Page Text
________________
12 मंडयं रायं आपुच्छइ, तले णं से मंडुए राया कोहूंचियपुरिसे० एवं वदासी-खिप्पामेव सेलगपुरं नगरं आसित्त जाव गंधवद्विभूतं करेह य कारचेह य ता एयमाणत्तियं पञ्चप्षिणह,तते ण से मंडुए
दोच्चंपि कोढुंबियपुरिसे सदावेइ त्ता एवं वदासी-खिप्पामेव सेलगस्स रनो महत्थं जाव निक्खमणाभिसेयं जहेव मेहस्स तहेव णवरं पउमावतीदेवी अग्गकेसे पडिच्छति सम्वेवि पडिग्गहं गहाय सीयं दुरूहंति, अक्सेसं तहेब जाव सामातियमातियातिं एकारस अंगाई अहिजति ना बहुहिं चउत्थ जाच विहरति, तए णं से मुए सेलयस्स अणगारस्स ताई पंचयपा
गपराओ नगराओ सभमिभागाओ उजाणाजो पडिनिक्खमति त्ता बहिया जणश्यविहारं बिहरति, तते णं से मुए अणगारे अन्नया कयाई तेणं अणगारसहस्सेणं सदि संपरिखुडे पुवाणुपुधिं चरमाणे गामाणुगामं विहरमाणे जेणेव पोंडरीए पञ्चए जाव सिद्धे । ६२। तते णं तस्स सेलगस्स रायरिसिस्स तेहिं अंतेहि य पंतेहि य तुच्छेहि य लहेहि य अरसेहि य विरसेहि य सीएहि य उण्हेहि य कालातिकतेहि य पमाणाइकतेहि य णिचं पाणभोयणेहि य पयइसुकुमालयस्स सुहोचियस्स सरीरगंसि वेयणा पाउन्भूता (रोगायंके पा.) उजला जाव दुराहेयासा कंडयदाहपित्तज्जरपरिगयसरीरे यावि विहरति, तते णं से सेलए तेणं रोयायंकणं सुके० जाए यावि होत्या, तते णं से सेलए अनया कदाई पुधाणुपुचिं चरमाणे जाव जेणेव सुभूमिभागे जाव विहरति, परिसा निग्गया, मंडुओऽवि निग्गओ, सेलयं अणगारं जाव वंदति नमं० पज्जुवासति, तते णं से मंडुए राया सेलयस्स अणगारस्स सरीरयं सुकं मुक्खं जाव सबाचाहं सरोगं पासति त्ता एवं वदासी-अहं णं भंते ! तुभं अहापवित्तेहिं तिमिच्छएहिं अहापवित्तेणं ओसहभेसजेणं भत्तपाणेणं तिगिच्छं आउंटावेमि, तुम्भेणं भंते ! मम जाणसालासु समोसरह फासु एसणिजं पीढफलगसेजासंथारगं ओगिव्हित्ताणं विहरह, तते णं से सेलए अणगारे मंडुयस्स रन्नो एयम8 तहत्ति पडिसुणेति, तते णं से मंडुए सेलयं वंदति नमंसति ता जामेव दिसि पाउम्भूते तामेव दिसि पडिगए, तते णं से सेलए कार्ड जाव जलते सभंडमत्तोवगरणमायाए पंचयपामोक्खेहिं पंचहि अणगारसएहिं (- सदि) सेलगपुरमणुपविसति त्ता जेणेव मंडुयस्स जाणसाला तेणेव उवागच्छति त्ता कासुयं पीढ जाब विद्द - रति, तते णं से मंडुए चिगिच्छए सहावेति त्ता एवं वदासी-तुम्भे ण देवाणुप्पिया ! सेलयस्स फामुएसणिजेणं जाव तेगिच्छं आउद्देह, तते णं तेगिच्छया मंडएणं रना एवं वुत्ता हट्ठ. सेलयस्स अहापवित्तेहिं ओसहभेसजभत्तपाणेहिं तेगिच्छं आउति, मजपाणयं च से उबदिसंति, तते णं तस्स सेलयस्स अहापवत्तेहिं जाव मज्जपाणेण रोगायंके उवसंते होत्या हट्ठे कसरीरे जाते ववगयरोगायके, तते णं से सेलए तसि रोयायकसि उवसंतसि समाणंसि तंसि विपुलसि असण ४ मजपाणए यमुच्छिए गढिए गिद्धे अज्झोववन्ने ओसझे ओसनवि. हारी एवं पासत्ये २ कुसीले २ पमते २ संसत्ते२ उउपद्धपीढफलगसेज्जासंथारए पमत्ते यावि विहरति, नो संचाएति फामुएसणिज्ज पीढ़ पञ्चप्पिणित्ता मंडुयं च रायं आपुच्छित्ता बहिया जाव (जणवयविहारं अन्भुजएण पवत्तेण पग्गहिएण) बिहरित्तए । ६३ । तते णं तेसिं पंययजाणं पंचण्हं अणगारसयाणं अन्नया कयाई एगयओ भहियाणं जाव पुष्वरत्तावरत्तकालसमयंसि धम्मजागरियं जागरमाणाणं अयमेयारूवे अभत्थिए जाव समुप्पज्जित्था-एवं खलु सेलए रायरिसी चइत्ता रजं जाव पवतिए, विपुलेणं असण०४ मजपाणए मुच्छिए नो संचाएति जाव विहरित्तए, नो खलु कप्पड़ देवाणुप्पिया ! समणाणं जाव पमत्ताणं विहरित्तए, तं सेयं खलु देवा. अम्हं कहं सेलयं रायरिसिं आपुच्छित्ता पाडिहारियं पीढफलगको जासंधारगं पचप्पिणित्ता सेलगस्स अणगारस्स पंचयं अणगारं वेयावचकर ठवेत्ता बहिया अभुजएणं जाब विहरित्तए, एवं संपेहेंति ता कार्य जेणेव सेलए आपुच्छित्ता पाडिहारिय पीढ० पच्चप्पिणंति त्ता पंथयं अणगारं वेयावच्चकर ठावंति त्ता बहिया जाव विहरति । ६४॥ तते णं से पंथए सेलयस्स सेजासंधारउच्चारपासवणखेल संघाण)मत्तओसहभेसज
ए विणणयावडियं करेड, ततेणं से सेलए अन्नया कयाई कत्तियचाउम्मासियंसि विपुलं असण.४आहारमाहारिए सुबई मजपाणयं पीएत्ता पवा(प० पच्चा)वरहकालसमयंसि सुहप्पसुत्ते, तते णं से पंथए कत्तियचाउम्मासियंसि कयकाउस्सग्गे देवसियं पडिक्कमणं पडिकते चाउम्मासियं पडिक्कमिउकामे सेलयं रायरिसिं खामणट्ठयाए सीसेणं पाएमु संघद्देइ, तते णं से सेलए पंथएणं सीसेणं पाएसु संघट्टिए समाणे आसुरुत्ते जाव मिसिमिसेमाणे उद्देति त्ता एवं वदासी-से केस णं भो एस अप्पत्थियपत्यए जाव परिवजिए जे णं ममं सुहपसुतं पाएस संघट्टेति ?, तते णं से पंपए सेलएणं एवं बुत्ते समाणे भीए तत्ये तसिए करयल० कटु एवं वदासी-अहण्णं भंते ! पंथए कयकाउस्सग्गे देवसिय पडिकमणं पडिकते चाउम्मासियं पडिकते चाउम्मासियं खामेमाणे देवाणुप्पियं बंदमाणे सीसेणं पाएमु संघट्टेमि, ते खमंतु णं देवाणुप्पिया ! खमन्तु मेऽवराहं तुमज्णं (प० खंतुमरइंतु णं) देवाणुप्पिया ! णाइभुजो एवं करणयाएत्तिकटु सेलयं अणगारं एतमहूँ सम्म विणएणं भुजो२खामेति, तते णं तस्स सेलयस्स रायरिसिस्स पंथएणं एवं वृत्तस्स अयमेयारूवे जाव समुप्पज्जित्था-एवं खलु अहं रजं च जाव ओसनो जाच उउपदपीढ० विहरामि, तं नो खलु कप्पति समणाणं णिग्गंथाणं अपसत्याणं (घ० पासत्याणं) जाव ४३३ ज्ञातधर्मकथांगं, असथा-८
मुनि दीपरत्सागर
| SR No. | 003906 |
| Book Title | Aagam Manjusha 06 Angsuttam Mool 06 Nayadhammkaha |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 85 |
| Language | Prakrit |
| Classification | Book_Devnagari, Agam, Canon, & agam_gyatadharmkatha |
| File Size | 55 MB |