Page Text
________________
कम्मगाणं जहा ओहिया, असरीरेहिं जीवसिद्धेहिं तियभंगो, आहारपज्जतीए सरीरपज्जत्तीए इंदियपज्जत्तीए आणापाणुपज्जत्तीए जीवएगिंदियवज्जो तियभंगो. भासामणपज्जतीए जहा सणी, आहारअपजत्तीए जहा अणाहारगा, सरीरअपजत्तीए इंदियअपजतीए आणापाणअपजत्तीए जीवेगिंदियवज्जो तियभंगो. नेरइयदेवमणुएहिं छन्भंगा. भासामण अपनतीए जीवादिओ तियभंगो, णेरइयदेवमणुएहिं छन्भंगा, 'सपदेसाऽऽहारग भविय सन्नि लेस्सा दिट्ठी संजय कसाए। णाणे जोगुवओगे वेदे य सरीर पजती ॥ ४१ ॥ २३८ । जीवा णं भंते! किं पञ्चकखाणी अपचक्खाणी पक्षक्खाणापचक्खाणी ?, गोयमा ! जीवा पच्चक्खाणीवि अपच्चक्खाणीवि पच्चक्खाणापच्चक्खाणीवि सव्वजीवाणं एवं पुच्छा. गोयमा ! नेरइया अपच्चक्खाणी जाब चरिंदिया, सेसा दो पडिसेहेयब्बा, पंचेंदियतिरिक्खजोणिया नो पञ्चक्खाणी अपचक्खाणीवि पच्चक्खाणापच्चक्खाणीवि. मणुस्सा तिन्निवि, सेसा जहा नेरतिया. जीवा णं भंते! किं पचक्खाणं जाणंति अपचक्खाणं जाणंति पञ्चक्खाणापचक्खाणं जाणंति ?, गोयमा ! जे पंचेंदिया ते तिनिवि जाणति अबसेसा पञ्चक्खाणं न जाणति, जीवा णं भंते! किं पञ्चक्खाणं कुब्वंति अपचक्खाणं कुव्वंति पञ्चक्खाणापचक्खाणं कुव्वंति ?, जहा ओहिया तदा कुव्वणा, जीवा णं भंते! किं पञ्चवाणनिव्वत्तिय उया अपञ्चकखाणणि० पञ्चक्खाणापचक्खाणनि० ?, गोयमा ! जीवा य वेमाणिया य पच्चक्खाणणिव्वत्तियाउया तिनिवि, अवसेसा अपञ्चक्खाणनिव्वत्तियाउया. 'पचक्खाणं जाणइ कुब्वति विनेत्र आउनिबत्तीसपदेसुदेसंमि य एमेए दंडगा चउरो ॥ ४२ ॥ सेवं भंते! सेवं भंते! त्ति । २३९॥ श० ६ उ० ४ ॥ किमियं भंते! तमुकाएति पवुबई किं पुढवी तमुकाएत्ति पत्रुच्चति आऊ तमु कापति पवृच्चति ?. गोयमा! नो पुढवी तमुक्काएत्ति पवृच्चति आऊ तमुक्काएति पच्चति से केणट्टेणं ?, गोयमा ! पुढवीकाए णं अत्यंगतिए सुभे देस पकासेति जत्थेगइए दे नो पकासेइ, से तेणट्टेणं, तमुक्काए णं भंते! कहिं समुट्टिए कहिं संनिट्टिए ?, गोयमा ! जंबुदीवस्स २ चहिया तिरियमसंखेज्जे दीवसमुद्दे वीईवतित्ता अरुणवरस्स दीवस्स बाहिरिडाओ वेतियन्ताओ अरुणोदयं समुदं बायालीसं जोयणसहस्वाणि ओगाहित्ता उवडिओ जलताओ एगपदेसियाए सेडीए इत्थ णं तमुकाए समुट्टिए. सत्तरस एकवीसे जोयणसए उढं उप्पइत्ता तओ पच्छा तिरियं पवित्थरमाणे २ सोहम्मीसाणसणकुमारमाहिंदे चत्तारिवि कप्पे आवरित्ताणं उढपिय णं जाव बंभलोगे कप्पे रिट्ठविमाणपत्थडं संपत्ते, एत्थ णं तमुक्काए णं संनिडिए, तमुक्काए णं भंते! किंसंठिए पं० १. गोयमा ! अहे मडगमूलसंठिए उप्पिं कुकडगपंजरगसंठिए पं०, तमुक्काए णं भंते! केवतियं विक्खंभेणं केवतियं परिक्खेवेणं पं० १, गोयमा ! दुविहे पं० तं० संखेज्जवित्थडे य असंखेज्जवित्थडे य, तत्थ णं जे से संखेज्जवित्थडे से णं संखेज्जाई जोयणसहस्साइं विक्खंभेणं असंखेज्जाई जोयणसहस्साइं परिक्खेवेणं पं० तत्थ णं जे से असंखिज्जवित्थडे से णं असंखेजाई जोयणसहस्साइं विक्खंभेणं असंखेजाइं जोयणसहस्साइं परिक्खेवेणं पं० तमुक्काए णं भंते! केमहालए पं० १, गोयमा ! अयं णं जंबुद्दीवे २ सव्वदीवसमुद्दाणं सव्वभंतराए जाव परिक्खेवेणं पं०, देवे णं महिटीए जाव महाणुभावे इणामेव२त्तिकट्टु केवलकप्पं जंबुद्दीवं २ तिहिं अच्छरानिवाएहिं तिसत्तखुत्तो अणुपरियट्टि - ताणं हव्वमागच्छा से णं देवे ताए उक्किट्ठाए तुरियाए जाव देवगईए बीईवयमाणे २ जाव एकाहं वा दुयाहं वा तियाहं वा उक्कोसेणं छम्मासे वीतीवजा अत्थेगतियं तमुकायं बीतीवजा अत्थेगतियं नो तमुकायं बीतीवएजा, एमहालए णं गोयमा ! तमुक्काए पं०, अत्थि णं भंते! तमुक्काए गेहाति वा गेडावणाति वा?, णो तिणद्वे समट्ठे, अत्थि णं भंते! तमुकाए गामाति वा जाव संनिवेसावि वा ? णो विणट्टे समट्ठे, अस्थि णं भंते! तमुक्काए ओराला बलाहया संसेयंति संमुच्छंति संवासंति वा ? इंता अन्थि तं भंते! किं देवो पकरेति असुगे पकरेति नागो पकरेति ?, गोयमा ! देवोऽवि पकरेति असुरोऽवि पकरेति णागोऽचि पकरेति, अस्थि णं भंते! तमुकाए बादरे थणियसद्दे बायरे विज्जुए?, हंता अस्थि, तं भंते! किं देवो पकरेति ० ?, तिनिवि पकरेति ?, अस्थि णं भंते! तमुक्काए वायरे पुढवीकाए बादरे अगणिकाए ?, णो तिणट्टे समट्टे, णण्णत्य विग्गहगतिसमावन्नएणं, अत्थि णं भंते! तमुकाए चंदिमरियगह गणणक्खत्ततारारूवा ?, णो तिणट्टे समट्टे, पलियस्सतो पुण अत्थि, अस्थि णं भंते! तमुकाए चंदाभाति सूराभाति वा?, जो तिणट्टे समडे, कादूसणिया पुण सा, तमुक्काए णं भंते! केरिसए वजेणं पं० १. गोयमा! काले कालवभासे गंभीरलोमहरिसजणणे भीमे उत्तासणए परमकिण्हे वनेणं पं०, देवेऽचि णं अत्थेगतिए जे णं तप्पढमयाए पासित्ताणं संभाएज्जा अहे णं अभिसमागच्छेज्जा तओ पच्छा सीहं २ तुरियं २ खिप्पामेव बीतीवएज्जा, तमुक्कायस्स णं भंते! कति नामधेज्जा पं० १, गोयमा ! तेरस नामभेज्जा पं० तं० तमेनि वा तमुकाएति वा अंधकारेइ वा महंधकारेइ वा लोगंधकारेइ वा लोगतमिस्सेइ वा देवंधकारेति वा देवतमिस्सेति वा देवारनेति वा देववूहेति वा देवफलिहेति वा देवपडिक्खोभेति वा अरुणोदति वा समुद्दे, तमुकाए णं भंते! किं पुढवीपरिणामे आउपरिणामे जीवपरिणामे पोग्गलपरिणामे ?, गोयमा ! नो पुढवीपरिणामे आउपरिणामेऽवि जीवपरिणामेऽवि पोग्गलपरिणामेऽवि, तमुकाए णं भंते! सव्वे पाणा भूया जीवा सत्ता पुढवीकाइयत्ताए जाव तसकाइयत्ताए उववचपुव्वा ?, हंता गोयमा असतिं अदुवा अणंतखुत्तो णो चेव णं बादरपुढवीकाइयताए बादरअगणिकाइयत्ताए वा । २४० । कति णं भंते! कण्हराईओ पं० १, गोयमा ! अट्ठ कण्हराईओ पं०, कहि णं भंते! एयाओ अट्ट कण्हराईओ पं० १, गोयमा उपिं (५२) २०८ श्रीभगवत्यंग - सत
मुनि दीपरत्नसागर
| SR No. | 003905 |
| Book Title | Aagam Manjusha 05 Angsuttam Mool 05 Bhagavati |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 248 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 169 MB |