Page Text
________________
वा, जेवं० । अस्थि साहू असाहू वा, एवं० ॥ २ ॥ णत्थि कलाण पावे वा, जेवं०। अस्थि कलाण पावे वा, एव० ॥ ३ ॥ काणे पावए वावि, ववहारो ण विज्जइ । जं वेरं तं न जाणंति, समणा बाल पंडिया ॥ ४ ॥ असेसं अक्खयं वावि, सङ्घदुक्खेति (प्र० हि) वा पुणो वज्झा पाणा न वज्झत्ति, इति वायं न नीसरे ॥ ५ ॥ दीसंति समियायारा (निभियप्पाणो० पा० ), भिक्खुणो साहुजीविणो एए (प्र० तेवि ) मिच्छोवजीवंति, इति दिद्धिं न धारए ॥ ६ ॥ दक्खिणाए पडिलंभो, अस्थि वा णत्थि (प्र० अत्थि णत्पित्ति) वा पुणो ण वियागरेज मेहावी, संतिमग्गं च वृहए ॥ ७॥ इच्चेएहिं ठाणेहिं जिणदिद्वेहिं संजए। धारयंते उ अप्पाणं, आमोक्खाए परिवज्जासि ॥ ६६८ ॥ तिबेमि, अनाचाराध्ययनं ५ (२१) ॥ पुराकडं अह! इमं सुणेह, एगन्तयारी समणे पुरासी से भिक्खुणो उवणेत्ता अणेगे, आइक्खति हि पुढो वित्यरेणं ॥ ९ ॥ साऽऽजीविया पट्टविताऽथिरेणं, सभागओ गणओ भिक्सुमज्झे। आइक्खमाणो बहुजनमत्थं, न संघयाती अवरेण पुत्रं ॥ ६७० ॥ एतमेवं अदुवावि इव्हिं, दोडवऽण्णमनं न समेति जम्हा पुष्विं च इव्हिं च अणागतं वा एगंतमेवं पडिसंधयाति ॥ १ ॥ समिच लोगं तसथावराणं, खेमंकरे समणे माहणे वा आइक्समाणोवि सहस्समज्झे, एगंतयं सारयती तहबे ॥ २ ॥ धम्मं कहंतस्स उ णत्थि दोसो, खंतस्स दंतस्स जिनिंदियस्स । भासाय दोसे य विवज्जगस्स, गुणे य भासाय णिसेवगस्स ॥ ३ ॥ महघ्वए पंच अणुश्ए य, तहेव पंचासव संवरे य विरतिं इहस्सामणियंमि पन्ने (पुण्णे पा० ), लवावसकी समणेत्तिबेमि ||४|| सीओदगं सेव चीयकार्य, आहायकम्मं तह इत्थियाओ। एगंतचारिस्सिह अम्ह धम्मे, तबस्सिणो णाभिसमेति पावं ||५|| सीतोदगं वा तह वीयकार्य, आहायकम्मं तह इत्थियाओ । एयाइं जाणं पडिसेवमाणा, अगारिणो अस्समणा भवंति ॥ ६ ॥ सिया य बीओदग इत्थियाओ, पडिसेवमाणा समणा भवंतु। अगारिणोऽवी समणा भवंतु, सेवंति उ (प्र० जं) तेऽवि तहप्पारं ॥ ७॥ जे यावि बीओदगभोति भिक्खु, भिक्खं विहं जायति जीवियट्टी ते णातिसंजोगमविष्पहाय, कायोवगा णंतकरा भवति ॥८॥ इमं वयं तु तुम पाउकुशं पावाइणो गरिहसि सङ्घ एव। पावाइणो पुढो किट्टयंता, सयं सयं दिट्टि करेंति पाउ ॥ ९ ॥ ते अन्नमनस्स उ गरहमाणा, अक्खंति भो समणा माहणा य सतो य अत्थी असतो य णत्थी, गरहामो दिट्टि ण गरहामो किंचि ॥ ६८० ॥ ण किंचि रूवेणऽभिधारयामो, सदिद्विमग्गं तु करेमु पाउं मग्गे इमे किट्टिऍ आरिएहिं अणुत्तरे सप्पुरिसेहिं अंजू ॥ १॥ उटं अहेयं तिरियं दिसासु, तसा य जे थावर जे य पाणा । भूयाहिसंकाभि दुगुंछमाणा, जो गरहती पुसिमं किंचि लोए ॥२॥ आगंतगारे आरामगारे, समणे उभीते ण उवेति वासं । दक्खा हु संती बहचे मणुस्सा, ऊणातिरित्ता य लवालवा य ॥ ३ ॥ मेहाविणो सिक्खिय बुद्धिमता, सुत्तेहिं अत्येहि य णिच्छयना (प्र० णिच्छियन्नू ) । पुच्छि मा णे अणगार अन्ने (प्र० एगे) इति संकमाणो ण उवेति तत्थ ॥ ४ ॥ णो काम किया ण य बालकिच्चा, रायाभिओगेण कुओ भएन ? वियागरेज्जा पसिणं न वावि, सकामकिञ्चेणिह आरियाणं ॥ ५ ॥ गंता च तत्था अदुवा अगंता, वियागरेजा समियाऽऽसुपने। अणारिया दंसणओ परित्ता, इति संकमाणो ण उवेति तत्य ॥ ६ ॥ पनं जहा वणिए उदयद्वी, आयस्स हेउं पगरेति संगं तऊवमे समणे नायपुत्ते, इच्चैव मे होति मती वियका ॥ ७ ॥ नवं न कुजा विहुणे पुराणं, चिचाऽमई ताइय साह एवं एतो ( प्र० सा) वया बंभवतित्ति वृत्तो, तस्सोदयद्वी समणेत्तिबेमि ॥ ८ ॥ समारभंते वणिया भूयगामं, परिम्गहं चेव ममायमाणा । ते णातिसंजोगमविप्पहाय, आयस्स हेउं पगरंति संगं ॥ ९ ॥ वित्तेसिणो मेहुणसंपगाढा, ते भोयणड्डा वणिया वयंति। वयं तु कामेसु अज्झोवबन्ना, अणारिया पेमरसे गिद्धा ॥ ६९० ॥ आरंभगं चैव परिग्गहं च, अविउस्सिया णिस्सिय आयदंडा तेर्सि च से उदए जं वयासी, चउरंतणंताय दुहाय णेह ॥ १ ॥ णेगंत ण (प्र० णि) चंतिव ओदए सो वयंति ते दो विगुणोदयंमि से उदए सातिमर्णतपत्ते, तमुदयं साहयइ ताइ गाई ॥ २ ॥ अहिंसयं सङ्घपयाणुकंपी, धम्मे ठियं कम्मविवेगहेडं तमायदंडेहिं समायरंता, अबोहीए ते परुिवमेयं ॥ ३ ॥ पिन्नागपिंडीमवि विद्ध सूले, केई पएज्जा पुरिसे इमेति । अलाउयं वावि कुमारएत्ति, स लिप्पती पाणिवण अम्हं ॥ ४ ॥ अहवावि विदुण मिलक्खु सूले, पिभागबुद्धीइ नरं परया । कुमारगं वावि अलाबुयंति, न लिप्पइ पाणिवण अहं ॥ ५ ॥ पुरिसं च विदुण कुमारगं वा, सूलंमि के पए जायतेए पिनायपिंडं सतिमास्देत्ता, बुद्धाण तं कप्पति पारणाए ॥ ६ ॥ सिणायगाणं तु दुवे सहस्से, जे भोयए जियए भिक्खुयाणं ते पुत्रखंधं सुमहं जिणित्ता, भवंति आरोप्य महंतसत्ता ॥ ७ ॥ अजोगरूवं इह संजयाणं, पावं तु पाणाण पसज्झ काउं । अबोहिए दोहवि तं असाहु, वयंति जे यावि पडिस्सुणंति ॥ ८ ॥ उटं अहेयं तिरियं दिसासु, विज्ञाय लिंग तसथावराणं। भूयाभिसंकाइ दुगुंछमाणे, वदे करेजा व कुओ विहत्थी ? ॥ ९ ॥ पुरिसेत्ति विन्नत्ति न एवमत्थि, अणारिए से पुरिसे तहा हु को संभवो ? पिन्नगपिंडियाए, वायावि एसा बुइया असच्चा ॥ ७०० ॥ वायाभियोगेण जमावहेजा, णो तारिसं वाय (प्र० भास) मुदाहरिज्जा। अट्ठाणमेयं वयणं गुणाणं, णो (प्र० जे) दिखिए बूयमुरालमेयं ॥ १॥ लदे अ (प्र० ४) हे अहो एव तुग्भे, जीवाणुभागे सुविचितिए व पुत्रं समुदं अवरं च पुढे, उलोइए पाणितले ठिए वा ॥ २ ॥ जीवाणुभागं सुविचितयंता, आहारिया अन्नविहीय सोहिं न वियागरे छन्नपओपजीवि, एसोऽणुधम्मो इह संजयाणं ॥ ३॥ सिणायगाणं तु दुवे सहस्से, जे भोयए नियए भिक्खुयाणं असंजए लोहियपाणि से ऊ, नियच्छति गरिहमिहेव लोए ॥ ४ ॥ धूलं उरम्भं इह मारियाणं, उद्दिभत्तं च पगप्पएत्ता। (१७) ६८ सूत्रकृतांगं - अन्यणे
मुनि दीपरत्नसागर
| SR No. | 003902 |
| Book Title | Aagam Manjusha 02 Angsuttam Mool 02 Suyagado |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 39 |
| Language | Prakrit |
| Classification | Book_Devnagari, Agam, Canon, & agam_sutrakritang |
| File Size | 28 MB |