Page Text
________________
अप्पवसा, जया णं अई मुंडे भवित्ता पाइया तयाणं अहं परवसा, पुष्विं च णं मम समणीओ आढायंति इयाणि नो आदति तं सेयं खल मम कलं पाउ० गोवालियाणं अंतियाओ पडि. निक्वमित्ता पाडिएक उबस्सगं उवसंपजित्ताणं विहरित्तएत्तिकदु एवं संपेहेति त्ता कलं पा० गोवालियाणं अजाणं अंतियाओ पडिनिक्खमति त्ता पाडिएक उवस्सगं उपसंपज्जित्ताणं विहरति, तते णं सा समालिया अजा अणोहडिया अनिवारिया सच्छंदमई अभिक्खणं २ हत्थे धोवेइ जाव चेएति तत्वविय णं पासत्या पासत्वविहारी ओसण्णा ओसण्णविहारी कुसीला० संसत्ता बहणि वासाणि सामण्णपरियागं पाउणति अद्धमासियाए संलेहणाए तस्स ठाणस्स अणालोइयअपडिकंता कालमासे कालं किच्चा ईसाणे कप्पे अण्णयरंसि विमाणंसि देवगणियत्ताए उववण्णा, तत्यंगतियाणं देवीणं नव पलिओबमाइं ठिती पण्णता, तत्थ णं सूमालियाए देवीए नव पलिओवमाइं ठिती पन्नत्ता ।१२१। तेणं कालेणं. इहेब जंबु. हीवे दीवे भारहे बासे पंचालेसु जणवएसु कंपितपुरे नाम नगरे होत्था वन्नओ, तत्थ णं दुवए नामं राया होत्था वनओ, तस्स णं चालणी देवी धट्ठजणे कुमारे जुवराया, तएणं सा सूमालिया देवी ताओ देवलोयाओ आउक्खएणं जाव चइत्ता इहेव जंबुद्दीवे. भारहे वासे पंचालेसु जणवएसु कपिालपुरे नयरे दुपयस्स रण्णो चुलणीए देवीए कृच्छिसि दारियत्ताए पञ्चायाया, तते णं सा चुडणी देवी नवण्हं मांसाणं जाव दारियं पयाया, तते णं तीसे दारियाए निश्वत्तवारसाहियाए इमं एयारूबं० नाम० जम्हा णं एस दारिया दुवयस्स रण्णो घया चुडणीए देवीए अत्तिया तं होउ णं अम्हं इमीसे दारियाए नामधिजे दोबई, तए णं तीसे अम्मापियरो इमं एयारूवं गुण्णं गुणनिष्फलं नामधेनं करिति दोवती, तते गं सा दोबई दारिया पंचधाइपरिग्गहीया जाव गिरिकंदरमाडीणा इव चंपगलया निवायनिवाघायंसि सुहसुहेणं परिवड्ढइ, तते णं सा दोबई रायवरकमा उम्मुकचालभावा जाव उकिदुसरीरा जाया याचि होत्या, तते णं तं दोवर्ति रायवरकन अण्णया कयाई अंतेउरियाओ व्हायं जाव विभूसियं करेंति ना दुवयस्स रण्णो पायबंदिउं पेसंति, तते णं सा दोवती राय. जेणेव दुबए राया तेणेव उवागच्छइत्ता दुवयस्स रण्णो पायग्गहणं करेति, तए णं से दुवए राया दोवतिं दारियं अंके निवेसेइ त्ता दोबईए रायवरकमाए रूवेण य जोधणेण य लावणेण य जायविम्हए | दोवई रायवरकन्नं एवं क०- जस्स णं अहं पुत्ता ! रायस्स वा जुवरायस्स वा मारियत्ताए सयमेव दलइस्सामि तत्व णं तुमं सुहिया वा दुक्खिया वा भविजासि तते णं ममं जावजीवाए हिययडाहे भविस्सइ तं णं अहं तव पुत्ता ! अज्जयाए सयंवर विरयामि, अज्जयाए णं तुमं दिण्णसयंवरा, जण्णं तुम सयमेव रायं वा जुवरायं वा वरेहिसि से णं तव भत्तारे भविस्सइत्तिकदु वाहिं इट्टाहिं जाव आसासेइ त्ता पडिविसज्जेइ । १२२। तते णं से दुवए राया दूयं सदावेति त्ता एवं व०-गच्छह णं तुम देवा ! चारवई नगरि तत्थ णं तुमं कण्हं वासुदेवं समुद्दविजयपामोक्खे दस दसारे बलदेवपामुक्खे पंच महावीरे उग्गसेणपामोक्खे सोलस रायसहस्से पजुण्णपामुक्खाओ अधुढाओ कुमारकोडीओ संचपामोक्खाओ सट्ठी दुहंतसाहस्सीओ वीरसेणपामुक्खाओ इकवीसं वीरपुरिससाहस्सीओ महसेणपामोक्खाओ छप्पन्नं बलवगसाहस्सीओ अन्ने य बहवे राईसरतलबरमाडंपियकोडूंचियइन्भसिट्टिसेणावइसत्थवाहपभिइओ करयलपरिगहियं दसनहं सिरसावतं मत्थए अंजलिं कट जएणं विजएणं वदावेहि ता एवं वयाहि-एवं खल देवाणुप्पिया ! कंपिालपुरे नयरे दुपयस्स रणों धूयाए चालणीए देवीए अत्तयाए धट्ठज्जुणकुमारस्स भगिणीए दोवईए रायवरकण्णाए सयंवरे भविस्सइ त णं तुम्भे देवा! दुवयं रायं अणुगिण्हेमाणा अकालपरिहीणं चेव कंपिाडपुरे नयरे समोसरह, तए णं से दूए करयल जाव कटु दुवयस्स रण्णो एयमढें पडिसुणेति त्ता जेणेव सए गिहे तेणेव उवागच्छइत्ता कोडंचियपुरिसे सहावेइ त्ता एवं व-खिप्पामेव भो देवाणुप्पिया! चाउग्घंट आसरह जुत्तामेव उवहवेह जाव उबट्ठति, तए णं से दुए बहाते जाव अलंकार०सरीरे चाउग्घंट आसरहं दुरुइत्ता बहुहिं पुरिसेहिं सनबजावगहियाऽऽउहपहरणेहि सद्धिं संपरिखुडे कंपित्तपुरं नगरं मझमज्झेणं निम्गच्छति त्ता पंचालजणवयस्स मज्झमझेणं जेणेव देसप्पते तेणेव उवागच्छह, सुरट्ठाजणवयस्स मज्झमझेणं जेणेव चारवती नगरी तेणेव उवागच्छदत्ता चारवई नगरि मझमझेणं अणुपविसइ ता जेणेव कण्हस्स वासुदेवस्स बाहिरिया उबट्ठाणसाला तेणेव उवागच्छद ता चाउग्घंट आसरहं ठवेइ ता रहाओ पञ्चोकहति त्ता मणुस्सवग्गुरापरिक्खित्ते पायविहारचारेणं जेणेव कण्हे वासुदेवे तेणेव उवा०त्ता कण्हं वासुदेवं समुहविजयपामुफ्खे य दस दसारे जाव बलवगसाहस्सीओ करयल तं चेव जाव समोसरह, नते णं से कण्हे वासदेवे तस्स यस्स अंतिए एयमई सोचा निसम्म हट्ठ जाव हियए तं दुयं सकारेइ सम्माणेइ त्ता पडिविसजेहतए णं से कण्हे वासुदेवे कोई चियपुरिसं सहावेइ एवं व०-गच्छाहि णं तुम देवाणुप्पिया ! समाए सुहम्माए सामुदाइयं भेरि तालेहि, तए णं से कोहूंचियपुरिसे करयल जाच कण्हस्स वासुदेवस्स एयमहूँ पडिसुणेति त्ता जेणेव सभाए सुहम्माए सामुदाइया भेरी तेणेव उवागच्छदत्ता सामुदाइयं भेरि महया २ सद्देणं तालेब, तए णं ताए सामुदाइयाए भेरीए तालियाए समाणीए समुद्दविजयपामो क्खा दस दसारा जाच महसेणपामुक्खाओ छप्पण्णं बलवगसाहस्सीओ व्हाया जावविभूसिया जहाविभवइड्ढिसकारसमुदएणं अप्पेगइया हयगया जाव पायविहारचारेणं जेणेव १६७ज्ञातधर्मकथांगं, 7-25
मुनि दीपरत्नसागर
| SR No. | 003906 |
| Book Title | Aagam Manjusha 06 Angsuttam Mool 06 Nayadhammkaha |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 85 |
| Language | Prakrit |
| Classification | Book_Devnagari, Agam, Canon, & agam_gyatadharmkatha |
| File Size | 55 MB |