Page Text
________________
1
तं लोणलेण उवक्खडेत्ता, सपिप्पलीयं पगरंति मंसं ॥ ५ ॥ तं भुंजमाणा पिसितं पभूतं, जो उवलिप्पामो वयं रएणं। इचेवमाहंसु अणज्जधम्मा, अणारिया बाल रसेसु गिद्धा ॥ ६ ॥ जे यावि भुंजंति तहप्पगारं, सेवंति ते पावमजाणमाणा । मणं न एयं कुसला करेंती, वायावि एसा बुइया उ मिच्छा ॥ ७ ॥ सबेसिं जीवाण दयट्टयाए, सावज्जदोसं परिकजयंता । तस्संकिणो इसिणो नायपुत्ता, उद्दिद्वभत्तं परिवज्जयंति ॥ ८ ॥ भूयाभिसंकाएँ दुर्गुछमाणा, सधेसिं पाणाण निहाय दंडं तम्हा ण भुंजंति तहप्पगारं, एसोऽणुधम्मो इह संजयाणं ॥ ९ ॥ निम्यधम्मंमि इमं समाहिं, (प्र० इमा समाही) अस्सि सुठिचा अणिहे चरेज्जा। बुद्धे मुणी सीलगुणोववेए, अश्वत्थतं (ओ) पाउणती सिलोगं ॥ ७१० ॥ सिणायगाणं तु दुबे सहस्से, जे भोयए यिए माहणाणं ते पुन्नखंधं सुमहऽज्जणित्ता, भवंति देवा इति वेयवाओ ॥ १ ॥ सिणायगाणं तु दुवे सहस्से, जे भोयए नियए कुलालयाणं से गच्छति लोलुवसंपगाढे, तिवाभितावी गरगाभिसेवी ॥२॥ दयावरं धम्म दुगुंछमाणा, वहावहं धम्म पसंसमाणा। एगंपि जे भोययती असीलं, णिवो णिसं जाति कुओ सुरेहिं ? ॥३॥ दुहओवि धम्मंमि समुट्ठियामो, अस्सि सुठिया तह एसकालं । आयारसीले बुझ्एह नाणी, ण संपरायंमि विसेसमत्थि ॥४॥ अवतरूवं पुरिसं महंतं, सणावणं अक्खयमश्यं च सधेषु भूतेवि सङ्घतो से, चंदो व ताराहिं समत्तरूवे ॥ ५ ॥ एवं ण मिजंति ण संसरती, ण माहणा खत्तिय वेस पेसा कीडा य पक्खी य सरीसिवा य, नरा य स तह देवलोगा ॥ ६ ॥ लोयं अयाणित्तिह केवलेणं, कहंति जे धम्ममजाणमाणा । णासंति अप्पाण परं च णट्टा, संसार घोरंमि अणोरपारे ॥७॥ लोयं विजाणंतिह केवलेणं, पुत्रेण नाणेण समाहिजुत्ता। धम्मं समत्तं च कदंति ने उ, तारंति अप्पाण परं च तिन्ना ॥ ८ ॥ जे गरहियं ठाणमिहावसंति, जे यावि लोए चरणोववेया। उदाहडं तं तु समं मईए, अहाउसो विप्परियासमेव ॥ ९ ॥ संवच्छरेणावि य एगमेगं, बाणेण मारेउ महागयं तु । सेसाण जीवाण दयट्टयाए, वासं वयं वित्ति पकप्पयामो ॥ ७२० ॥ संवच्छरेणावि य एगमेगं, पाणं हणंता अणियत्तदोसा सेसाण जीवाण वहेण लग्गा, सिया य यो गिहिणोऽवि तम्हा ॥ १ ॥ संवच्छरेणावि य एगमेगं, पाणं हणंता समणइएस आयाहिए से पुरिसे अणजे, ण तारिसा केवलिणो भवति ॥ २ ॥ बुद्धस्स आणाऍ इमं समाहिं, अस्स सुठिया तिविहेण ताई । तरिउं समुदं व महाभवोधं, आयाणवं धम्ममुदाहरेज्ज ॥ ७२३ ॥ तिबेमि, आर्द्रकीयाध्ययनं ६ (२२) ॥ तेणं कालेणं तेणं समएणं रायगिहे नामं नयरे होत्था, रिद्धत्थिमितसमिद्धे वण्णओ जाव पडिरूवे, तस्स णं रायगिहस्स नयरस्स बहिया उत्तरपुरच्छिमे दिसिभाए (· एत्य णं) नालदानामं बाहिरिया होत्या, अणेगभवणसयसन्निविद्या जाव पडिरूवा । ६९ । तत्थ णं नालंदाए बाहिरियाए लेवे नामं गाहावई होत्या, अड्ढे दित्ते वित्ते विच्छिष्णविपुलभवणसयणासणजाणवाहणाइण्णे बहुधणचहुजायरूवरजते आओओगसंपउत्ते विच्छड्डियपउरभत्तपाणे बहुदासीदासगोमहिसगवेलगप्पभूए बहुजणस्स अपरिभूए (प्र० जाव) यावि होत्या, से णं लेवे नाम गाहावई समणोवासए यावि होत्या, अभिग यजीवाजीवे जाव विहरइ, निम्गंधे पावयणे निस्संकिए निर्कखिए निडितिमिच्छे लट्ठे गहियद्वे पुच्छियट्टे विणिच्छियट्टे अभिगहियडे अट्ठिमिंजापेमाणुरागरत्ते, अयमाउसो ! निग्गंथे पावयणे अयं अट्ठे अयं परमट्ठे सेसे अगडे, उस्सियफलिहे अप्पावयदुवारे चियत्तंतेउरप्पवेसे चाउद्दसमुदिट्ठपुण्णमासिणीसु पडिपुन्नं पोसहं सम्मं अणुपालेमाणे समणे निग्गंथे तहाविहेणं एसणिज्येणं असणपाणखाइमसाइमेणं पडिलाभेमाणे बहूहिं सीलक्ष्यगुणविरमणपञ्चक्खाणपोसहोववासेहिं अप्पाणं (प्र० जाव) भावेमाणे एवं च णं विहरइ । ७० । तस्स गं लेवस्स गाहावइस्स नालंदाए बाहिरियाए (प्र० बहिया) उत्तरपुरच्छिमे दिसिभाए एत्थ णं सेसदविया नामं उद्गसाला होत्या, अणेगखंभसयसन्निविट्टा पासादीया जाव पडिरूवा, तीसे णं सदवियाए उद्गसालाए उत्तरपुरच्छिमे दिसिभाए, एत्थ णं हत्यिजामे नामं वणसंडे होत्या, किन्हे वण्णओ वणसंडस्स । ७१ । तस्सि च णं (. गिहपदेसंमि) भगवं गोयमे विहरइ, भगवं च णं आहे आरामंसि० । अहे णं उदए पेढालपुत्ते भगवं पासावचिजे नियंठे मेयजे गोत्तेणं जेणेव भगवं गोयमे तेणेव उवागच्छइ, उवागच्छत्ता भगवं गोयमं एवं वयासीआउसंतो ! गोयमा अस्थि खलु मे केइ पदेसे पुच्छियडे, तं च (प्र० मे) आउसो ! अहासुयं अहादरिसियं मे वियागरेहि सवायं, भगवं गोयमे उदयं पेढालपुत्तं एवं वयासी- अवियाइ आउसो ! सोच्चा निसम्म जाणिस्सामो सवायं, उदए पेढालपुत्ते भगवं गोयमं एवं क्यासी । ७२ । आउसो ! गोयमा अत्थि खलु कुमारपुत्तिया नाम समणा निग्गंथा तुम्हाणं पवयणं पवयमाणा गाहावई समणोवासगं ( उवसंपन्नं) एवं पञ्चक्खावेति णण्णत्य अभिओएणं गाहावइचोरग्गणविमोक्खणयाए तसेहिं पाणेहिं निहाय दंडं, एवं हं पञ्चक्खताणं दुप्पचक्खायं भवइ एवं हं पञ्चक्खावेमाणाणं दुपचक्खावियहं भवइ, एवं ते परं पश्ञ्चक्खावेमाणा अतियरंति सयं पतिष्णं, कस्स णं तं देउं ?, संसारिया खलु पाणा थावरावि पाणा तसत्ताए पश्चायंति, तसाचि पाणा थावरत्ताए पञ्चायंति, यावरकायाओ विप्पमुचमाणा तसकार्यसि उववचंति, तसकायाओ विप्पमुच्चमाणा थावरकार्यसि उववचंति, तेसिं चणं यावरकायंसि उववण्णाणं ठाणमेयं धत्तं । ७३ । एवं हं पञ्चक्खंताणं सुपञ्चक्खायं भवइ, एवं हे पच्चक्खावेमाणाणं सुपच्चस्वावियं भवइ, एवं ते परं पच्चक्खावेमाणा गाजियरंति सयं पइण्णं, णण्णत्थ ६९ सूत्रकृतांगं असंपणे-9
मुनि दीपरत्नसागर
| SR No. | 003902 |
| Book Title | Aagam Manjusha 02 Angsuttam Mool 02 Suyagado |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 39 |
| Language | Prakrit |
| Classification | Book_Devnagari, Agam, Canon, & agam_sutrakritang |
| File Size | 28 MB |