Page Text
________________
2
तते णं से सेणिए राया कालं पाउप्पभायाए स्यणीए कुछप्पलकमलकोमलुम्मिलियंमि अहापंडुरे पभाए रत्तासोगपगासकिंसुयसुयमुहगुंजद्धरागबंधुजीवगपारावयचलणनयणपरड्डयसरत्तलोयणजासुय(म० मणकुसमजलियजलणतवणिजकलसहिंगुलयनिगररुचाइरेगरेहन्तसस्सिरीए दिवागरे अहकमेण उदिए तस्स दिण(कर करपरंपरोक्यापारबंमि अंघयारे बालातक्कूकमेण खायच्य जीवलोए लोयणविसआणुआसविगसंतविसददंसियंमि लोए कमलागरसंहबोहए उद्वियंमि सूरे सहस्सरस्सिमि दिणयरे यसा जरते सयणिजाओ उद्वेति ना जेणेव अट्टणसाला तेणेव उवागच्छदत्ता अट्टणसालं अणुपविसति त्ता अणेगवायामजोगवग्गणवामद्दणमलजुबकरणेहिं संते परिस्संते सयपागेहि सहस्सपागेहिं सुगंधवरतेलमादिएहिं पीणणिजेहिं दीवणिजेहिं दप्पणिज्जेहिं मदणिज्जेहिं विहणिजेहिं सबिदियगायपव्हायणिजेहिं अभंगएहिं अभंगिए समाणे तेल्लचम्मंसि पढिपुण्णपाणिपायसुकुमालकोमलतलेहिं पुरिसेहिं छेएहिं दक्खेहिं पढेहिं कुसलेहिं मेहाबीहिं निउणेहिं निउणसिप्पोवगतेहिं जियपरिस्समेहिं अभंगणपरिमदणुव्वलणकरणगुणनिम्माएहिं अद्विसुहाए मंससुद्दाए तयासुहाए रोमसुहाए चउबिहाए संचाहणाए संचाहिए समाणे अवगयपरिस्समे नरिंदे अट्टणसालाओ पडिनिक्खमहत्ता जेणेच मजणघरे तेणेच उवागच्छदत्ता मजणघरं अणुपविसति त्ता समंत(मुत्त पा०)जालाभिरामे विचित्तमणिरयणकोहिमतले रमणिजे हाणमंडवंसि णाणामणिरयणमत्तिचितंसि व्हाणपीदंसि मुहनिसने सुहोदगेहिं पुष्कोदएहिं गंधोदएहिं सुदोदएहि य पुणो पुणो कडाणगपवरमजणविहीए मजिए तत्थ कोउयसएहिं बहुविहेहिं कल्लाणगपवरमजणावसाणे पम्हलसुकुमालगंधकासाईयलहियगे अहतसुमहन्यदूसरयणसुसंवृण सरससुरभिगोसीसचंदणाणुलित्तगत्ते सुइमालावनगविलेवणे आविद्धमणिसुवन्ने कप्पियहारशहारतिसरयपालंबपलबमाणकडिसुत्तसुकयसोहे पिणडगेवेजे अंगुलेजगललियंगललियकयाभरणे णाणामणिकडगडियचंभियभुए अहियरूवसस्सिरीए कुंडलुजोइयाणणे मउडदित्तसिरए हारोत्ययसुकतरइयवच्छे पालंबपलंबमाणसुकयपडउत्तरिजे मुहियापिंगलंगुलीए गाणामणिकणगरयणविमलमहरिहनिउणोवियमिसिमिसंतविरइयमुसिलिडविसिट्ठलट्ठसंठियपसत्याविद्धवीरवलए, किं पहुणा?, कप्परक्यए चेव सुअलंकियविभूसिए नरिंदे सकोरिरमालदामेणं छत्तेणं धरिजमाणेणं उभओ चउचामरवालबीइयंगे मंगलजयसहकयालोए अणेगगणनायगदंडणायगराईसरतलवरमाढवियकोढुंबियमंतिमहामंतिगणगदोवारियअमचचेहपीढमहयनगरणिगमसेविसेणावइसत्यवाहदूयसंधिवाल सदि संपरिपडे धवलमहामेहनिमाएविव गहगणदिपंतरिक्खतारागणाण मज्झे ससिव्व पियर्दसणे नरबई मजणपराओ पडिनिक्खमति त्ता जेणेव बाहिरिया उवट्ठाणसाला तेणेव उवागच्छइत्ता सीहासणवरगते पुरत्याभिमुहे सन्निसन्ने, तते णं से सेणिए राया अप्पणो अदूरसामंते उत्तरपुरच्छिमे दिसिभागे अट्ठ भासणाई सेयवत्वपत्थयाति सिद्धत्थ(प० कय)मंगलोरयारकत(प० नय)संतिकम्माई रखावेइ त्ता णाणामणिरयणमंडियं अहियपेच्छणिजरूर्व महग्यवरपट्टणुग्गय सण्डबहुभत्तिसयचित्तट्टा(ता)णं ईहामियउसमतुरयणरमगरविहगवालगकिंनररुरुसरभचमरकुंजरवणलयपउमलयभत्तिचित्तं सुखचियवरकणगपवरपेरंतदेसभागं अभितरियं जवणियं अंछाबेड़ त्ता अच्छरगमउअमसूरगउच्छड्यं धवलवस्थपत्युयं विसिटुं अंगसुहफासयं सुमउयं धारिणीए देवीए भदासणं स्याचेहता कोढुंबियपुरिसे सदावेइ त्ता एवं वदासी-खिप्पामेव भो देवागुप्पिया! अटुंगमहानिमित्तसुत्तत्यपाढए विविहसत्यकुसले सुमिणपाढए सदावहता एयमाणत्तियं खिप्पामेव पचप्पिणह, तते णं ते कोटुंचियपुरिसा सेणिएणं रमा एवं वुत्ता समाणा हट्ठजावहियया करयलपरिग्गहियं दसनहं सिरसावत्तं मत्थए अंजलिं कटु एवं देवो तहत्ति आणाए विणएणं वयणं पढिसुणेति त्ता सेणियस्स रनो अंतियाओ पडिनिक्खमंति त्ता रायगिहस्स नगरस्स मझमझेणं जेणेव सुमिणपाढगगिहाणि तेणेव उवागच्छंति त्ता सुमिणपाढए सदावेंति, तते णं ते सुमिणपाढगा सेणियस्स रनो कोटुंबियपुरिसेहिं सहाविया समाणा हद्वजावहियया व्हाया कयरलिकम्मा जाव पायच्छित्ता अप्पमहग्याभरणालंकियसरीरा हरियालियसिदत्ययकय(सिद्धत्ययहरियालियाकयमंगल पा०)मुदाणा सतेहिं सतेहिं गिहेहिंतो पडिनिक्खमंतिता रायगिहस्स गगरस्स मज्झमझेणं जेणेव सेणियस्स रन्नो भवणव.सगदुवारे तेणेव उवागच्छति त्ता एगतओ मिलायति त्ता सेणियस्स रन्नो भवणव. डेंसगदुवारेणं अणुपविसंति त्ता जेणेव बाहिरिया उवट्ठाणसाला जेणेव सेणिए राया तेणेव उवागच्छंति त्ता सेणियं रायं जएणं विनएण वदावेति, सेणिएणं रन्ना अचियवंदियपुतियमाणियसकारियसम्माणिया समाणा पत्तेयं २ पुवन्नत्थेसु महासणेसु निसीयंति, तते णं सेणिये राया जवणियंतरियं धारणी देवीं ठवेइ त्ता पुष्फफलपडिपुण्णहत्ये परेणं विणएणं ते सुमिणपाढए एवं क्यासी-एवं खलु देवाणुप्पिया ! धारिणीदेवी अज्ज तंसि तारिसयंसि सयणिजंसि जाव महासुमिणं पासित्ताणं पडिबुद्धा, तं एयस्स णं देवाणुप्पिया ! उरालस्स जाव सस्सिरीयस्स महासुमिणस्स के मन्ने कल्लाणे फलवित्तिविसेसे भविस्सति, तते णं ते सुमिणपाढगा सेणियस्स रन्नो अंतिए एयमट्ट सोच्चा णिसम्म हट्ठजावहियया तं सुमिणं सम्म ओगिव्हंति त्ता ईहं अणुपविसंति त्ता अन्नमन्नेण सद्धि संचालति त्ता तस्स सुमिणस्स लवट्ठा गहियट्ठा पुच्छियट्ठा विणिच्छियट्ठा अभिगयट्ठा सेणियस्स रन्नो पुरओ सुमिणसत्याई ४०६ ज्ञातधर्मकथांगं मraute
055aighakam
मुनि दीपरनसागर
| SR No. | 003906 |
| Book Title | Aagam Manjusha 06 Angsuttam Mool 06 Nayadhammkaha |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 85 |
| Language | Prakrit |
| Classification | Book_Devnagari, Agam, Canon, & agam_gyatadharmkatha |
| File Size | 55 MB |