Aagam Manjusha 01 Angsuttam Mool 01 Aayaro

SR No.: 003901
Original Sutra Author: N/A
Author: Anandsagarsuri, Sagaranandsuri
Publisher: Deepratnasagar
Publication Year: 2012
Total Pages: 38
Language: Prakrit
Classification: Book_Devnagari, Agam, Canon, & agam_acharang
File Size: 30 MB

Page 9

कुप्पंति माणवा, उन्नयमाणे य नरे महया मोहेण मुज्झइ, संवाहा बहवे भुज्जो २ दुरइकमा अजाणओ अपासओ, एवं ते मा होउ एवं कुसलस्स दंसणं, तद्द्द्विीए तम्मुत्तीए तःपुरकारे तस्सन्नी तन्निवेसणे जयं विहारी चित्तनिवाई पंथनिज्झाई, पलिबाहिरे पासिय पाणे गच्छिजा । १५८। से अभिकममाणे पडिकममाणे संकुचमाणे पसारेमाणे विणिवट्टमाणे संपलिज्जमाणे एगया गुणसमियस्स रीयओ कायसंकामं ममणुचिन्ना एगतिया पाणा उद्दायंति इहलो| गवेयणविज्जावडियं, जं आउट्टिकयं कंमं तं परिन्नाय विवेगमेइ, एवं से अप्पमाएण विवेगं किइ वेयवी । १५९। से पभूयदंसी पभूयपरिन्नाणे उवसंते समिए सहिए सयाजए दठ्ठे विप्पडिवेएइ अप्पाणं, किमेस जणो करिस्सइ ?, एस से परमारामो जाओ लोगंमि इत्थीओ, मुणिणा हु एयं पवेइयं उच्चा हिज्जमाणे गामधम्मेहिं अवि निच्चलासए अवि ओमोयरियं कुज्जा अवि उड्ढं ठाणं ठाइज्जा अवि गामाणुगामं दृइज्जिज्जा अवि आहारं बुच्छिदिजा, अवि चए इत्थीसु मणं, पुवं दंडा पच्छा फासा पुढं फासा पच्छा दंडा, इचेए कलहा संगयरा भवंति, पडिलेहाए आगमित्ता आणविजा अणासेवणाएत्तिबेमि, से नो काहिए नो पासणिए नो संपसारणिए नो मामए णो कयकिरिए बइगुत्ते अज्झप्पसंवुडे परिवज्जइ सया पावं, एयं मोणं समणुवासिज्जासित्तिवेमि । १६० ॥ अ० ५ उ० ४ ॥ से बेमि तंजहा अवि हरए पडिपुण्णे समंसि भोमे चिट्ठइ उवसंतरए सारक्खमाणे, से चिट्ठइ सोयमज्झगए, से पास सव्वओ गुत्ते, पास लोए | महेसिणो जे य पन्नाणमंता पबुद्धा आरम्भोवरया, सम्ममेयंति पासह, कालस्स कंखाए परिश्वयंतित्तित्रेमि । १६१। वितिगिच्छसमावन्नेणं अप्पाणेणं नो लहइ समाहिं, सिया वेगे अणुगच्छंति असिता वेगे अनुगच्छंति, अणुगच्छमाणेहिं | अणणुगच्छमाणे कहं न निव्विज्जे ? । १६२ । तमेव सचं नीसंकं जं जिणेहिं पवेइयं । १६३ । सढिस्स णं समणुन्नस्स संपव्वयमाणस्स समियंति मन्नमाणस्स एगया समिया होइ१समियंति मन्नमाणस्स एगया असमिया होइ २ असमियंति मन्नमाणस्स एगया समिया होइ ३ असमियंति मन्नमाणस्स एगया असमिया होइ ४ समियंति मन्नमाणस्स समिया वा असमिया वा समिआ होइ उबेहाए ५ असमियंति मनमाणस्स समिया वा असमिया वा असमिया होइ उवेहाए ६, उद्देहमाणो अणुवेहमाणं बूया-उवेहाहि समियाए, इन्वेवं तत्थ संधी झोसिओ भवइ, से उडियस्स ठियस्स गई समणुपासह, इत्थवि बालभावे अप्पाणं नो उवदंसिज्जा । १५४ । तुमंसि नाम सच्चेव जं हंतव्वंति मन्नसि तुमंसि नाम सच्चेव जं अज्जावेयव्वंति मन्नसि तुमंसि नाम सब्बेव जं परियावेयव्वंति मन्नसि, एवं जं परिधित्तव्वंति मन्नसि, जं उद्दवेयवंति मन्नसि, अंजू चेयपडिबुद्धजीवी तम्हा न हंता नवि घायए, अणुसंवेयणमप्पाणेणं जं हंतव्वं नाभिपत्थए । १६५ । जे आया से विन्नाया जे विन्नाया से आया, जेण वियाणइ से आया, तं पडुच्च पडिसंखाए एस आयावाई समियाए परियाए विग्राहिएत्तिबेमि । १६६॥ अ० ५ ३० ५॥ अणाणाए एगे सोबद्वाणा आणाए एगे निरुवट्टाणा एयं ते मा होउ एयं कुसलस्स दंसणं, तद्दिडीए तम्मुत्तीए तप्पुरकारे तस्सन्नी तन्निवेसणे । १६७। अभिभूय अदक्खू, अणभिभूए पशू निरालंबणयाए, जे महं अबहिमणे, पवाएण पवायं जाणिज्जा सहसंमइयाए परवागरणेण अन्नेसिं वा अंतिए सुच्चा । १६८ । निद्देसं नाइवद्वेज्जा, सुपडिलेहिया सइओ सङ्घप्पणा (प्र० सव्वयाए सव्वमेव), सम्मं समभिण्णाय इह आरामं परिण्णाय अहीणगुत्तो आरामो परिव्वए, निडियट्टी बीरे आगमेण सया परकमेज्जासित्तिवेमि । १६९ । उड्ढं सोया अहे सोया, तिरियं सोया वियाहिया। एए सोया विजक्खाया, जेहिं संगति पासह ॥ १३ ॥ आवहं तु पेहाए इत्थ विरमिज्ज वेयवी, विणइत्तु सोयं, निक्खम्म एस महं अम्मा जाणइ पासइ पडिलेहाए, नावकखइ इह आगई गई परिन्नाय । १७० । अचेइ जाईमरणस्स वट्टमग्गं विक्खायरए, सव्वे सरा नियति तक्का जत्थ न विज्जइ, मई तत्थ न गाहिया, ओए अप्पइट्टाणस्स खेयन्ने, से न दीहे न हस्से न वट्टे न तंसे न चउरंसे न परिमंडले न किण्हे न नीले न लोहिए न हालिदे न सुकिले न सुरभिगंधे न दुरभिगंधे न तित्ते न कडुए न कसाए न अंबिलेन महुरे न कक्खडे न मउए न गरुए न लहुए न सीए न उन्हे न सिद्धे न लक्खे न काओ न कहे न संगे न इत्थी न पुरिसे न अनहा, परिन्ने सन्ने उनमा न विज्जए, अरूबी सप्ता, अपयस्स पयं नत्थि । १७१ । से न सद्दे न रूवे न गंधे न रसे न फासे इच्चेवत्तित्रेमि । १७२ ॥ उ० ६ लोकसाराध्ययनं ५ ॥ ओज्झमाणे इह माणवेसु आघाइ से नरे जस्स इमाओ जाइओ सब्बाओ सुपडिलेहियाओ भवंति, आघाइ से नाणमणेलिस से किइ तेसिं समुट्ठियाणं निक्खित्तदण्डाणं समाहियाणं पन्नाणमंताणं इह मुत्तिमग्गं एवं (अवि) एगे महाबीरा विप्परिकमंति, पासह एगे अवसीयमाणे अणत्तपन्ने, मे बेमि से जहावि (सेवि) कुंमे हरए विणिविट्टचित्ते पच्छन्नपलासे उम्मग्गं से नो लहइ भंजगा इव संनिवेस, नो चयंति एवं (अवि) एगे अणेगरूवेहिं कुलेहिं जाया रूवेहिं सत्ता करणं धणंति, नियाणओ ते न लभंति मुक्खं, अह पास तेहिं कुलेहिं आयत्ताए जाया-गंडी अहवा कोढी, रायंसी अबमारियं काणियं झिमियं चेत्र, कुणियं खुज्जियं तहा ॥ १४ ॥ उदरिं च पास मृयं च सृणीयं च गिलासणिं । वेवई पीढसप्पिं च सिलिवयं महुमेहणिं ॥ १५॥ सोलस एए रोगा, अक्खाया अणुपुवसो । अह णं फुसंति आयंका, फासा य असमंजसा ॥ १६ ॥ मरणं तेसिं संपेहाए उबवायं च नचा परियागं च संपेहाए । १७३ । तं सुणेह जहा तहा मंति पाणा अंधा तमसि वियाहिया तामेव सई असई अइअच्च उच्चावयफासे पडिसंवेएइ, बुद्धेहिं एयं पवेइयं संति पाणा वासगा रसगा उदए उद्एचरा आगासगामिणो, पाणा पाणे किलेसंति, पास लोए महम्भयं । १७४ । बहुदुक्खा हु जन्तवो. सत्ता कामेसु माणवा, अबलेण वहं गच्छन्ति सरीरेणं पभंगुरेण, अट्टे से बहुदुक्खे, इह वाले पकुब्बइ, एए रोगा बहू नच्चा आउरा परियावए, नालं पास, अलं तवेएहिं, एयं पास मुणी! महम्भयं नाइवाइज कंचणं ॥ १७५ ॥ आयाण भो, सुस्मृस ! भो. धूयवायं पवेयइस्सामि (धृतोवायं पवेयंति पा०) इह खलु अत्तत्ताए तेहिं तेहिं कुलेहिं अभिसेएण अभिसंभूया अभिसंजाया अभिनिवडा अभिसंबुड्ढा अभिसंबुद्धा अभिनिता अणुपुत्रेण । १७६। महामुनी ! तं परिकमंतं परिदेवमाणा मा चयाहि इय ते वयंति, छंदोवणीया अज्झोववन्ना अकंदकारी जणगा रुयंति, अतारिसे मुणी, (ण य) ओहं तरए जणगा जेण विप्पजढा, सरणं तत्थ नो समेइ, कहं नु नाम से तत्थ रमइ ?, एवं नाणं सया समणुवासिज्जासित्तिबेमि । १७७ ॥ अ० ६ उ० १ ॥ आउरं लोगमायाए चइत्ता पुढसंजोगं हिचा उवसमं वसित्ता संभचेरंसि वसु वा अणुवसु वा जाणित्तु धम्मं अहा तहा, अड़ेंगे तमचाई कुसीला । १७८ । वत्थं पडिग्गहं कंबलं पायपुंळणं विउस्सिज्जा अणुपुत्रेण अणहियासेमाणा परीसहे दुरहियासए, कामे ममायमाणस्स इयाणिं वा मुहुत्तेण वा अपरिमाणाए भेए, एवं से अंतराएहिं कामेहिं आकेवलिएहि, अवइन्ना चेए। १७९ । अहेगे धम्ममायाय आ७ आचारांग असणे-हु
मुनि दीपरत्नसागर
-