Page Text
________________
सेऽविय सोए दुविहे पं० [सं० दशसोए य भावसोए य, दक्षसोए य उदरणं महियाए य, भावसोए दम्भेहि य मंतेहि य, जन्नं अम्हं देवाणुप्पिया! किंचि असुई भवति तं सवं सजो पुढबीए आलिप्पति ततो पच्छा सुद्रेण वारिणा पक्खालिजति ततो तं असुई सुई भवति, एवं खलु जीवा जलाभिसेयपूयप्पाणो अविग्घेणं सग्गं गच्छति, तते णं से सुदंसणे सुयस्स अंतिए धम्मं सोचा हट्टे सुयस्स अंतियं सोयमूल्यं धम्मं गेण्डति त्ता परिव्वायए विपुलेणं असण० ४ वत्थ पडिलामेमाणे जाव विहरति, तते णं से सुए परिज्ञायगे सोगंधियाओ नगओ निग्गच्छति ता बहिया जणवयविहारं विहरति, तेणं कालेणं यावच्चापुत्तस्स समोसरणं, परिसा निग्गया, सुदंसणोवि णीइ, थावच्चापुत्तं वंदति नम॑सति त्ता एवं वदासी- तुम्हाणं किंमूल धम्मे पं० १, तते णं यावच्चापुत्ते सुदंसणेणं एवं वृत्ते समाणे सुदंसणं एवं वदासी- सुदंसणा ! विणयमूले धम्मे पं० सेविय विणए दुविहे पं० तं० अगारविणए अणगारविणए य, तत्यणं जे से अगारविणए से णं पंच अणुश्यातिं सत्त सिक्खावयातिं एकारस उवासगपडिमाओ, तत्य णं जे से अणगारविणए से णं पंच महशयाई, तं० सङ्घातो पाणातिवायाओ वेरमणं सचाओ मुसावायाओ वेरमणं सङ्घातो अदिन्नादाणातो वेरमणं सबाओ मेहुणाओ वेरमणं सधाओ परिग्गहाओ वेरमणं सङ्घाओ राइभोयणाओ वेरमणं जाव मिच्छादंसणसइलाओ वेरमणं, दसविहे पञ्चक्खाणे वारस भिक्खुपडिमाओ, इवेएणं दुविहेणं विणयमूलएणं धम्मेणं अणुपुवेणं अट्टकम्मपगंठीओ खवेत्ता लोयग्गपट्ठाणे भवति, तते णं यावच्चापुत्ते सुदंसणं एवं वदासी-तुम्भेणं सुदंसणा ! किंमूलए धम्मे पं० १, अम्हाणं देवाणुप्पिया! सोयमूले धम्मे पं० जाव सग्गं गच्छति, तते णं यावच्चापुत्ते सुदंसणं एवं वदासी- सुदंसणा ! से जहानामए केइ पुरिसे एगं महं रुहिरकयं वत्थं रुहिरेण चैव धोवेज्जा तते णं सुदंसणा ! तस्स रुहिरकयस्स वत्थस्स रुहिरेण चैव पक्खालिज़माणस्स अत्थि काई सोही ?, णो तिगडे समद्वे, एवामेव सुदंसणा ! तुम्भंपि पाणातिवाएणं जाव मिच्छादंसणसणं नत्थि सोही जहा तस्स रुहिरकयस्स वत्थस्स रुहिरेणं चेव पक्खालिजमाणस्स नत्थि सोही, सुदंसणा ! से जहाणामए केई पुरिसे एगं महं रुहिरकयं वत्थं सज्जियाखारेणं अणुलिंपति ता पयणं आरुहेति त्ता उन्हं गाहेइ ता ततो पच्छा सुद्धेणं वारिणा धोवेजा, से णूणं सुदंसणा ! तस्स रुहिरकयस्स वत्यस्स सज्जियाखारेणं अणुलित्तस्स पयणं आरुहियस्स उन्हं गाहितस्स सुद्धेणं वारिणा पक्खालिजमाणस्स सोही भवति ?, हंता भवइ, एवामेव सुदंसणा ! अम्हंपि पाणाइवायवेरमणेणं जाव मिच्छादंसणसवेरमणेणं अस्थि सोही जहा वा तस्स महिरकयस्स वत्यस्स जाव सुद्धेणं वारिणा पक्खालिज्जमाणस्स अस्थि सोही, तत्य णं से सुदंसणे संबुद्धे धावण्यापुत्तं वंदति नम॑सति त्ता एवं वदासी- इच्छामि णं भंते! धम्मं सोचा जाणित्तए जाव समणोवासए जाते अहिगयजीवाजीवे जाव पडिलाभेमाणे विहरति, तए णं तस्स सुयरस परिक्षायगस्स इमीसे कहाए लट्ठस्स समाणस्स अयमेयारूवे जाव समुप्पजित्या एवं खलु सुदंसणेणं सोयं धम्मं विप्पजहाय विणयमूले धम्मे पडिवच्चे, तं सेयं खलु मम सुदंसणस्स दिद्धिं वामेत्तए, पुणरवि सोयमूलए घम्मे आघवित्तएत्तिकट्टु एवं संपेहेति त्ता परिधायगसहस्सेणं सद्धिं जेणेव सोगंधिया नगरी जेणेव परिवायगावसहे तेणेव उवागच्छति तापरिशायगावससि भंडनिक्लेवं करेति सा धाउरत्तवत्थपवरपरिहिते पविरलपरिष्वायगेणं सद्धिं संपरिवुडे परिवायगावसहाओ पडिनिक्खमति त्ता सोगंधियाए नयरीए मज्झमज्झेणं जेणेव सुदंसणस्स गेहे जेणेव सुदंसणे तेणेव उवागच्छति, तते गं से सुदंसणे तं सुयं एजमाणं पासति त्ता नो अब्भुट्टेति नो पबुग्गच्छति णो आढाइ नो परियाणाइ नो वंदति तुसिए संचिति, तर से सुए परिव्वायए सुदंसणं अणम्भुट्ठियं पासित्ता एवं वदासी- तुमं णं सुदंसणा ! अन्नदा ममं एजमाणं पासित्ता अम्भुद्वेसि जाव वंदसि, इयाणिं सुदंसणा ! तुमं ममं एजमाणं पासित्ता जाव णो वंदसि तं कस्स णं तुमे सुदंसणा ! इमेयारूवे विषयमुले धम्मे पडिवले?, तते गं से सुदंसणे सुएणं परिशायएणं एवं वृत्ते समाणे आसणाओ अम्मुद्वेति त्ता करयल० सुयं परिशायगं एवं बदासी एवं खलु देवाणुप्पिया ! अरहतो अरिद्वनेमिस्स अंतेवासी यावच्चापुत्ते नामं अणगारे जाव इहमागए इह चैव नीलासोए उज्जाणे विहरति, तस्स णं अंतिए विणयमुले धम्मे पडिवणे, तते णं से सुए परिव्वायए सुदंसणं एवं बदासी य-तं गच्छामो णं सुदंसणा ! तव धम्मायरियस्स यावच्चापुत्तस्स अंतियं पाउ भवामो इमाई च णं एयारूवातिं अट्ठाई देऊई पसिणातिं कारणातिं वागरणातिं पुच्छामो, तं जइ णं मे से इमाई अट्टातिं जाव वागरति तते णं अहं वंदामि नम॑सामि, अह मे से इमार्ति अार्ति जानो सेवाकरेति तते णं अहं एएहिं चेव अद्वेहिं हेऊहिं निप्पट्ठपसिणवागरणं करिस्सामि, तते गं से सुए परिव्वायगसहस्सेणं सुदंसणेण य सेट्टिणा सद्धिं जेणेव नीलासोए उज्जाणे जेणेव यावचापुत्ते अणगारे तेणेव उवागच्छति सा थावचापुत्तं एवं वदासी जत्ता ते भंते! जवणिज्जं ते अव्वाबाईपि ते फासूयं विहारं ते?, तते गं से थावचापुत्ते सुएणं परिव्वाय गेणं एवं वृत्ते समाने सुयं परिष्वायगं एवं बदासी- सुया! जत्तावि मे जवणिजंपि मे अव्वाचापि मे फासूयविहारंपि मे, तते गं से सुए यावच्चापुत्तं एवं वदासी- किं भंते! जत्ता १, सुया! जयं मम णाणदंसणचरित्ततवसंजममातिएहिं जोएहिं जयणा से तं जत्ता से किं तं भंते! जवणिजं १, सुया! जवणिजे दुबिहे पं० सं०- इंदियजवणिजे य नोइंदियजवणिजे य, से ४३१ ज्ञातधर्मकथांगं, अक्षयणे-प
मुनि दीपरत्नसागर
| SR No. | 003906 |
| Book Title | Aagam Manjusha 06 Angsuttam Mool 06 Nayadhammkaha |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 85 |
| Language | Prakrit |
| Classification | Book_Devnagari, Agam, Canon, & agam_gyatadharmkatha |
| File Size | 55 MB |