Aagam Manjusha 04 Angsuttam Mool 04 Samavaao

SR No.: 003904
Original Sutra Author: N/A
Author: Anandsagarsuri, Sagaranandsuri
Publisher: Deepratnasagar
Publication Year: 2012
Total Pages: 30
Language: Prakrit
Classification: Book_Devnagari, Agam, Canon, & agam_samvayang
File Size: 21 MB

Page 27

HIROEPTEMPIRNETERASPECARBIPIRANSPICHRSPOSAREPOMEPISOHASPANISHIRAASPIRAASPIRMISAPTEMBIPIONEPENMEPRAASHIK
बत्तीसं विमाणावाससयसहस्सा पं०, एवं ईसाणाइसु अट्ठावीस वारस अट्ठ चत्तारि एयाई सयसहस्साई, पण्णासं चत्तालीसं छ एयाई सहस्साई, आणए पाणए चत्तारि आरणऽचुए विनि एयाणि सयाणि, एवं गाहाहि भाणिय 1१५०। नेरइयाणं भंते ! केवइयं कालं ठिई पं०?, गोयमा ! जहन्नेणं दस वाससहस्साई उकोसेणं तेत्तीसं सागरोचमाई ठिई पं०, अपज्जत्तगाणं नेहयाणं भंते! केवइयं कालं ठिई पं०१, जहनेणं अंतोमुत्तं उकोसेणवि अंतोमुहुत्तं, पजत्तगाणं जहनेणं दस वाससहस्साई अंतोमुहुत्तूणाई उकोसेणं तेत्तीसं सागरोवमाई अंतोमुहुत्तूणाई, इमीसे णं रयणप्पभाए पुढवीए एवं जाव विजयवेजयंतजयंतअपराजियाणं देवाणं केवइयं कालं ठिई पं०?, गोयमा ! जहनेणं बत्तीसं सागरोवमाई उक्कोसेणं तेत्तीसं सागरोवमाई, सबढे अजहण्णमणुकोसेणं तेत्तीसं सागरोवमाई ठिई पं०।१५१। कति णं भंते ! सरीरा पं०, गोयमा! पंच सरीरा पं० २० ओरालिए वेउविए आहारए तेयए कम्मए, ओरालियसरीरे णं भंते ! कइविहे पं०१, गोयमा पंचविहे पं० तंज-एगिदियओरालियरीरे जाव गम्भवतियमणुस्सपंचिंदियओरालियसरीरे य, ओरालियसरीरस्स णं भंते! केमहालिया सरीरोगाहणा पं०?, गोयमा! जहन्नेणं अंगुलअसंखेजतिभागं उक्कोसेणं साइरेगं जोयणसहस्सं, एवं जहा ओगाहणसंठाणे ओरालियपमाणं तहा निरवसेसं, एवं जाव मणुस्सेत्ति उकोसेणं तिण्णि गाउयाई, कइविहे णं भंते ! वेउवियसरीरे पं० १, गोयमा ! दुविहे पं० तं०-एगिदियवेउवियसरीरे य पंचिंदियवेउवियसरीरे अ, एवं जाव सणकुमारे आढत्तं जाव अणुत्तराणं भवधारणिज्जा जाप तेसिं रयणी रयणी परिहायइ, आहारयसरीरेणं भंते ! कइविहे पं०?, गोयमा! एगाकारे पं०, जइ एगाकारे पं० किं मणुस्सआहारयसरीरे अमणुस्सआहारयसरीरे ?, गोयमा ! मणुस्साहारगसरीरे णो अमणुस्सआहारगसरीरे, एवं जइ मणुस्सआहारगसरीरे किं गम्भवतियमणुस्साहारगसरीरे समुच्छिममणुस्सआहारगसरीरे?, गोयमा! गम्भवकवियमणुस्सआहारयसरीरे नो समुच्छिममणुस्सआहारयसरीरे, जइ गम्भवतिय किं कम्मभूमिग अकम्मभूमिग?, गोयमा ! कम्मभूमिग नो अकम्मभूमिग०, जइ कम्मभूमिग- किं संखेज्जवासाउय० असंखेजवासाउय?, गोयमा ! संखेजवासाउय नो असंखेजवासाउय०, जइ संखेजवासाउय किं पज्जत्तय० अपज्जत्तय?, गोयमा! पज्जत्तय० नो अपजत्तय०,जद्द पजत्तय०कि संमदिट्ठी मिच्छदिट्ठी सम्मामिच्छदिट्ठी?, गोयमा! सम्मदिट्ठी नो मिच्छदिट्ठी नो सम्मामिच्छदिट्टी०, जइ सम्मदिट्टी० किं संजय० असंजय० संजयासंजय०?, गोयमा ! संजय० नो असंजय० नो संजयासंजय०, जइ संजय० किं पमत्नसंजय० अपमत्तसंजय०?, गोयमा! पमत्तसंजय० नो अपमत्तसंजय०, जइ पमत्तसंजय० किं इढिपत्त, अणिढिपत्त०?, गोयमा! इढिपत्तनो अणिढिपत्त० वयणा विभाणियचा आहारयसरीरे समचउरंससंठाणसंठिए, आहारयसरीरस्स केमहालिया सरीरोगाहणा पं०?, गोयमा ! जहनेणं देसूणा रयणी उकोसेणं पडिपुण्णा रयणी, तेआसरीरे णं भंते ! कतिविहे पं०१, गोयमा! पंचविहे पं०, एगिदियतेयसरीरे चितिचउपंच० एवं जाय गेवेजस्स णं भंते ! देवस्स णं मारणंतियसमुग्याएणं समोहयस्स समाणस्स केमहालिया तेयसरीरोगाहणा पं० १, गोयमा! सरीरप्पमाणमेत्ता विक्संभबाहलेणं आयामेणं जहन्नेणं अहे जाव विज्जाहरसेढीओ उक्कोसेर्ण जाव अहोलोइयग्गामाओ उड्ढं जाच सयाई विमाणाई विरियं जाव मणुस्सखेतं, एवं जाब अणुत्तरोववाइया, एवं कम्मयसरीरं माणियब्वं । १५२। कइविहे णं भंते ! ओही पं०?, गोयमा! दुविहा पं० तं-भवपञ्चइए य खओवसमिए य, एवं सत्रं ओहिपदं भाणियचं, 'सीया य दव सारीर साया तह वेयणा भवे दुक्खा । अभुवगमुवक्किमिया णीयाए चेव अणियाए॥७३॥ नेरइया णं भंते ! किं सीतं वेयणं वेयंति उसिणं वेयणं वेयंति सीवोसिणं वेयणं वेयंति?, गोयमा ! नेरइया० एवं चेव वेयणापदं भाणियवं, कई णं भन्ते! लेसाओ पं० ?, गो०! छ लेसाओ पं० त०-किण्हा नीला काऊ तेऊ पम्हा सुका, एवं लेसापर्य भाणियव्वं, 'अणंतग य आहारे आहारभोगणा इय । पोग्गला नेव जाणंति अज्झवसाणे य सम्मत्ते ॥ ७४ ॥ नेरइया ण भंते! अणंतराहारा तओ निव्वत्तणया तओ परियाइयणया तओ परिणामणया तओ परियारणया तओ पच्छा विकुब्वणया ?, हंता गोयमा! एवं आहारपदं भाणियव्यं । १५३ । कइविहे गं भंते ! आउगवन्धे पचत्ते?, गोयमा ! | छबिहे आउगवन्धे पं० सं०-जाइनामनिहत्ताउए गतिनामनिहत्ताउए ठिइनामनिहत्ताउए पएसनामनिहत्ताउए अणुभागनामनिहत्ताउए ओगाहणानामनिहत्ताउए, नेरइयाणं भंते ! कइविहे आउगवन्धे पं०, गोयमा! छबिहे पं० त० जातिनाम० गइनाम० ठिइनाम० पएसनाम० अणुभागनाम० ओगाहणानाम० एवं जाव वेमाणियाणं, निरयगई णं भंते ! केवइयं कालं विरहिया उववाएणं पं०?, गोयमा! जहन्नेणं एक समयं उक्कोसेणं चारस मुहुत्ते, एवं विरियगई मणुस्सगई देवगई, सिदिगई णं भंते ! केवइयं कालं विरहिया सिझणयाए पं०१, गोयमा! जहन्नेणं एक समयं उक्कोसेणं छम्मासे, एवं सिद्धिवजा उन्नट्टणा, इमीसे णं भंते ! रयणप्पभाए पुढवीए नेरइया केवइयं कालं विरहिया उववाएणं?, एवं उपवायदंडओ भाणियचो उवट्टणादंडओ य, नेरइया णं भंते ! जातिनामनिहत्ताउगं कति आगरिसेहिं पगरंति?, गो० ! सिय १ सिय २।०४।५।६७ सिय अट्ठहिं, नो चेव णं नवहि, एवं सेसाणवि आउगाणि जाच वेमाणियत्ति ।१५४। कइविहे णं भंते ! संघयणे पं० १. गोयमा! छविहे संघयणे पं० ०-वइरोसभनारायसंघयणे रिसभनारायसंघयणे नारायसंघयणे अद्धनारायसंघयणे कीलियासंघयणे छेवट्ठसंघयणे, नेरइया णं भंते ! किंसंघयणी ?, गोयमा ! छण्हं संघयणाणं असंघयणी णेव अट्टि व छिराणेव पहारू जे पोग्गला अणिट्ठा अर्कता अप्पिया अणाएजा असुभा अमणुण्णा अमणामा अमणाभिरामा ते तेसिं असंघयणत्ताए परिणमंति, असुरकुमाराणं भंते! किंसंघयणा पं०?, गोयमा! छण्हं संघयणाणं असंघयणी णेवट्ठी व छिराणेच व्हारू जे पोग्गला इट्टा कंता पिया मणुण्णा मणामा मणाभिरामा ते तेसिं असंघयणत्ताए परिणमंति, एवं जाव थणियकुमाराणं, पुढवीकाइया णं भंते ! किंसंघयणी पं०१, गोयमा ! छेवट्ठसंघयणी पं०, एवं जाव समुच्छिमपशिंदियतिरिक्खजोणियत्ति, गम्भवतिया० छव्विहसंघयणी, संमच्छिममणुस्सा छेवट्ठसंघयणी गम्भवतियमणुस्साणं छविहे संघयणे ई पं०, जहा अमुरकुमारा तहा वाणमंतरजोइसियवेमाणिया य, कइविहे गं भंते ! संठाणे पं०? गोयमा! छविहे संठाणे पं० २०-समचउरंसे णिग्गोहपरिमण्डले साइए वामणे सुजे हुंडे, णेरइया णं भंते ! किंसंठाणी पं०?, गोयमा ! हुंडसंठाणी पं०, असुरकुमारा किंसंठाणी पं०१, गोयमा ! समचउरंससंठाणसंठिया पं०, एवं जाव थणियकुमारा, पुढवी मसूरसंठाणा पं०, आऊ थिबुयसंठाणा पं०, तेऊ सइकलावसंठाणा पं०, वाऊ पडागासंठाणा पं०, वणस्सई नाणासंठाणसंठिया पं०, इंदियतेइंदियचउरिदियसंमुच्छिमपंचेंदियतिरिक्खा हुंडसंठाणा पं०, गम्भवतिया० छविहसंठाणा पं०, संमुच्छिममणुस्सा हुंडसंठाणसंठिया पं०, गम्भवतियाणं मणुममाणं कमिहा संठाणा पं०,(३९) १५६ समवायांर्ग- बारा-प६UIT
मुनि दीपरत्नसागर