Page Text
________________
हिणपयाहिणं जाव नमंसित्ता एवं वयासी-तुज्झे णं भंते ! मम धम्मायरिया अहन्नं तुझं अंतेवासी, तए णं अहं गोयमा ! गोसालस्स मंखलिपुत्तस्स एयमढे पडिसुणेमि, तए णं अई गोयमा! गोसालेणं मंखलिपुत्तेणं सद्धि पणि. यभूमीए छव्वासाई लाभं अलाभं सुखं दुक्खं सक्कारमसक्कारं पचणुभवमाणे अणिचजागरियं विहरित्था ।५४१। तए णं अहं गोयमा! अन्नया कदायि पढमसरदकालसमयंसि अप्पट्टिकायंसि गोसालेणं मखलिपुत्तेणं सदि सिद्धत्वगामाओ नगराओ कुम्मार(प्र०म्म)गाम नगरं संपढिए विहाराए, तस्स णं सिद्धत्वगामस्स नगरस्स कुम्मारगामस्स नगरस्स य अंतरा एत्थ णं महं एगे तिलथंभए पत्तिए पुप्फिए हरियगरेरिजमाणे मिरीए अतीव २ उपसोभेमाणे २ चिट्ठइ, तए णं गोसाले मंखलिपुत्ते तं तिलथंभगं पासइ त्ता ममं वं० नमंत्ता एवं वयासी-एस णं भंते! तिलथंभए कि निष्फजिस्सइ नो निष्फनस्सति ?, एए य सत्त तिलपुष्फजीवा उदाइत्ता २ कहिं गच्छिहिंति कहि उववजिहिति ?, तए णं अहं गोयमा ! गोसालं मंखलिपुत्तं एवं वयासी-गोसाला ! एस णं तिलथंभए निष्फनिस्सइ, नो न निष्फजिस्सइ, एए य सत्त तिलपुष्फजीवा उदाइत्ता २ एयस्स चेच तिलथंभगम्म एगाए तिलमंगलियाए सत्त तिला पञ्चायाइस्संति, तए णं से गोसाले मंखलिपुत्ते मम एवं आइक्खमाणस्स० एयमढें नो सदहति नो पत्तियति नो रोएइ एयम१ असहमाणे० ममं पणिहाए अयण्णं मिच्छावादी भवउत्तिकटु ममं अंतियाओ मणियं २ पच्चोसकह त्ता जेणेव से तिलथंभए तेणेव उवागच्छइ त्ता तं तिलथंभगं सलेठ्ठयायं चे उप्पाडेइ त्ता एगंते एडेति, तक्खणमेत्तं च णं गोयमा ! दिव्ये अब्भवद्दलए पाउम्भूए, तए णं से दिव्वे अभवहलप खिप्पामेव पतणतणाप्रति ता खिप्पामेव पविजुयाति त्ता खिप्पामेव नचोदगं णातिमट्टियं पविरलपफुसियं रयरेणुविणासणं दिव्वं सलिलोदगवासं वासति जेणं से तिलथंभए आसत्ये पचायाए तत्थेव बद्धमूले तत्वेव पतिट्टिए, ते य सत्त तिलपुष्फजीवा उहाइना २तस्सेव तिलथंभगस्स एगाए तिलसंगुलियाए सत्त तिला पचायाया। ५४२। तएणं अहं गोयमा! गोसालेणं मंखलिपुत्तेणं सद्धि जेणेव कुम्मग्गामे नगरे तेणेव उवागच्छामि, तए णं तस्स कुम्मग्गामस्स नगरस्स चहिया बेसियायणे नाम बालतबस्सी छ छट्रेणं अणिक्खित्तेणं तवोकम्मेणं उड्ढे चाहाओ पगिज्झिय २ सुराभिमहे आयावणभूमीए आयावेमाणे विद्दरइ आइञ्चतेयतवियाओय से छप्पईओ सबओ समंता अभिनिस्सर्वति पाणभूयजीवसत्तदयट्टयाए यणं पडियाओ २ तत्थेव २ भुजो २ पञ्चोरुभेति, तए णं से गोसाले मंखलिपुत्ते वेसियायणं बालतवस्सि पासति त्ता ममं अंतियाओ सणियं २ पच्चोसक्कइ त्ता जेणेव वेसियायणे चालतबस्सी तेणेव उवागच्छइत्ता वेसियायणं वाल. तवस्सि एवं वयासी-किं भवं मुणी मुणिए उदाहु जूयासेज्जायरए २१.तए णं से वेसियायणे चालतवस्सी गोसालस्स मंखलिपुत्तस्स एयममु णो आढाति नो परियाणाति तुसिणीए संचिट्ठति, तए णं से गोसाले मंखलिपुत्ते वेसियायणं बालतवस्सि दोचंपि तचंपि एवं वयासी-किं भवं मुणी मुणिए जाव सेज्जायरए २१,तए णं से बेसियायणे चालतवस्सी गोसालेणं मंखलिपुत्तेणं दोचंपि तचंपि एवं वुत्ते समाणे आसुरुत्ते जाव मिसिमिसेमाणे आयावणभूमीओ पचोरुमति त्ता तेयासमुग्घाएणं समोहनइत्ता सत्तट्ठ पयाई पच्चोसकइ त्ता गोसालस्स मंसलिपुत्तस्स बहाए सरीरगंसि तेयं निसिरइ, तए णं अहं गोयमा ! गोसालस्स मंखलिपुत्तस्स अणुकंपणट्टयाए वेसियायणस्स बालतबस्सिस्स तेयपडि. साहरणट्ठाए एत्य णं अंतरा अहं सीयलियं तेयलेस्सं निसिरामि जाए सा ममं सीयलियाए तेयलेस्साए बेसियायणस्स बालतवस्सिस्स उसिणा तेयलेस्सा पडिहया, तए णं से वेसियायणे चालतवस्सी ममं सीयलियाए तेयलेस्साए उसिणं तेयलेस्सं पडियं जाणित्ता गोसालस्स य मंखलिपुत्तस्स सरीरगस्स किंचि आचाहं वा वाबाई वा छविच्छेदं वा अकीरमाणं पासित्ता सो उसिणं तेयलेस्सं पडिसाहरइत्ता ममं एवं बयासी-से गयमेयं भगवं!२.तए णं से गोसाले मंखलिपुत्ते ममं एवं वयासी-किण्हं भंते! एस जयासिज्जायरए तुझे एवं वयासी-से गयमेयं भगवं!२१. तए णं अहं गोयमा ! गोसालं मंखलिपुत्तं एवं वयासी-तुम णं गोसाला! वेसियायणं बालतवस्सि पाससित्ता ममं अंतियाओ सणियं २ पचोसकसि जेणेच वेसियायणे बालतवस्सी तेणेव उवागच्छसित्ता वेसियायणं चालतवस्सि एवं बयासी-कि भवं मुणी मुणिए उदाहुजूयासेज्जायरए?, तए णं से वेसियायणे चालतवस्सी तव एयमढें नो आढाति नो परिजाणाति तुसिणीए संचिट्ठिए,तए णं तुमं गोसाला वेसियायणं चालतबस्सि दोचंपि तचंपि एवं वयासी-किं भवं मुणी मुणिए जाव सेज्जायरए २१,तए णं से वेसियायणे पालतवस्सी तुम दोचंपि तचंपि एवं बुत्ते समाणे आसुरुत्ते जाव पञ्चोसकति त्ता तव वहाए सरीरगंसि तेयं निस्सरइ, तए णं अहं गोसाला! तव अणुकंपणट्टयाए वेसियायणस्स चालतवस्सिस्स तेयलेस्सापडिसाहरणट्ठयाए एस्थ णं अंतरा सीयलियवेयलेस्स निसिरामि जाव पडिहय जाणित्ता तब यसरीरगस्स किंचि आवाहं वा वाचाहं वा छविच्छेदं वा अकीरमाणं पासेत्ता उ(सीओ)सिणं तेयलेस्सं पडिसाहरति त्ता ममं एवं वयासी-से गयमेयं भगवं!२, तए णं से गोसाले मंख
जाव संजायभये ममं वंदवि नमसति ता एवं बयासी-कहनं भंते! संखित्तविउलतेयलेस्से भवति?.तएणं अहं गोयमा! गोसालं मंखलिपुत्तं एवं बयासी-जेणं गोसाला एगाए सणहाए कुम्मासपिडियाए एगेण य वियडासएणं छटुंछट्टेणं अनिक्खित्तेणं तबोकम्मेणं उड्ढे चाहाओ पगिज्झिय जाव विहरति सेणं अंतो छण्हं मासाणं संखित्तविउलतेयलेस्से भवति, तए णं से गोसाले मंखलिपुत्ते ममं एयमहूँ सम्म विणएणं पडिसुणेति । ५४३। तए णं अहं गोयमा ! अन्नदा कदाइ गोसालेणं मंखलिपुत्तेणं सद्धिं कुम्मगामाओ नगराओ सिद्धस्थग्गामं नगरं संपट्टिए विहाराए जाहे य मोतं देसं हव्वमागया जत्थ णं से तिलथंभए तए णं से गोसाले मंखलिपुत्ते एवं वयासी-तुझे णं भंते ! तदा ममं एवं आइक्खह जाव परूवेह-गोसाला! एस णं तिलयंभए निष्फजिस्सइ तं चेव जाव पचाइस्संति तगणं मिच्छा, इमं च णं पचक्खमेव दीसइ एस णं से तिलयंभए णो निष्फने अनिफनमेव ते य सत्त निलपुफजीवा उदाइत्ता नो एयस्स चेव विलथंभगस्स एगाए तिलसंगुलियाए सत्त तिला पञ्चायाया, तए णं अहं गोयमा! गोसालं मंखलिपुत्तं एवं वयासी-तुम णं गोसाला! तदा मर्म एवं आइक्खमाणस्स जाव परुवेमाणस्स एयमटुं नो सदहसि नो पत्तियसि नो रोययसि एयम१ असदहमाणे ममं पणिहाए अयन्न मिच्छावादी भवउत्तिकटु ममं अंतियाओ सणियं २ पचोसकसि त्ता जेणेव से तिलर्थभए तेणेव उवा०त्ता जाव एगंतमंते एडेसि, नक्वणमेनं गोमाला! दिब्बे अभवद्दलए पाउन्भूते, तए णं से दिब्बे अब्भवद्दलए खिप्पामेव तं चेव जाव तस्स चेव तिलथंभगस्स एगाए तिलसंगलियाए सत्त तिला पचायाया, तं एस गं गोसाला ! से तिलथंभए निप्फन्ने णो अनिफन्नमेव, ने य सत्त तिलपुष्फजीवा उदाइत्ता २ एयस्स चेव तिलथंभयस्स एगाए विलसंगलियाए सत्त तिला पञ्चायाया, एवं खलु गोसाला! वणस्सइकाइया पउद्परिहारं परिहरति, तए णं से गोसाले मंखलिपुत्ते मम एवमाइक्वमाणस्स (७७) ३०८ श्रीभगवत्यंगं - सत-१५
| SR No. | 003905 |
| Book Title | Aagam Manjusha 05 Angsuttam Mool 05 Bhagavati |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 248 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 169 MB |