Page Text
________________
धम्मकहा भाणियव्वा जाव परिसा पडिगया।२५। तते णं से मेहे कुमारे समणस्स भगवओ महावीरस्स अंतिए धम्मं सोचा णिसम्म हडतुडे समर्ण भगवं महावीरं तिक्सुत्तो आदाहिणं पदाहिणं करेति त्ता वंदति नमसइ ता एवं पदासी-सरहामिणं भंते ! णिगंध पावयणं एवं पत्तियामिणं० रोएमिणं० अम्भुढेमिण भंते ! निम्थं पापयर्ण एवमेयं भंते! तहमेयं अवितहमेयं इच्छितमेयं पडिच्छियमेयं भंते ! इच्छितपडिच्छियमेयं भंते ! से जहेव तं तुम्भे बदह जं नवरं देवाणुप्पिया! अम्मापियरो आपुच्छामि तओ पच्छा मुंडे भवित्ताणं पबहस्सामि, अहामुहं देवाणुप्पिया! मा पढिबंध करेह, तते णं से मेहे कुमारे समर्ण ३ वंदति नमंसति त्ता जेणामेव चाउग्घंटे आसरहे तेणामेव उवागच्छति त्ता चाउग्घंटे आसरहं दूरुहति त्ता महया भडचडगरपहकरेणं रायगिहस्स नगरस्स मज्झमझेणं जेणामेव सए भवणे तेणामेव उवागच्छति त्ता चाउरघंटाओ आसरहाओ पचोरुहति ता जेणामेव अम्मापियरो तेणामेव उवागच्छति ता अम्मापिऊणं पायवडणं करेति त्ता एवं वदासी-एवं खलु अम्मयाओ! मए समणस्स भगवतो महावीरस्म अंतिए धम्मे णिसंते सेवि य मे धम्मे इच्छिते पडिच्छिते अभिरुइए, तते णं तस्स मेहस्स अम्मापियरो एवं वदासी-धन्ने सि तुम जाया! सपनो कयत्थो० कपलक्वणो सि तुमं जाया ! जन्नं तुमे समणस्म ३ अंतिए धम्मे णिसंते सेवि य ते धम्मे इच्छिते पडिच्छिते अभिरुहए, तते णं से मेहे कुमारे अम्मापियरो दोचंपि तच्चंपि एवं वदासी-एवं खलु अम्मयातो ! मए समणस्स ३ अंतिए धम्मे निसंते सेवि य मे धम्मे० इच्छियपडिच्छिए अभिरुहए त इच्छामि णं अम्मयाओ! तुम्भेहिं अब्भणुन्नाए समाणे समणस्स भगवतो महावीरस्म अंतिए मुंडे भपित्ताणं आगारातो अणगारियं पब्बइत्तए, तते णं सा धारिणी देवी तमणिहूँ अर्कतं अप्पियं अमणुन्नं अमणामं असुयपुव्वं फरुसं गिरं सोचा णिसम्म इमेणं एतारूवर्ण मणोमाणसिएणं महया पुत्तदुक्वेणं अभिभूता समाणी सेयागयरोमकृवपगलंतविलीणगाया सोयभरपवेवियंगी णित्तेया दीणविमणवयणा करयलमलियन कमलमाला तक्खणओलुग्गदुम्बलसरीरा लावधसुचनिच्छायगयसिरीया पसिढिलभूसणपंडतखुम्मियसंचुनियधवलवलयप-भट्ठउत्तरिजा सूमालविकिन्नकेसहत्या मुच्छावसणट्ठचेयगरुई परसुनियत्तव्य चंपकलया निव्वत्तमहिमव्य इंदलट्ठी विमुकसंधिपंधणा कोहिमतलंसि सवंगेहिं धसत्ति पडिया, तते णं सा धारिणी देवी ससंभमोवत्तियाए तुरियं कंचणभिंगारमुहविणिग्गयसीयलजलविमलधाराए परिसिंचमाणा निवावियगायलट्ठी उक्खेवणतालवंटवीयणगजणियवाएणं सफूसिएणं अंतेउरपरिजणेणं आसासिया समाणी मुत्तावलिसनिगासपवईतअंसुधाराहि सिंचमाणी पोहरे कलुणविमणदीणा रोयमाणी कंदमाणी तिप्पमाणी सोयमाणी विलयमाणी मेहं कुमार एवं क्यासी-२६। तुम सि णं जाया ! अम्हं एगे पुत्ते इट्ढे कंते पिए मणुने मणामे घेजे पेसासिए सम्मए पहुमए अणुमए भंडकरंडगसमाणे रयणे रयणभूते जीवियउस्मासय (इए पा०) हिययाणंदजणणे उंबरपुष्पं व दुल्लभे सवणयाए किमंग पुण पासणयाए ? णो खलु जाया ! अम्हे इच्छामो खणमवि विप्पओगं सहित्तते तं भुंजाहि ताव जाया! विपुले माणुस्सए कामभोगे जावताव वयं जीवामो तओ पच्छा अम्हेहिं कालगतेहिं परिणयवए पढियकुलवंसतंतुकज्जमि निरावयक्खे समणस्स भगवओ महावीरस्म अंतिए मुंडे भवित्ता आगारातो अणगारियं पव्वइस्ससि । तते णं से मेहे कुमारे अम्मापिऊहिं एवं पुत्ते समाणे अम्मापियरी एवं पदासी-तहेव गंतं अम्म(म०म्मो) तायो ! जहेवणं तुम्हे ममं एवं वदह तुम सिणं जाया ! अम्हं एगे पुत्ते तं चेव जाव निरावयक्खे समणस्स ३ जाप पचहस्ससि, एवं खलु अम्मयाओ ! माणुस्सए भवे अधुने अणियए असासए वसणसउवदवाभिभूते विजुलयाचंचले अणिचे जलबुखुयसमाणे कुसग्गजलविंतुसनिभे संझम्भरागसरिसे सुषिणदसणोषमे सडणपडणविज्ञसणधम्मे पच्छा पुरं च णं अवस्स विष्पजहणिज्जे से केणं जाणति अम्मयाओ! के पुब्बि गमणाए के पच्छा गमणाए?,तं इच्छामिणं अम्मयाओ! तुम्भेहिं अम्भणुमाते समाणे समणस्स भगवतो. जाव पयतित्तए, तते णं तं मेहं कुमारं अम्मापियरो एवं वदासी-नमातो ते जाया ! सरिसियाओ सरिसत्तयाओ सरिसव्वयाओ सरिसलावारूपजोग्यणगणोववेयाओ सरिसेहितो रायकुलेहितो आणियलियाओ भारियाओ, तं मुंजाहि णं जाया! एताहिं सद्धिं विपुले माणुस्सए कामभोगे तओ पच्छा भुत्तभोगे समणस्म ३ जाव पव्वहस्ससि, तते णं से कुमारे अम्मापितरं एवं पदासी-तहेवणं अम्मयाओ ! जनं तुम्भे ममं एवं बदह-माओ ते जाया! सरिसियाओ जाव समणस्स. पव्वहस्ससि, एवं खलु अम्मयाओ ! माणुस्मगा कामभोगा असो असासया बंतासवा पित्तासवा खेलासवा सुकासवा सोणियासवा दुरुस्सासनासासा दुरूयमुत्तरिसपूयबहुपडिपुत्रा उचारपासवणखलजालासघाणगवतापत्त णितसंभवा अधुवा अणितिया असासया सडणपडणविद्धसणधम्मा पच्छा पुरं चणं अवस्स विष्पजहणिज्जा, से केणं अम्मयाओ! जाणंति के पुचि गमणाए के पच्छा गमणाए ?, तं इच्छामि णं अम्मयाओ! जाव पव्वतित्तए, तते णं तं मेहं कुमारं अम्मापितरो एवं वदासी-दमे ते जाया ! अजयपज्जययपिउपजयागए सुबहु हिरने य सुवण्णे य कसे य दूसे य मणिमोत्तिए य संखसिलपवालरत्तरयणसंतसारसावतिजे य अलाहि जाव आसत्तमाओ कुलवंसाओ पगामं दाउं पगाम भोत्तुं पकामं परिभाएउं तं अणुहोहि तावजाव जाया! विपुलं ४१३ ज्ञातधर्मकयांग,- पर -१
मुनि दीपरनसागर
| SR No. | 003906 |
| Book Title | Aagam Manjusha 06 Angsuttam Mool 06 Nayadhammkaha |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 85 |
| Language | Prakrit |
| Classification | Book_Devnagari, Agam, Canon, & agam_gyatadharmkatha |
| File Size | 55 MB |