Aagam Manjusha 05 Angsuttam Mool 05 Bhagavati

SR No.: 003905
Original Sutra Author: N/A
Author: Anandsagarsuri, Sagaranandsuri
Publisher: Deepratnasagar
Publication Year: 2012
Total Pages: 248
Language: Prakrit
Classification: Book_Devnagari, Agam, Canon, & agam_bhagwati
File Size: 169 MB

Page 23

। ११९ । कतिविद्दे णं भंते! आगासे पं० १, गोयमा ! दुविहे आगासे पं० तं०- लोयागासे य अलोयागासे य. लोयागासे णं भंते! किं जीवा जीवदेसा जीवपदेसा अजीवा अजीवदेसा अजीवपएसा ?, गोयमा ! जीवावि जीवदेसावि जीवपदेसावि अजीवावि अजीवदेसावि अजीवपदेसावि. जे जीवा ते नियमा एगिंदिया बंदिया तेइंदिया चउरिंदिया पंचेंदिया अणिदिया, जे जीवदेसा ते नियमा एगिंदियदेसा जाव अणिदियदेसा. जे जीवपदेसा ते नियमा एगिंदियपदेसा जाव अणिदियपदेसा, जे अजीवा ते दुविहा पं० तं० रूबी य अरुवी य, जे रूबी ते चउब्विहा पं० [सं० खंधा खंधदेसा खंधपदेसा परमाणुपोग्गला. जे अरूबी ते पंचविहा पं० तं० धम्मत्थिकाए नो धम्मत्धिकायस्स देसे धम्मत्थिकायस्स पदेसा अधम्मत्थिकाए नो अधम्मत्थिकायस्स देसे अधम्मत्थिकायस्स पदेसा अद्धासमए । १२० । अलोगागासे णं भंते! किं जीवा पृच्छा तह चेव, गोयमा! नो जीवा जाव नो अजीवप्पएसा, एगे अजीवदव्वदेसे अगुरुयलहुए अणतेहिं अगुरुयलहुयगुणेहिं संजुत्ते सागासे अनंतभागूणे । १२१ । धम्मत्थिकाए णं भंते! किंमहालए पं० १. गोयमा ! लोए लोयमेत्ते लोयप्पमाणे लोयफुडे लोयं चैव फुसित्ताणं चिट्ठइ, एवं अहम्मत्थिकाए लोयागासे जीवन्धिकाए पोम्गलन्थिकाए पंचवि एक्काभिलावा। १२२ । अहेलोए णं भंते! धम्मत्थिकायस्स केवइयं फुसति ?, गोयमा ! सातिरेगं अर्द्ध फुसति. तिरियलोए णं भंते! पुच्छा. गोयमा! असंखेज्जइभागं फुसइ. उइढलोए णं भंते! पुच्छा, गोयमा ! देसृणं अद्धं फुसइ । १२३ । इमा णं भंते! रयणप्पभापुढवी धम्मत्थिकायस्स किं संखेज्जइभागं फुसति असंखेज्जइभागं फुसइ संखिजे भागे फुसति असंखेजे भागे फुसति सव्वं कुसति ?, गोयमा ! णो संखेज्जइभागं फुसति असंखेइभागं फुसइ णो संखेज्जे ० णो असंखेजे० नो सव्यं फुसति इमीसे णं भंते! रयणप्पभाए पृढबीए उवासंतरे घणोदही धम्मत्थिकायस्स पुच्छा किं संखेजइभागं फुसति० १, जहा रयणप्पभा तहा घणोदहिघणवायतणुवायावि, इमीसे णं भंते! रयणप्पभाए पृढवीए उवासंतरे धम्मत्थिकायस्स किं संखेज्जतिभागं फुसति असंखेजड़भागं फुसइ जाव सव्वं फुसइ ?, गोयमा ! संखेज्जइभागं फुसइ णो असंखेज्जइभागं फुसइ नो संखेजे० नो असंखेजे० नो सव्वं फुसइ. उवासंतराई सच्चाई जहा रयणप्पभाए पुढवीए वत्तव्वया भणिया, एवं जाव आहेसत्तमाए, जंबुद्दीवाइया दीवा लवणसमुद्दाइया समुद्दा, एवं सोहम्मे कप्पे जाव ईसिप भारापुढवी, एते सब्वेऽवि असंखेज्जतिभागं फुसति, सेसा पढिसेहेयच्या, एवं अधम्मस्थिकाए, एवं लोयागासेवि, 'पुढवोदहीघणतणुकप्पा गेवेज्ज ऽणुत्तरा सिद्धी । संखेज्जतिभागं अंतरेसु सेसा असंखेजा ॥ २२ ॥ १२४ ॥ उ० १० इति द्वितीय शतकं ॥ | केरिसविउव्वणा १ चमर २ किरिय३ जाणि४स्थि ५ नगर ६ पाला ७ य अहिवइ ८ इंदिय९परिसा १० ततियम्मि सए दसुदेसा ॥ २३ ॥ तेणं कालेणं तेणं समएणं मोया नामं नगरी होत्था, बण्णओ, तीसे णं मोयाए नगरीए बहिया उत्तरपुरच्छिमे दिसीभागे णं नंदणे नामं चेतिए होत्था. वण्णओ. तेणं कालेणं सामी समोसढे, परिसा निग्गच्छइ पडिगया परिसा, तेणं कालेणं तेणं समएणं समणस्स भगवओ महावीरस्स दोचे अंतेवासी अग्गिभूतिनामं अणगारे गोयमगोत्तेणं सत्तुस्सेहे जाव पज्जुवासमाणे एवं वदासी चमरे णं भंते! असुरिंदे असुरराया केमहिड्डीए केमहज्बुत्तीए केमहाबले केमहायसे केमहासोक्खे केमहाणुभागे केवइयं च णं पभू बिउव्वित्तए ? गोयमा! चमरे णं असुरिंदे असुरराया महिड्ढीए जाव महाणुभागे, से णं तत्थ चोत्तीसाए भवणावाससयसहस्साणं चउसडीए सामाणियसाहस्सीणं तायत्तीसाए तायत्तीसगाणं जाव विहरड, एवमहिड्ढीए जाव एमहाणुभागे. एवतियं च णं पभू बिउब्वित्तए, से जहानामए जुवतिं जुवाणे हत्थेणं हत्थे गेण्हेजा, चकस्स वा नाभी अरगाउत्ता सिया. एवामेव गोयमा! चमरे असुरिंदे असुरराया बेडव्वियसमुग्धाएणं समोहण्णइ त्ता संखेजाई जोषणाई (प्र० उड्ड) दंडं निसिरइ, तं रयणाणं जाव रिट्ठाणं, अहाचायरे पोम्गले परिसाडेइ ता अहासहुमे पोग्गले परियाएति त्ता दोचंपि उब्वियसमुग्धाएणं समोहष्णति ता पभू णं गोयमा ! चमरे असुरिंदे असुरराया केवलकप्पं जंबुद्दीचं २ चहहिं असुरकुमारेहिं देवेहिं देवीहि य आइण्णं वितिकिष्णं उवत्थडं संथडं फुडं अवगाढावगाढं करेत्तए अदुत्तरं च णं गोयमा ! पभू चमरे असुरिंदे असुरराया तिरियमसंखेजे दीवसमुद्दे बहुहिं असुरकुमारेहिं देवेहिं देवीहि य आइण्णे वितिकिष्णे उवत्थडे संथडे फुडे अवगाढाबगाडे करेत्तए एस णं गोयमा ! चमरस्स असुरिंदस्स असुररण्णो अयमेयारूचे विसए विसयमेत्ते बुझए, णो चेव णं संपत्तीए विकुव्विसु या विकुच्वति या विकुविस्सति वा । १२५ । जति णं भंते! चमरे असुरिंदे असुरराया एमहिड्डीए जाव एवइयं च णं पभू विकुव्वित्तए, चमरस्त णं भंते! असुरिंदस्स असुररन्नो सामाणिया देवा केमहिढीया जाव केवतियं च णं पभू विकुब्विनए ?, गोयमा ! चमरस्स असुरिंदस्स असुररन्नो सामाणिया देवा महिट्टीया जाव महाणुभागा, ते णं तत्थ साणं २ भवणाणं साणं २ सामाणियाणं साणं २ अग्गमहिसीणं जाव दिव्वाई भोगभोगाई भुंजमाणा विहरंति, एवंमहिड्डीया जाव एवइयं च णं पभू विकुव्वित्तए से जहानामए जुवतिं जुवाणे हत्थेणं हत्थे गेण्हेजा चकरस वा नाभी अरयाउत्ता सिया एवामेव गोयमा ! चमरस्स असुरिंदरस असुरो एगमेगे सामाणिए देवे वेडव्वियसमुग्धाएणं समोहण्णइ ता जाव दोचंपि वेडव्वियसमुग्धाएणं समोहण्णति त्ता पभू णं गोयमा ! चमरस्स असुरिंदस्स असुररन्नो एग १७९ श्रीभगवत्यं सर्ग-३
मुनि दीपरत्नसागर