Page Text
________________
पकामं दाउं पकामं भोत्तुं पकामं परिभाएउं तं अणुहोहि ताव जाया ! विउले माणुस्सए इडिटसकारसमुदए, तओ पच्छा अणुहूयकलाणे वढियकुलतंतु जाव पव्बइहिसि, तर णं से जमाली खत्तियकुमारे अम्मापियरो एवं वयासी तहावि णं तं अम्मताओ ! जनं तुज्झे ममं एवं वदह-इमं च ते जाया ! अज्जगपज्जग जाव पव्वइहिसि एवं खलु अम्मताओ ! हिरन्ने य सुवन्ने य जाव सावएजे अग्गिसाहिए चोरसाहिए रायसाहिए मधुसाहिए दाइयसाहिए अग्गिसामने जाव दाइयसामने अधुवे अणितिए असासए पृथ्वि वा पच्छा वा अवस्सविपजहियब्वे भविस्सइ से केस णं जाणइ तं चेव जाव पव्वइत्तए, तए णं तं जमालिं खत्तियकुमारं अम्मताओ जाहे नो संचाएन्ति विसयाणुलोमाहिं बहूहिं आघवणाहि य पनवणाहि य सन्नवणाहि य विनवणाहि य आघवेत्तए वा पन्नवेत्तए वा सनवेत्तए वा विष्णवित्तए वा ताहे विसयपडिकूलाहिं संजमभयुब्वेयणकरीहिं पद्मवणाहिं पन्नत्रेमाणा एवं वयासीएवं खलु जाया ! निम्गंथे पावयणे सच्चे अणुत्तरे केवलिए जहा आवस्सए जाव सव्वदुक्खाणमंतं करेति अहीब एतदिट्टीए खुरो इब एगंतधाराए लोहमया जवा चावेयव्वा वालुयाकबले इव निस्साए गंगा वा महानदी पडिसोयगमणयाए महासमुद्दे वा भुयाहिं दुत्तरो तिक्खं कमियव्वं गरुयं लंबेयब्वं असिधारगं वतं चरियव्वं नो खलु कप्पड़ जाया ! समणाणं निथाणं आहाकम्मिएत्ति या उद्देसिएइ वा मिस्सजाएइ वा अज्झोयरएइ या पूइएइ वा कीएइ वा पामिचे वा अच्छेज्जेइ वा अणिसट्टेइ वा अभिहडेइ वा कंतारभत्तेइ वा दुब्भिक्खभत्तेइ वा गिलाणभत्तेइ वा वहलियाभत्तेइ वा पाहुणगभत्तेइ वा सेज्जायरपिंडेड वा रायपिंडेड वा मूलभोयणेइ वा कंदभोयणेइ वा फलभोयणेइ वा बीयभोयणेइ वा हरियभोयणेइ वा भुत्तए वा पायए वा, तुमं सि च णं जाया! सुहसमुचिए णो चेव णं दुहसमुचिते नालं सीयं नालं उन्हं नालं खुहा नालं पिवासा नालं चोरा नालं वाला नालं दंसा नालं मसया नालं वाइयपित्तियसेंभियसन्निवाए विविहे रोगायंके परीसहोवसग्गे उदिने अहियासेत्तए, तं नो खलु जाया! अम्हे इच्छामो तुज्झं खणमवि विप्पओगं तं अच्छाहि ताव जाया जायताव अम्हे जीवामो, तओ पच्छा अम्हेहिं जाब पव्वइहिसि, तए णं से जमाली खत्तियकुमारे अम्मापियरो एवं क्यासी तहावि णं तं अम्मताओ ! जनं तुज्झे मम एवं वयह- एवं खलु जाया! निग्गंथे पावयणे सच्चे अणुत्तरे केवलिए तं चैव जाव पव्वइहिसि एवं खलु अम्मताओ ! निथे पावयणे कीवाणं कायराणं कापुरिसाणं इहलोगपडिबद्धाणं परलोगपरंमुहाणं विसयतिसियाणं दुरणुचरे पागयजणस्स, धीरस्स निच्छियस्स ववसियस्स नो खलु एत्थं किंचिवि दुकरं करणयाए, तं इच्छामि णं अम्मताओ! तुज्झेहि अच्भणुनाए समाणे समणस्स भगवओ महावीरस्स जाव पव्वइत्तए, तए णं जमालि खत्तियकुमारं अम्मापियरो जाहे नो संचाएंति विसयाणुलोमाहि य विसयपडिकूलाहि य बहूहि य आघवणाहि य पन्नवणाहि य० आघवेत्तए वा जाव विनवेत्तए वा ताहे अकामए चैव जमालिस्स खत्तियकुमारस्स निक्खमणं अणुमन्जित्था । ३८३ । तए णं तस्स जमालिस्स खत्तियकुमारस्स पिया कोडुंचियपुरिसे सहावेइ त्ता एवं बयासी खिप्पामेव भो देवाणुप्पिया ! खत्तियकुंडग्गामं नगरं सम्भितरबाहिरियं आसियसंमज्जिओवलित्तं जहा उववाइए जाव पचप्पियंति, तए णं से जमालिस्स खत्तियकुमारस्स पिया दोपि कोटुंबियपुरिसे सदावेइ त्ता एवं क्यासी खिप्पामेव भो देवाणुष्पिया ! जमालिस्स खत्तियकुमारस्स महत्थं महग्धं महरिहं विपुलं निक्खमणाभिसेयं उबट्टवेह, तए णं ते कोटुंचियपुरिसा तहेब जाब पचप्पियंति, तए णं तं जमालिं खत्तियकुमारं अम्मापियरो सीहासणवरंसि पुरत्थाभिमुहं निसीयावेति त्ता अट्ट सएणं सोवन्नियाणं कलसाणं एवं जहा रायप्पसेणइज्जे जाव अट्टसपूर्ण भोमेज्जाणं कलसाणं सच्विड्ढीए जाव वेणं महया २ निक्खमणाभिसेगेणं अभिसिंचइ त्ता करयल जाब विजएणं वद्धावेन्ति ता एवं वयासी-भण जाया ! किं देमो किं पयच्छामो किया वा ते अट्ठो ?, तप णं से जमाली खत्तियकुमारे अम्मापियरो एवं वयासी- इच्छामि णं अम्मताओ ! कुन्तियावणाओ रयहरणं च पडिग्गहं च आणिउं कासवगं च सहाविडं, तए णं से जमालिस्स खत्तियकुमारस्स पिया कोटुंबियपुरिसे सद्दावेइ त्ता एवं बयासी खिप्पामेव भो देवाणुप्पिया ! सिरिघराओ तिन्नि सयसहस्साई गहाय दोहिं सयसहस्सेहिं कुत्तियावणाओ रयहरणं च पडिग्गहं च आणेह सयसहस्सेणं कासवर्ग च सदावेह, तए णं ते कोटुंबियपुरिसा जमालिस्स वत्तियकुमारस्स पिउणा एवं वृत्ता समाणा हट्टवुट्टा करयल जाव पडिसुणेत्ता खिप्पामेव सिरिधराओ तिन्नि सयसहस्साइं तहेव जाव कासवर्ग सहावेति, तए णं से कासवए जमालिस्स खत्तियकुमारस्स पिउणा कोटुंबियपुरिसेहिं सहाविए समाणे हट्टे तुट्टे व्हाए कयबलिकम्मे जाय सरीरे जेणेव जमालिस्स खत्तियकुमारस्स पिया तेणेव उवागच्छत्ता करयल जमालिस्स खत्तियकुमारस्स पियरं जएणं विजएणं बद्धावेइ त्ता एवं बयासी संदिसंतु णं देवाणुप्पिया ! जं मए करणिज्यं, तर णं से जमालिस्स खत्तियकुमारस्स पिया तं कासवर्ग एवं क्यासी-तुमं देवाणुप्पिए! जमालिस्स खत्तियकुमारस्स परेणं जत्तेगं चउरंगुलवजे निक्खमणपयोगे अग्गकेसे पढिकप्पेहि, तए णं से कासवे जमालिस्स खत्तियकुमारस्स पिउणा एवं वृत्ते समाणे तुट्टे करयल जाव एवं सामी! तहत्ताणाए विणएणं वयणं पडिसुणेइ त्ता सुरभिणा गंधोदएण हत्थपादे पक्खालेद ता सुद्धाए अट्टपडलाए पोत्तीए मुहं बंध ता २५७ श्रीभगवत्यंग रातं 05
मुनि दीपरत्नसागर
| SR No. | 003905 |
| Book Title | Aagam Manjusha 05 Angsuttam Mool 05 Bhagavati |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 248 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 169 MB |