Page Text
________________
मेगे सामाणिए देव केवलकप्पं जंबुद्दीवं २ बहूहिं असुरकुमारेहिं देवेहिं देवीहि य आइन्नं वितिकिन्नं उवत्थडं संबडं फुटं अवगाढावगाढं करेत्तए, अदुत्तरं च णं गोयमा! पभू चमरस्स असुरिंदस्स असुररन्नो एगमेगे सामाणियदेवे तिरियमसंखेज्जे दीवसमुद्दे महूद्धिं असुरकुमारेहिं देवेहिं देवीहि य आइष्णे चितिकिण्णे उवत्थडे संथडे फुडे अवगाढावगाढे करेत्तए, एस णं गोयमा ! चमरस्स असुरिंदरस असुररन्नो एगमेगस्स सामाणियदेवस्स अयमेयारूवे विसए विसयमेत्ते बुइए, णो वेव णं संपत्तीए विकुव्विसु वा विकुब्वंति या विकुव्विस्संति वा, जति णं भंते! चमरस्स असुरिंदस्स असुररनो सामाणिया देवा एवंमहिड्डीया जाव एवतियं च णं पभू विकुव्वित्तए चमरस्स णं भंते! असुरिंदस्स असुररनो तायत्तीसिया देवा केमहिड्दीया० १. तायन्तीसिया देवा जहा सामाणिया तहा नेयव्वा, लोयपाला तहेब, नवरं संखेज्जा दीवसमुद्दा भाणियच्या, बहूहिं असुरकुमारेहिं० आइने जाव बिउव्विस्संति वा, जति गं भंते! चमरस्स असुरिंदरस असुररन्नो लोगपाला देवा एवंमहिड्डीया जाव एवतियं च णं पभू विउब्वित्तए चमरस्स णं भंते! असुरिंदरस असुररनो अग्गमहिसीओ देवीओ केमहि - टीयाओ जाव केवतियं च णं पभू विकुस्वित्तए ?, गोयमा ! चमरस्त णं असुरिंदस्स असुररनो अग्गमहिसीओ महिढीयाओ जाव महाणुभागाओ, ताओ णं तत्थ साणं २ भवणार्ण साणं २ सामाणियसाहस्सीणं साणं २ महत्तरियाणं साणं २ परिसाणं जाव एमहिड्डियाओ अनं जहा लोगपालाणं अपरिसेसं । सेवं मंते !त्ति । १२६ । भगवं दोचे गोयमे समणं भगवं महावीरं बंद नसइत्ता जेणेव तब्बे गोयमे वायुभूतिअणगारे तेणेव उवागच्छति त्ता तथं गोयमं वायुभूतिं अणगारं एवं वदासी एवं खलु गोयमा! चमरे असुरिंदे असुरराया एवंम हिड्ढीए तं चैव सव्वं अपटुवागरणं नेयव्वं अपरिसेसियं जाव जग्गमहिसीणं वत्तव्वया समत्ता, तए णं से तचे गोयमे वायुभूती अणगारे दोचस्स गोयमस्स अग्निभूइस्स अणगारस्स एवमाइक्खमाणस्स भा० पं० परू० एयमहं नो सद्दहइ नो पत्तियइ नो रोयइ एयम असदहमाणे अपत्तियमाणे अरोएमाणे उडाए उट्ठेइ ता जेणेव समणे भगवं महावीरे तेणेव उवागच्छइ जाव पज्जुवासमाणे एवं वयासी एवं खलु भंते! दोचे गोयमे अग्निभूतिअणगारे मम एवमातिक्खइ० भासइ० पनवेइ० परूवेइ एवं खलु गोयमा ! चमरे असुरिंदे असुरराया महि ढीए जाव महाणुभावे, से णं तत्थ चोत्तीसाए भवणावाससयसहस्साणं एवं तं चैव सव्वं अपरिसेसं भाणि (प्र० ने ) यज्ञं जाव अग्गमहिसीणं वत्तव्वया समत्ता, से कहमेयं भंते! एवं १, गोयमादि समणे भगवं महावीरे तब गोयमं वाउभूर्ति अणगारं एवं वदासी जण्णं गोयमा ! दोघे गो० अग्गिभूइअणगारे तव एवमातिक्खइ० एवं खलु गोयमा ! चमरे ३ महिडीए एवं तं चैव सव्वं जाव अम्गमहिसीणं वतव्वया समत्ता, सच्चे णं एसमट्ठे, अहंपिणं गोयमा ! एवमातिक्खामि० भा० प० परू० एवं खलु गोयमा! चमरे ३ जाव महिढीए सो चेव बितिओ गमो भाणियव्वो जाव अम्ममहिसीओ, सचे णं एसमट्टे, सेवं भंते! २, तचे गोयमे ! वायुभूती अणगारे समणं भगवं महावीरं वंदइ नमसइ त्ता जेणेव दोचे गोयमे अग्निभूती अणगारे तेणेव उवागच्छइ ता दोघं गो० अग्निभूर्ति अणगारं वंदइ नमसति त्ता एयमहं सम्मं विणएणं भुजो २ खामेति । १२७ । तए णं से तच्चे गोयमे बाउभूती अणगारे दोघेण गोयमेणं अग्गिभूतिणामेणं अणगारेणं सद्धिं जेणेव समणे भगवं महावीरे जाब पज्जुवासमाणे एवं वयासी जति णं भंते! चमरे असुरिंदे असुरराया एवंमहिड्डीए जाव एवतियं च णं पभू विकुव्वित्तए बली णं भंते! वइरोयणिंदे वइरोयणराया केमहिटीए जाव केवइयं च णं पभू विकुव्वित्तए ?, गोयमा ! बली णं० वइरोयणराया महिड्डीए जाब महाणुभागे, से णं तत्थ तीसाए भवणावाससयसहस्साणं सट्ठीए सामाणियसाहस्सीणं सेसं जहा चमरस्स तहा बलियस्सवि णेयव्वं, णवरं सातिरेगं केवलकप्पं जंबुद्दीवंति भाणियव्वं, सेसं तं चैव णिरवसेसं यच्वं नवरं णाणत्तं जाणियव्वं भवणेहिं सामाणिएहि य, सेवं भंतेरत्ति तच्चे गोयमे वायुभूती जाव विहरति, भंवेत्ति भगवं दोचे गोयमे अग्गिभूतीअणगारे समणं भगवं महावीरं बंद एवं वदासी- जइ णं भंते! बली वइरोयशिंदे वइरोयणराया एमहिड्डीए जाव एवइयं च णं पभू विकुव्वित्तए धरणे णं भंते! नागकुमारिंदे नागकुमारराया केमहिड्डीए जाव केवतियं च णं पभू विकुत्तिए ?, जहा चमरे तहा धरणेऽवि, नवरं संखेचे दीवसमुद्दे भाणियवं, एवं जाव यणियकुमारा वाणमंतरा जोइसियावि, नवरं दाहिणिले सजे अग्निभूती पुच्छति, उत्तरिले सवे वाउभूती पुच्छइ, भंतेत्ति भगवं दोचे गोयमे अग्निभूती अणगारे समणं भगवं म० वंदति नम॑सति त्ता एवं क्यासी-जति णं भंते! जोइसिंदे जोतिसराया एमहिड्डीए जाव एवतियं च णं पभू विकुञ्चित्तए सक्के णं भंते! देविंदे देवराया केमहिड्डीए जाव केवतियं च णं पभू विउवित्तए १, गोयमा ! सक्के णं देविंदे देवराया महिइडीए जाव महाणुभागे, से णं तस्थ बत्तीसाए विमाणावाससयसहस्साणं चउरासीए सामाणियसाहस्सीणं जाव चउण्डं चउरासीणं आयरक्ख (देव) साहस्त्रीणं अन्नेसिं च जाव विहरह, एवंमहिड्रढीए जाव एवतियं च णं पभू विकुवित्तए, एवं जहेव चमरस्स तहेव भाणियां, नवरं दो केवलकप्पे० जंबुद्दीवे २ अवसेसं तं चैव, एस णं गोयमा! सक्कस्स देविंदस्स देवरण्णो इमेयारूबे विसए विसयमेते बुइए, नो चेव णं संपत्तीए विउहिंसु वा विउयति वा विउधिस्सति वा । १२८ । जइ णं भंते! सक्के देविंदे देवराया एमहिड्डीए जाव एवतियं च णं पभू विकुव्वित्तिए, एवं खलु देवाणुप्पियाणं अंतेवासी तीसए णामं अणगारे पगतिभद्दए जाव विणीए छछट्टेणं अणिक्खित्तेणं तवोकम्मेणं अप्पाणं भावेमाणे बहुपडिपुण्णाई अट्ठ संवच्छराई (४५) १८० श्रीभगवत्यंग ३
मुनि दीपरत्नसागर
| SR No. | 003905 |
| Book Title | Aagam Manjusha 05 Angsuttam Mool 05 Bhagavati |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 248 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 169 MB |