Page Text
________________
च सयमेव समुवेक्खमाणे २ विहरति । ७ तस्स णं सेणियस्स रन्नो धारिणी नामं देवी होत्था जाव सेणियस्स रन्नो इट्ठा जाव विहरइ ८ तए णं सा धारिणी देवी अन्नया कयाइ वंसि वारिसगंसि उकडुकलमसंठियखंभुग्गयं पवरवरसालभंजियउज्जलमणिकणगरतणभूमिय(प्र० धूमियचिलंक) विडंकजालद चंदणिजूह कंतरकणयालिचंदसालियाविभत्तिकलिते सरसच्छधाऊबलवण्णरइए बाहिरओ दूमियपटुमट्टे अम्भितरओ पत्त (प्रः प्रसत्त) सुवि (प्र० इ) लिहियचित्तकम्मे णाणाविहपंचवण्णमणिरयणकोट्टिमतले पउमलयाविरपुष्फ जातिउलोयचित्तियतले वं (प्र० चं) दणवरकणगकलससुविणिम्मियपडिपुंजि (पूजि पा० ) यसरसपउम सोहंतदारभाए पयरगलंबतमणिमुत्तदामसुविरइयदारसोहे सुगंधवरकुसुममउयपह लक्ष्यणोवयारे मणहिययनिव्वुइयरे कप्पूरलवंगमलयचंदनकालागुरुपवरकुंदुरुक्कतुरुक धूवडज्ांतसुरभिमपमघतगंधुद्ध्याभिरामे सुगंधवरगंधि (प्र० गंधगंधि )ए गंधवट्टिभूते मणिकि रणपणासियंधकारे, किंबहुणा ? जुइगुणेहिं सुरवरविमाणवेलंचियवरघरए, तंसि तारिसगंसि सयणिजंसि सालिंगणवट्टिए उभओ बिच्चोयणे दुहओ उन्नए मज्झेणयगंभीरे गंगापुलिण वालुयाउद्दालसालिसए उयचि ( प्र ओयवि यखोमदुगुडपट्टपडिच्छण्णे अच्छरयमलयनय (प्र० नवय) तयकुसत्तलिबसीह केसरपचत्थए सुविरइयरयत्नाणे रत्तंस्यसंवुए सुरम्मे आइण
रणवणीयफासे पुव्वर सावरतकालसमयंसि सुत्तजागरा ओहीरमाणी २ एवं महं सत्तुस्सेहं रययकूडसन्निहं नहयलंसि सोमं सोमागारं लीलायंत जंभायमाणं मुहमतिगयं गयं (जाव सीहं सुविणे पा० ) पासित्ताणं पडिबुद्धा तते णं सा धारिणी देवी अयमेयारूवं उरालं काहाणं सिवं धनं मंगलं सस्सिरीयं महासुमिणं पासित्ताणं पडिबुद्धा समाणी हट्टा चित्तमानंदिया पीइमणा परमसोमणस्सिया हरिसवसविसप्पमाणहियया धाराहयकलंबपुष्फगंपिव सम्ससियरोमकृवा तं सुमिणं ओगिण्हइ ना सयणिजाओ उ (प्र० अम्भु) द्वेति ता पायपीढातो पचोइ ना अनुरियमचवलमसंभंताए अविलंचियाए रायहंससरिसीए गतीए जेणामेव से सेणिए राया तेणामेव उवागच्छत्ता सेणियं गयं ताहिं इद्वाहिं कंताहिं पियाहिं मणुन्नाहिं मणामाहिं कराणाहिं सिवाहिं धन्नाहिं मंगलाहिं सस्सिरियादि हिययगमणिजाहिं हिययपव्हायणिजाहिं मियमहुररिभियगंभीरसस्सिरीयाहिं गिराहिं संलवमाणी २ पडिवोहेइता सेणिएवं रना अग्भणुनाया समाणी णाणामणिकणगग्यणभत्तिचित्तंसि महासांसि निसीयति ता आसल्या विसत्या सुहासणचरगया करयलपरिग्गहियं दसनहं सिरसावतं मथिए अंजलि कट्टु सेणियं गयं एवं वदासी एवं खलु अहं देवाप्पिया! अज्ज तंसि तारिसगंसि सयणिजंसि सालिंगणचट्टिए जाव नियगवयणमइत्रयंतं गयं सुमिणे पासित्ताणं पडिबुद्धा, तं एयरस णं देवाप्पिया! उगलम्स जाव सुमिणम्स के मने करहाणे फलवित्तिविमेसे भविस्सति । ९ । तते णं सेणिए राया धारिणीए देवीए अंतिए एयम सोचा निसम्म हट्टजायहिये धाराहयनीवसुरभिकुसुमचंचुमाइयतणुऊससियरोमकुंवे तं सुमिणं उग्मिण्डइ ता ईहे पविसति ता अप्पणो साभाविएणं मइपुत्रणं बुद्धिविनाणेणं तस्स सुमिणस्स अत्योगह करेति ना धारणिं देवीं ताहिं जाव हिययपल्हायणिजाहिं मिउमडुररिभियगंभीरसस्सिरियाहिं वम्मू अणुचूहेमाणे २ एवं वयासी उराले णं तुमे देवाणुष्पिए! सुमिणे दिट्ठे कलाणे णं तुमे देवाणुप्पिए! सुमिणे दिट्ठे सिवे धन्ने मंगले सस्सिरीए णं तुमे देवाणुप्पिए! सुमिणे दिट्ठे आरोग्गतुद्विदीहाउय कलाणमंगलकारए गं तुमे देवी! सुमिणे दिट्ठे अत्थलाभो ते देवाप्पिए । पुत्तलाभो ते देवा० रज्जलाभो भोग० सोक्खलाभो ते देवाणुप्पिए एवं खलु तुमं देवाणुप्पिए नवण्डं मासाणं बहुपडिपुत्राणं अमाण य राईदियाणं विइकंताणं अम्हं कुलके ( हे पा० ) उं कुलदीवं कुलपवयं कुलबडिंसयं कुलतिलकं कुलकिनिकरं ( कुलवित्तिकरं पा० ) कुलणंदिकर कुलजसकरं कुलाधारं कुलपायवं कुलविवरणकरं सुकुमालपाणिपाय जाव दारयं पयाहिसि, सेवि य णं दारए उम्मुकबालभावे विनायपरिणयमेत्ते जोव्वणगमणुपत्ते सूरे धीरे विकते विच्छिन्नविपुलबलवाहणे रजवती राया भविस्सइ तं उराले गं तुमे देवीए सुमिणे दिट्ठे जाव आरोग्गतुट्टिदीहाउकल्लाणकारए णं तुमे देवी! सुमिणे दिट्ठेत्तिकट्टु भुज्जो २ अणुवइ । १०। तते णं सा धारणी देवी सेणिएणं रत्ना एवं वृत्ता समाणी तुहा जाव हियया करतलपरिग्गहियं जाव अंजलिं कट्टु एवं वदासी- एवमेयं देवाणुप्पिया! तहमेयं अवितहमेयं असंदिदमेयं इच्छियमेयं दे पडिच्छियमेयं इच्छियपडिच्छियमेयं सच्चे णं एसम जं णं तुझे वदहन्निकट्टु तं सुमिणं सम्मं पडिच्छइ ना सेणिएणं रन्ना अन्भणुष्णाया समाणी णाणामणि कणगरयणभत्तिचित्ताओ महासणाओ अम्भुडे त्ता जेणेव सए सयणिजे तेणेव उवागच्छ ता सयंमि सर्याणिजंसि निसीयइ ता एवं पदासी मा मे से उत्तमे पहाणे मंगाडे सुमिणे अन्नेहिं पावसुमिणेहिं पडिहंमिहित्तिकट्टु देवयगुरुजणसंवदाहिं पसत्याहिं धम्मियाहिं कहाहिं सुमिणजागरियं पडिजागरमाणी विहरइ। ११ । तए णं मेणिए राया पचूसकालसमयसि कोटुंबिय पुरिसे सहावे ना एवं वदासी- खिप्पामेव भो देवाणुपिया ! बाहिरियं उबट्टाणसालं अज्ज सविसेसं परमरम्मं गंधोदगसित्तसुइयसंमजिओवलित्तं पंचवनसरसमुरभिमुकपुष्कपुंजोवयारकलियं कालागरुपवरकुंदुरुक्कतुरुक्क धूवडज्यंतमघमघंतगंधुद्ध्याभिरामं सुगंधवरगंधियं गंधवट्टिभूतं करेह य कारवेह य त्ता एवमाणत्तियं पचविणह, तते णं ते कोडुबियपुरिसा सेणिएणं रन्ना एवं वृत्ता समाणा हट्टतुट्ठा जाव पचप्पियंति, ४०५ ज्ञानधर्मकथांगं, अन्ययणं
मुनि दीपरत्नसागर
| SR No. | 003906 |
| Book Title | Aagam Manjusha 06 Angsuttam Mool 06 Nayadhammkaha |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 85 |
| Language | Prakrit |
| Classification | Book_Devnagari, Agam, Canon, & agam_gyatadharmkatha |
| File Size | 55 MB |