Page Text
________________
भिगंधुणं गायं उबहिंति त्ता उसिणोदगगंधोदएणं सीतोदगेणं व्हार्णेति पम्हलसुकुमारगंधकासाईए गायाइं लूहति त्ता हंसलक्खणं पट्ट (प्र० पडग) साडगं परिहंति ना सवालंकारविभूसियं करेंति त्ता विउलं असणं भोयावेंति त्ता सागरदत्तस्स उवणेन्ति, तए णं सागरदत्ते सूमालियं दारियं व्हायं जाव सवालंकारभूसियं करित्ता तं दमगपुरिसं एवं व० एस णं देवा० मम धूया इट्ठा० एयं णं अहं तव भारियत्ताए दलामि महियाए भद्दतो भविज्जासि, तते गं से दमगपुरिसे सागरदत्तस्स एयमहं पडिसुणेति त्ता सूमालियाए दारियाए सद्धिं वासघरं अणुपविसति सूमालियाए दा० सदिं तलिगंसि निवज्जइ, तते गं से दमगपुरिसे सूमालियाए इमं एयारूवं अंगफासं पडिसंवेदेति, सेसं जहा सागरस्स जाव सयणिजाओ अच्भु (प्र० पच) द्वेति त्ता वासघराओ निम्गच्छति त्ता खंडमलगं खंडघडं च गहाय मारामुक्केविव काए जामेव दिसिं पाउन्भूए तामेव दिसिं पडिगए, तते णं सा सूमालिया जाब गए णं से दमगपुरिसेत्तिकट्टु ओहयमण जाव झियायति । ११८ । तते णं सा भद्दा कलं पाउ० दासचेडिं सदावेति त्ता एवं व्यासी जाव सागरदत्तस्स एयमहं निवेदेति, तते गं से सागरदत्ते तहेब संभंते समाणे जेणेव वासहरे तेणेव उवा० ता सूमालियं दारियं अंके निवेसेति त्ता एवं व० अहो णं तुमं पुत्ता! पुरापोराणाणं जाव पचणुब्भवमाणी विहरसि तं मा णं तुमं पुत्ता ! ओहयमण झियाहि तुमं पुत्ता ! मम महाणसंसि विपुलं असणं जहा पुट्टिला जाव परिभाएमाणी विहराहि, तते णं सा सूमालिया दारिया एयमहं पडिमुणेति ता महाणसंसि विपुलं असणं जाब दवावेमाणी विहरइ । तेणं कालेणं० गोवालियाओ अज्जाओ बहुस्सुयाओ एवं जहेव तेयलिणाए सुइयाओ तहेब समोसड्ढाओ तहेव संघाडओ जाव अणुपविट्टे तहेव जाव सूमालिया पडिलाभत्ता एवं वदासी एवं खलु अज्जाओ ! अहं सागरस्स अणिट्ठा जाव अमणामा नेच्छइ णं सागरए मम नामं वा जाव परिभोगं वा, जस्सरविय णं दिजामि तस्सर विय णं अणिट्ठा जाव अमणामा भवामि, तुम्भे य णं अजाओ! बहुनायाओ एवं जहा पुट्टिला जाब उबलदे जे णं अहं सागरस्स दार: इट्ठा कंता जाव भवेज्जामि, अजाओ! तहेब भांति तहेव साविया जाया तव चिंता तहेव सागरदत्तं सत्थवाहं आपुच्छति जाव गोवालियाणं अंतिए पवइया, तते णं सा सूमालिया अज्जा जाया ईरियासमिया जाव भयारिणी बहूहिं चउत्थछट्टट्ठम जाव विहरति, तते णं सा सूमालिया अज्जा अन्नया कयाई जेणेव गोवालियाओ अजाओ तेणेव उवा० ता वंदति नम॑सति ता एवं व० इच्छामि णं अजाओ! तुम्भेहिं अम्भणुनाया समाणी चंपाओ चाहिँ सुभूमिभागस्स उज्जाणस्स अदूरसामंते छुट्टछद्वेणं अणिक्खित्तेणं तवोकम्मेणं सूराभिमुही आयावेमाणी विहरित्तए, तते णं ताओ गोवालियाओ अजाओ सूमालियं एवं व० अम्हे णं अजे! समणीओ निग्गंधीओ ईरियासमियाओ जाव गुत्तबंभचारिणीओ नो खलु अम्हं कप्पति बहिया गामस्स जाव सण्णिवेसस्स वा छठ्ठे जाव विहत्तिए, कप्पति णं अहं अंतो उवस्सयस्स वतिपरिक्खित्तस्स संघाडिवडियाए णं समतलपतियाए आयावित्तए, तते णं सा सूमालिया गोवालिया एयमहं नो सद्दहति नो पत्तियइ नो रोएति एयम अ० सुभूमिभागस्स उज्जाणस्स अदुरसामंते छछट्टेणं जाव विहरति । ११९ । तत्थ णं चंपाए उठिया नाम गोट्टी परिवसति, नरवइदिण्णवि (प) यारा अम्मापिइनिययनिपिवासा वेसविहारकयनिकेया नाणाविह अविणयप्पहाणा अड्ढा जाव अपरिभूया, तत्थ णं चंपाए देवदत्ता नामं गणिया होत्या सुकुमाला जहा अंडणाए, तते गं तीसे ललियाए गोडीए अन्नया पंच गोट्टिलगपुरिसा देवदत्ताए गणियाए सद्धिं सुभूमिभागस्स उज्जाणस्स उज्जाणसिरिं पञ्चणुग्भवमाणा विहरंति, तत्थ णं एगे गोलिग पुरिसे देवदत्तं गणियं उच्छंगे धरति एगे पिट्टओ आयवत्तं धरेइ एगे पुष्कपूरयं रएड एगे पाए रएइ एगे चामरुक्खेवं करेइ, तते णं सा सूमालिया अज्जा देवदत्तं गणियं तेहिं पंचहिं गोद्विपुरिसेहिं सद्धि उरालाई माणुस्साई भोगभोगाई भुजमाणीं पासति त्ता इमेयारूवे संकल्पे समुप्पज्जित्था अहो णं इमा इत्थिया पुरापोराणाणं कम्माणं जाव विहरइ, तं जति णं केई इमस्स सुचरियस्स तबनियमबंभचेरवासस्स कहाणे फलवित्तिविसेसे अत्थि तो णं अहमवि आगमिस्सेणं भवग्गणेणं इमेयारूवाई उरालाई जाव विहरिजामित्तिकट्टु नियाणं करेति त्ता आयावणभूमिओ पचोरुहति । १२० । तते णं सा सूमालिया अज्जा सरीरखउसा जाया यावि होत्या, अभिक्खणं २ हत्थे धोवेइ पाए धोवेइ सीसं धोवेइ मुहं धोवेइ थणंतराई धोवेइ कक्वंतराई धोवेड गोज्यंतराई धोवेड जत्थ णं ठाणं वा सेज्जं वा निसीहियं वा चेति तत्थवि य णं पुवामेव उदएणं अच्भुक्खइत्ता ततो पच्छा ठाणं वा० चेएति तते णं तातो गोवालियाओ अजाओ सूमालियं अजं एवं व०-एवं खलु देवा० ! अजे अच्छे समणीओ निग्गंधीओ इंरियासमियाओ जाव बंभचेरधारिणीओ नो खलु कप्पति अम्हं सरीरबाउसियाए होत्तए, तुम च णं अजे! सरीरबाउसिया अभिक्खणं २ हत्थे धावसि जाव चेदेसि तं तुमं णं देवाणुप्पिए! तस्स ठाणस्स आलोएहि जाव पडिवजाहि, तते र्ण सूमालिया गोवालियाणं अजाणं एयमहं नो आढाइ नो परिजापति अणाढायमाणी अपरिजाणमाणी विहरति, तए णं ताओ अज्जाओ सूमालियं अजं अभिक्खणं २ हीलति जाव परिभवति, अभिक्खणं २ एयमहं निवारेति, तते णं तीए सूमालियाए समणीहिं निग्गंधीहिं हीलिज़माणीए जाव वारिजमाणीए इमेयारूवे अच्मत्थिए जाव समुप्पजित्था जया णं अहं अगारवासमज्झे वसामि तया णं अहं ४६६ ज्ञानधर्मकथांगं, अज्झयणे- १६
मुनि दीपरत्नसागर
| SR No. | 003906 |
| Book Title | Aagam Manjusha 06 Angsuttam Mool 06 Nayadhammkaha |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 85 |
| Language | Prakrit |
| Classification | Book_Devnagari, Agam, Canon, & agam_gyatadharmkatha |
| File Size | 55 MB |