Page Text
________________
सममेव परिवहति, तते णं सा पउमावती नवण्ठं मासाणं जाव पियदसणं सुरूवं दारगं पयाया, जं रयणिं च पउमावती दारयं पयाया तं स्यणिं च णं पोहिलावि अमची नवष्टं मासाणं विणिहायमावलं दारियं पयाया, तते णं सा पठमावती देवी अम्मधाई सहावेति त्ता एवं व-गच्छाहिणं तुमे अम्मो ! तेयलिगिहे तेयलिपुत्तं रहस्सिययं चेव सहावेहि. तते णं सा अम्मधाई तहत्ति पडिसुणेति त्ता अंवेउरस्स अबदारेणं निग्गच्छति त्ता जेणेव तेयलिस्स गिहे जेणेव तेयलिपुत्ते तेणेव उवा ता करयल जाव एवं वदासी- एवं खलु देवा० पउमावती देवी सहावेति, तते णं तेयलिपुत्ते अम्मधातीए अंतिए एयमटुं सोचा हट्ट० अम्मघातीए सदिं सातो गिहाओ णिग्गच्छति त्ता अंतेउरस्स अवहारेण रहस्सियं चेत्र अणुपविसति त्ता जेणेव पउमावती तेणेव उवाग० करयल० एवं व०-संदिसंतु णं देवाणुप्पिया ! जं मए कायचं?, तते णं परमावती तेयलीपुत्तं एवं व०. एवं खलु कणगरहे राया जाव चियंगेति अहं च णं देवा! दारगं पयाया तं तुमं णं देवाणु ! दारगं गेल्हाहि जाव तव मम य भिक्खाभायणे भविस्सतित्तिकद तेयलिपुत्तं दलयति, नते णं नेयलिपुत्ते पउमावतीए हत्थातो दारगं गेहति त्ता उत्तरिजेणं पिहेति त्ता अंतेउरस्स रहस्सियं चेव अवदारेणं निम्गच्छति त्ता जेणेव सए गिहे जेणेव पोट्टिला भारिया तेणेव उवात्ता पोटिलं एवं व०-एवं खलु देवाणु०! कणगरहे राया रजे य जाब वियंगेति अयं च णं दारए कणगरहस्स पुत्ते पउमावईए अत्तए तेणं तुम देवा! इमं दारगं कणगरहस्स रहस्सियं चेव अणुपुषेणं सारक्वाहि य संगोवेहि य संवड्ढेहि य, तते णं एस दारए उम्मुकचालभावे क्व य मम य पउमावतीए य आहारे भविस्सतित्तिकट्ठ पोट्टिलाए पासे णिकियवति पोटिलाए य पासाओ तं विणिहायमावनियं दारियं गण्हति ना उत्तरिजेणं पिहेति त्ता अंतेउरस्स अवदारेणं अणुपविसति त्ता जेणेव पउमावती देवी तेणेव उवा ता पउमावतीए देवीए पासे ठावेति त्ता जाप पडिनिम्गते, तते णं तीसे पउमावतीए अंगपडियारियाओ पउमावई देविं विणिहायमावन्नियं च दारियं पयायं पासंति ना जेणेव कणगरह राया तेणव उवा०त्ता करयल एवं व०- एवं खलु सामी! पउमावती देवी मइडियं दारियं पयाया, तते णं कणगरहे राया तीसे मइलियाए दारियाए नीहरणं करेति बहूणि लोइयाई मयकिच्चाई कालेणं विगयसोए जाते, तते णं से तेतलि. पुत्ते काडे कोडुत्रियपुरिसे सहावेति ता एवं व०-खिप्पामेव चारगसो जाव ठितिपडियं जम्हा णं अम्हं एस दारए कणगरहस्स रजं जाए तं होउणं दारए नामेणं कणगजमए जाय भोगसमत्थे जाते।१०३। तते णं सा पोटिला अन्नया कयाई तेतलिपुत्तस्स अणिट्ठा जाया यावि होत्था णेच्छद् य तेयलिपुत्ते पोटिलाए नामगोत्तमवि सवणयाए किं पुण दरिसणं वा परिभोग वा ?, तते णं तीसे पोहिलाए अनया कयाई पुधरत इमेयारूवेजाव समुप्पज्जित्था-एवं खलु अई तेतलिस्म पुनि इट्टा० आसि याणि अणिट्ठा० जाया नेच्छा य तेयलिपुत्ते मम नाम जाव परिभोगंवा ओहयमणसंकप्पा जाव झियायति नए णं तेतलिपुत्ने पोटिलं ओइयमणसंकप्पं जाब नियायमाणि पासति ता एवं व० मा णं तुम दे०! ओहयमणसं० तुम णं मम महाणसंसि विपुलं असणं ४ उवक्खडावेहि ना बहुणं समणमाहणजावणीमगाणं देयमाणी य दवावेमाणी य बिहराहि. तते णं सा पोटिला तेयलिपुत्तेणं एवं वृत्ता समाणा ह१० तेयलिपुत्तस्स एयम१ पडिसुणेति ना कालाकति महाणसंसि विपुलं असणं जाव दवावेमाणी विहरति । १०४॥ तेणं कालेणं० सुबयाओ नाम अजाओ ईरियासमिताओ जाव गुत्तभयारिणीओ बहुस्मुयाओ बहुपरिवाराओ पुष्वाणुपुचिं जेणामेव नेयलिपुरे नयरे तेणेव उवा० ता अहापडिरूवं उम्गहं उग्गिण्हति ना संजमेण तवसा अप्पाणं भावमाणीओ बिहरंति, तते ण तासि सुबयाणं अजाणं एगे संघाडए पढमाए पोरसीए सज्झायं करेति जाव अडमाणीओ तेतलिस्स गिहं अणुपविट्ठाओ. तते णं सा पोटिला ताओ अजाओ एजमाणीओ पासति त्ता ह१० आसणाओ अम्भुट्टेति त्ता वंदति नमसति त्ता विपुलं असणं ४ पडिलाभेति त्ता एवं क०-एवं खलु अहं अज्जाओ ! तेयलिपुत्तस्स पुषि इट्टा० आसी इयाणि अणिट्ठा० जाव दंसणं वा परिभोगं वा०, तं तुम्भे णं अज्जातो सिक्खियाओ बहुनायाओं बहुपढियाओ बहूणि गामागर जाब आहिंडह बहुणं राईसर जाव गिहार्ति अणुपविसह ने अस्थि याई भे(प० भो) अज्जाओ ! केई कहंचि चुन्नजोए वा मंतजोगे वा कम्पण(प० कम्म)जोए वा हियउइडावणे वा काउड्डावणे वा आभिओगिए वा वसीकरणे वा कोउयकम्मे वा भूइ. मूले कंदे छहड़ी वाली सिलिया वा गुलिया वा ओसहे वा भेसब्जे वा उवद्रपुछ जेणाई तेयलिपुत्तस्स पूणरवि इट्टा भवेजामि?,तते णं वाओ अज्जाओ पोहिलाए एवं वृत्ताओ समाजीओ दोवि कने ठाउंति ता पोहिलं एवं वदासी-अम्रेण देवा० समणीओ निग्गंधीओ जाव गत्तभचारिणीओ ना खल कप्पा अम्हे एयप्पयारं कोहिवि णिसामेत्तए. किमंग पूण उवदिसित्तए वा आयरित्तए वा ?, अम्हे गं तब देवा ! विचित्तं केवलिपन्नत्तं धम्म पडिकहिजामो, तते गं सा पोटिला तात्रो अजाओ एवं क-इच्छामिणं अजाओ! तुम्हें अंतिए केवलिपन्नत्तं धम्म निसामित्तए, तते णं ताओ अजाओ पोहिलाए विचित्तं धम्म परिकहेति, तते णं सा पोट्टिला धम्मं सोचा निसम्म हट्ट एवं व० सरहामि णं अज्जाओ! निग्गथं पावयणं जाव से जहेयं तुम्भे वयह, इच्छामि णं अहं तुम्भं अंतिए पंचाणुण्याई जाव धम्म पडिवजित्तए, अहासुई, तए णं सा पाहिला तासिं अजाणं अंतिए पंचाणुण्इयं जाव धम्म ४५८ ज्ञातधर्मकथांगं,- अन्सा0-22
मुनि दीपरनसागर
| SR No. | 003906 |
| Book Title | Aagam Manjusha 06 Angsuttam Mool 06 Nayadhammkaha |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 85 |
| Language | Prakrit |
| Classification | Book_Devnagari, Agam, Canon, & agam_gyatadharmkatha |
| File Size | 55 MB |