक्ख (प्र० भय) संनिलयणं, परिग्गहस्सेव य अट्टाए सिप्पसयं सिक्खए बहुजणी कलाओ य बावर्त्तारं सुनिपुणाओ लेहाइयाओ सउणरुयावसाणाओ गणियप्पहाणाओ चउसद्धिं च महिलागुणे रविजणणे सिप्पसेवं असिम सिकिसिचाणि ववहारं अत्थइत्थच्छरूप्पवायं विविहाओ य जोगजुंजणाओ अनेस एवमादिएस बहूस कारणसएस जावज्जीवं नडिजए संचिणंति मंदबुद्धी, परिग्गहस्सेव य अट्टाए करंति पाणाण वहकरणं अलियनियडिसाइपओगे परदवअभिजा सपरदारअभिगमणासेवणाए आयासविसूरणं कलह भंडणवेराणि य अवमाणणविमाणणाओ इच्छामहिच्छप्पिवाससतततिसिया तहगेहिलोभपत्या अत्ताणा अणिग्गहिया करेंति कोहमाणमायालोभे अकित्तणिज्जे परिग्गहे चेव होंति नियमा सला दंडा य गारवा य कसाया सन्ना य कामगुणअण्वगा इंदियलेसाओ सयणसंपओगा सचित्ताचित्तमीसगाई दवाई अनंतकाई इच्छंति परिपेत्तुं सदेवमणुयासुरम्मि लोए लोभपरिम्गहो जिणवरेहिं भणिओ नत्थि एरिसो पासो पडिबंधो अत्थि सङ्घ (१३२) ५२८ प्रश्नव्याकरणांगं, अक्सयणं
मुनि दीपरत्नसागर
| SR No. | 003910 |
| Book Title | Aagam Manjusha 10 Angsuttam Mool 10 Panhavagaranam |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 22 |
| Language | Prakrit |
| Classification | Book_Devnagari, Agam, Canon, & agam_prashnavyakaran |
| File Size | 15 MB |