Page Text
________________
य जाव वागरणेहि य जहिं जहिं गिण्हइ तहिं तहिं निप्पद्रुपसिणवागरणं करेइ से तेणट्टेणं सदालपुत्ता ! एवं बुच्चइ-नो खलु पभू अहं तव धम्मायरिएणं जाव महावीरेणं सदि विवाद करेनए, तए णं से सहालपुत्ने समणोक्सए गोसालं मकलिपुत्तं एवं व० जम्हा णं देवाणुप्पिया ! तुम्भं मम धम्मायरियस्स जाव महावीरस्स सन्तेहिं तचेहि तहिएहिं सम्भूएहिं भावेहिं गुणकित्तणं करेह तम्हा णं अहं तुम्भे पाढिहारिएणं पीढजावसंथारएणं उवनिमन्तेमि नो चेव णं धम्मोत्ति वा तवोत्ति वा तं गच्छह णं तुम्मे मम कुम्भारावणेसु पाडिहारियं पीढफलग जाव ओगिहिताणं विहरह, तए णं से गोसाले मालिपुत्ते सदालपुत्तस्स समणोवासयस्स एयमढे पडिसुणेइ त्ता कुम्भारावणेसु पाडिहारियं पीढ जाव ओगिण्हिताणं विहरइ, तए ण से गोसाले मङ्खलिपुत्ने सदारपुत्तं समणोवासयं जाहे नो संचाएइ बहूहिं आघवणाहि य पण्णवणाहि य सण्णवणाहि य विण्णवणाहि य निग्गन्थाओ पावयणाओ चालित्तए वा खोभिनए वा विपरिणामिनए वा ताहे सन्ते तन्ते परितन्ते पोलासपुराओ नगराओ पडिणिक्खमइत्ता बहिया जणवयविहारं विहरइ । ४४। तए णं तस्स सदालपुत्तस्स समणोवास - यम्स बहहिं सील जाव भावेमाणस्स चोइस संवच्छरा वइकन्ता पणरसमस्स संवच्छरस्स अन्तरा वट्टमाणस्स पुवरत्तावरत्तकाले जाव पोसहसालाए समणस्स भगवओ महावीरस्स अन्तियं धम्मपण्णनि उवसम्पजित्ताणं विहरह, तए णं तस्स सहालपुत्तस्स समणोवासयस्स पुश्वरत्वावरत्तकाले एगे देवे अन्तियं पाउन्भवित्था, तए णं से देवे एगं महं नीलप्पल जाव असि गहाय सदालपुन समणोवासयं एवं 4०-जहा चुत्तुणीपियस्स तहेव देवो उक्सग्गं करेइ नवरं एकेके पुत्ते नद मंससोलए करेइ जाव कणीयसं घाएइ त्ता जाव आयाइ, तए णं से सद्दालपुत्ते समणोवासए अभीए जाव विहरद, तए णं से देवे सदालपुत्तं समणोवासयं अभीयं जाव पासित्ता चउत्थंपि सद्दालपुत्तं समणोवासयं एवं ब०-हंभो सहालपुत्ता समणोवासया ! अपस्थियपत्थया जाव न भञ्जसि तओ ते जा इमा अग्गिमित्ता भारिया धम्मसहाइया धम्मबिइन्जिया धम्माणुरागरत्ता समसुहदुक्खसहाइया तं ते साओ गिहाओ नीणेमि ना तव अग्गओ घाएमिता नव मंससोलए करेमि त्ता आदाणभरियसि कडायंसि अहहेमि त्ता तब गायं मंसेण य सोणिएण य आयञ्जामि जहाणं तुम अदुहह जाव ववरोविजसि, तए णं से सद्दालपुत्ते समणोवासए तेणं देवेणं एवं कुत्ते समाणे अभीए जाब विहरइ, तए णं से देवे सदालपुत्तं समणोवासयं दोचंपि तपि एवं ब०-हंभो सदालपुत्ता समणोवासया ! तं चेव भणड, तए णं तस्स सदालपुत्तस्स समणोवासयस्स तेणं देवेणं दोपि तचंपि एवं बुत्तस्स समाणस्स अयं अज्झस्थिए. समुष्पन्ने, एवं जहा चुलणीपिया तहेव चिन्तेइ, जेणं ममं जेटुं पुत्तं० जेणं मम मज्झिमयं पुतं जेणं ममं कणीयसं पुत्तं जाव आयाइ जाविय णं ममं इमा अम्गिमित्ता भारिया समसुहदुक्खसहाइया तंपिय इच्छह साओ गिहाओ नीणेता ममं अग्गओ पाएत्तए त सेयं खलु ममं एवं पुरिसं गिव्हित्तएत्तिकटु उद्घाइए जहा चुलणीपिया तहेव सर्व भाणिया, नवरं अग्गिमित्ता भारिया कोलाहलं सुणित्ता भणइ-सेसं जहा चुडणीपियावत्तवया नवरं अरुणभू(च)ए विमाणे उववन्ने जाच महाविदेहे वासे सिज्झिहिइ०,निक्खेवो।४ा सहालपुत्तज्झयणं ७॥अट्ठमस्स उक्खेवओ, एवं खलु जम्बू ! तेणं कालेणं. रायगिहे नयरे, गुणसीले चेहए सेणिए राया, तत्थ णं रायगिहे महासयए नाम गाहावई परिवसइ अड्ढे जहा आणन्दो नवरं अट्ठ हिरण्णकोडीओ सकंसाओ निहाणपउत्ताओ अट्ठ हिरण्णकोडीओ सकंसाओ बुढिपउत्ताओ अट्ठ हिरण्णकोडीओ सकंसाओ पवित्थरपउत्ताओ अट्ठ वया दसगोसाहस्सिएणं वएणं, तस्स णं महासयगस्स रेवईपामोक्खाओ तेरस भारियाओ होत्था अहीण जाव सुरूवाओ, तस्स णं महासयगस्स रेवईए भारियाए कोलघरियाओ अट्ठ हिरणकोडीओ अट्ठ क्या दसगोसाहस्सिएणं वएणं होत्या, अवसेसाणं दुवालसण्हं भारियाणं कोलपरिया एगमेगा हिरण्णकोडी एगमेगे य वए दसगोसाहस्सिएणं वएणं होत्या ।४६। तेणं कालेणं० सामी समोसढे परिसा निग्गया जहा आणन्दो नहा निरगच्छइ तहेव सावयधम्म पडिवजइ नवरं अट्ठ हिरण्णकोडीओ सकसाओ उच्चारेइ अट्ट क्या. रेवईपामोक्खाहिं तेरसहिं भारियाहिं अवसेस मेहुणविहिं पचक्खाइ, सेसं सत्र नहेव, इमं च णं एयारूवं अभिग्गहं अभिगिण्हइ-करडाकडिं कप्पड़ मे बेदोणियाए कंसपाईए हिरण्णभरियाए संववहरित्तए, तए णं से महासयए समणोचासए जाए अभिगयजीवाजीचे जाव विहर, तए णं समणे भगवं महावीरे बहिया जणवयविहारं विहरह।४७। तए णं तीसे रेवईए गाहावइणीए अन्नया कयाई पुत्ररत्तावरत्तकालसमयंसि कुडम्ब जाव इमेयारूबे अज्झथिए-एवं खलु अहं इमासि दुवालसण्हं सवत्तीणं विधाएणं नो संचाएमि महासयएणं समणोवासएणं सदि उरालाई माणुस्सयाई भोगभोगाई भुञ्जमाणी विहरित्तए तं सेयं खलु ममं एयाओ दुवालसवि सवत्तियाओ अग्गिप्पओगेण वा सस्थपओगेण वा विसप्पओगेण वा जीवियाओ बवरोवित्ता एयासि एगमेगं हिरण्णकोडिं एगमेगं वयं च सयमेव उवसम्पजिनाणं महासयएणं समणोवासएणं सदि उसलाई जाव विहरित्तए.एवं सम्पेहेइ त्ता तासि दुवालसण्हं सवत्तीणं अन्तराणि य छिदाणि य विवराणि (विरहाणि प्र०)य पडिजागरमाणी विहरइ, तए णं सा रेवई गाहावइणी अन्नया कयाई तासिं दुवालसण्हं सवत्तीणं अन्तरं जाणित्ता छ सवत्तीओ सत्यपोगेणं उहवेइ त्ता छ सवत्तीओ विसप्पओगेणं उदवेइ त्ता तासिं दुवालसण्हं सवत्तीणं ४९९ उपासकदशांग, fuur-C
मुनि दीपरनसागर
| SR No. | 003907 |
| Book Title | Aagam Manjusha 07 Angsuttam Mool 07 Uvasagdasa |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 19 |
| Language | Prakrit |
| Classification | Book_Devnagari, Agam, Canon, & agam_upasakdasha |
| File Size | 12 MB |